🔥الصفحة 44🔥(مكتملة الجزء الاول)

part31

//الصفحة 44//
📝الكاتبة ياسمين الوراق
🌷بارت 31🌷

🌸🌸 سلبت عقلي و سرقت قلبي
🌸🌸سكنت روحي و استنجدت باحضاني
🌸🌸تغلغلت فاعماقي و حفزت هوسي
🌸🌸خرجت مصيدتي كطائر عنقاء عنيدة
🌸🌸 أعدك أن تعودي إليها كعبدة مطيعة

من بعد ما خلاها تعيش لحظات و لا فالاحلام ووصلها لسااابع سما رجع خبطها و هبطها لسابع أرض بصدمة سداسية الأبعاد.
كلمة جينا للي خرجات من فمو و فيقاتو من الغيبوبة للي كان فيها، كلمة للي تزامنات مع الوقت للي جاب فيه البليزيغ ديالو و خلا المعلم داخل و جابو فيها. كلمة للي خلاتو يصعر بالمزييييان على هادشي للي وقع ليه و ناض من فوقها بالزعاف.
ازاد (بالغوات) : نوضي قووودي عليا من هنا
بلاما تعاود معاه الهدرة ناضت بالجرا ملوية فايزار. هزات حوايجها و خرجات مشات للبيت الثاني.
اما أزاد غي بقاو بوحدو ناض لبس البوكسر و ناض بالزعاف ضرب برجلو طبلة صغيرة ديال الزاج ترفعات تال السما و تشخشخات قدامو و مشا لذاك الفراش قلع والديه كامل و لاحو فالأرض. داز عاوتاني للفازات هرسهم كاملين و شخشخهم فالأرض تا رجع داك البيت كلو خراب و مشا الدوش و ردخ الباب تا خلا موراه صوت كيصمك الودنين.
أزاد (كيشوف فالمرايا و حاط يديه فوق الرخامة) : فااااااااااك.... فااااااااااك..... غادي ندمك القحبة غندددددمك
اما اناستازيا مشات بالزربة البيت الثاني و سدات عليها تما حيت حسات بللي شي عاصفة جاية و مبغاتش تجي فيها الدقة.
وقفات قدام المرايا و هي لاوية عليها غي ايزار و بقات كتشوف فالعلامات للي خلا فيها و كدوز صباعها عليهم و كتبتاسم غي بوحدها.
اناستازيا : هاد الليلة عمرني مغادي نساها فحياتي... نتا حبيبي و روحي واخا ما عرفت شنو دير فيا. و من بعد هادشي للي خليتني نعيش اليوم ما عمرني ما نقدر نبعد منك مزال واخا يقتلوني.
ما يمكنش نتخايل شي واحد يلمسني من غيرك ما يمكنش نتخايل شي واحد يتعامل معايا فالفراش بنفس الطريقة باش تعاملتي معايا. نتا منقذي و عائلتي و كولشي عندي فهاد الدنيا. و غندير كاع إللي نقدر عليه باش نخليك تبغيني و تكون ليا بوووحدي. و هادي للي نطقتي سميتها بلا ما تحس نغبرها من هاد الدنيا إلا بغات تكون حاجز بيني و بينك.
من بعد ما قنعات راسها باللي ممكن تخلي الكينغ يبغيها مشات دوشات و رجعات نعسات فداك البيت باش تخليه على راحتو و هي فرحاااانة و متأملة ان احلامها الوردية تتحقق شي نهار.
و لكن مع الأسف هي ما عارفاش باللي هاكا تحدات الواقع للي ما يمكن ليها تبدلو لا هي لا أزاد و لا تا واحد آخر.
حيت بكل بساطة القرار معمرو كيكون بين يدينا باش اننا نبغيو شي واحد و لا اننا نخليو هاد الواحد يبغينا. علاش؟ حيت الحب عمرو مكان قرار يفكر فيه الواحد أو يضرب ليه الحساب و لا يحط ليه ميزانية. هادا ماشي مشروع انتخابات، هادا ماشي قرار فمجلس إدارة شركة.
لا لا، هادا احسااااس، احساس كيضربك فالوقت اللي متكونش متوقعو فيه نهائيا. احساس كيخليك تجري موراه واخا يعيا عقلك يجرك و لا يحبس فيك.
العقل نفسو للي يااااما حاول و حاول يقنع ناس بحال اناستازيا بللي الطرف الثاني مكيبغيهومش، العقل نفسو للي كيحاول يحفظ ماء الوجه و كرامتنا و لكن حنا مع الأسف جنس كاموني.
الحاجة للي بغاها القلب و تعلقات بيها العين، العقل ما عندو كي يدير باش يحيدها من بالك.
هيييه على الحب و مكيدير فبنادم، كيخليك تولي عديم الكرامة، بنادم يرفضك و يصدك مرة و زوووج و عشرين و لكن و تقووول واش القلب يعلن الاستسلام و لا يدير النفس. بالعكس، عااااد مكيزيد ولد الحرام فعنادو و عاااد مكيزيد يقصح راسو معاك.
أزاد من بعد ما كمل الدوش ديالو، خرج لاوي فوطة على نصو و مشا البلاكار فين كاينين شوية ديال حوايجو. و جبد سورفيط فالرمادي مغلوق لبسها على اللحم و شعرو مزال كيقطر على عنقو و هو مرجعو الور.
خرج البالكون و جبد كارو كيكمي فيه و كيدوز بكاس ديال للشراب قاصح باش يتقل بيه الراس. و ينسا، ينسا اي حاجة زوينة فيها كتجدبو، ينسا اي حاجة تخليه يضعف قدامها، ينسا اي حاجة تخليه يتراجع على داكشي للي ناوي يدير فيها و أهم من هادشي كااااامل ينسا هاد الحب و الهوس اللي ساكن قلبو.
هههه مسكيين كيتقاتل باش يخرجها من قلبو و نسا باللي هي سكتات روحو، عواطفو و جوارحو و ضرباتو فيهم ضربة قااااضية تال الجدر.
باغي ينهي حياتها و نسا باللي هي الدم للي فالشرايين، هي الاوكسجين للي كيتنفسو. نسا باللي من نهار تزادت ما عمرهم كانو زوج، كانو واحد يعني يا يعيشو بزوج... يا يموتو بزوج.
باغي يكرها على اساس الماضي الأسود و هو ناسي باللي واعدها من شحااال هادي باللي غيبغيها فالماضي و الحاضر و المستقبل و تال آخر نفس فحياتو.