مجددا
رواية ❄️الصفحة 44 ❄️
على شاشة مختلف اللهجات و بقلم ياسمين الوراق
بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
//الصفحة 44// حرب الأسد 🦁 و الثعبان 🐍 بقلمي أنا 🖋️ : ياسمين الوراق 💝 بارت 123
*** فالكلينيك 🏥 ***
من بعد ما دوزات ليلة كاملة فالانعاش و بدات حالتها كتستقر. تحولات نيليا لغرفة عادية و ارسلان بقا جالس هو و نجود كيتسناو يخليوهم يدخلو لعندها.
نجود (تنهدات و شافت فيه) : كون غير مشيتي ترتاح، الليل كلو ما نعستيش
أرسلان (تكا على الحيط كيحك عينيه) :لا ما يمكنش نمشي قبل نا نشوفها
نجود : و لكن راك عييتي!!! ما نعستيش و بقيتي غي على القهوة تا الماكلة ما دقتيها
أرسلان (مغمض عينيه) : من بعد و ناكل
نجود (ابتسمات و هي كتشوف فيه) : لهاد الدرجة كتبغيها؟
ارسلان (حل عينيه و شاف فيها بلاما يهدر)
نجود (كملات و هي باقا مبتسمة) : كنت ديما كنسول راسي ديك البنت علاش ربي مكتب عليها العذاب؟ علاش قاسات بزااف؟ ههه دابا عاااد فهمت بللي كان كيختبر صبرها باش يجازيها براجل بحالك يصونها و يبغيها. راجل بمعنى الكلمة، صابر على هبالها قابل عليها بالحاجة الزوينة و الخايبة فيها، راجل ما قدرش يغمض عينيه و هي مريضة بين الحياة و الموت (حطات يدها على يدو) دابا نقدر نقول باللي نيليا هي أكثر بنت محظوظة فهاد العالم و كولشي غيولي يحسدها.
ما لقى باش يجاوبها، حيت قالت غي الحقيقة. حقيقة الحب اللي مخبي فقلبو و جامع ليها طول هاد السنين بوحدها. حقيقة المكانة الكبييرة للي داير ليها فحياتو و انه كيتسنا منها غي كلمة اه باش نجوم السما يحطهم تحت رجليها.
أرسلان (بتردد) : احم.....كيفاش قلتي تعذبات؟ اشنو وقع ليها؟
نجود (بلعات ريقها و بقات مترددة شحال و هي كتشوف فيه كيرمقها بتساؤل باغي يعرف شنو وقع ليها) : ارسلان... نيليا تغ...
الطبيب (قاطعهم) : سمحوليا لا برزطتكم
ارسلان (وقف) : لا ماشي مشكل...اشنو كاين؟
الطبيب (بابتسامة) : مادموزيل نيليا الحمد لله حالتها مستقرة و را درنا ليها جميع الفحوصات ما عندها تا حاجة للي تقدر نشكل عليها خطر. و دابا را حولناها لغرفة عادية و كنتسناو ايمتا تفيق
نجود (وقفات) : نقدر نشوفها ا دكتور؟ 😥
الطبيب : وي تقدري، و لكن غدخلو واحد بالواحد
ارسلان : واخا شكرا
الطبيب (بتساؤل) : شكون غيدخل فالاول؟
نجود (حطات يدها على كتف ارسلان) : دخل نتا.... هدر معاها راها محتاجاك
ارسلان (ابتسم ليها ابتسامة خفيفة و ومأ ليها براسو)
الطبيب : اوكي اجيو معايا
مشاو مع الطبيب للغرفة فين كاينة نيليا و جلسات نجود على برا كتسنا و أرسلان دخل عندها.تتمة الجزء
تقدم بخطوات ثقيلة جيهة الناموسية فين كانت نااعسة ضايرين بيها السلوكة و الماسك ديال الاوكسجين على وجهها.
كانت بانضة غليضة مدورينها ليها على راسها، وجهها صفااار و جسمها كان كيبان هزييل. شكون يقول هادي هي فليفلة؟. شكون يقول هادي نيليا مولات اللسان الماضي؟ شكون يقول هادي القزمة للي كطير مع الطيور؟
دابا حابسها سرير فكلينيك ما يتسمع ليها صوت ما تشاف ليها حركة.
جر كرسي و جلس مقابل معاها كيتأمل ملامحها بحسرة و قلبو كيتقطع بشوفتها فهاد الحالة.
شد يدها للي فيها السيروم و حنا عليها بقبلة طويييلة كيخرج معاها مرة مرة تنهيدة سخوونة. عاد هز راسو كيشوف فيها و كيدوز يدو على شعرها للي كان مطلوق على طولتو على الفراش.
ارسلان : حبيبتي و روح قلبي... قدما ما عبرت ليك غيكون قليييل فحق شنو كنحس من جيهتك. خديتي ليا عقلي بتصرفاتك الشيطانية، قباحتك عوض تبعدني عليك خلاتني نزييد نتشد ليك أكثر. مللي عقلت على راسي و انا كنخسر الناس للي كنبغي و عزاز عليا (تنهد بحسرة) بابا (غمض عينيه) ختي و تا ماما تحرمت من حنانها لسنوات حيت حالتها يعلم بيها غي الله. (حنا على يدها كيبوسها بوسات خفاف) ما تمشيش و تخليني تا نتي. خليك حدايا، خليك حدايا و انا نعوضك على اي حاجة خايبة عشتيها فحياتك ا عمري.
(نزلات ليه دمعة صغيرة مسحها دغيا و رجع شد فيدها) رجعي واخا ترفضيني... المهم نعرفك عايشة و فرحانة
بقا جالس معاها مدة و ما طلقش ليها من يدها و عينيه ما نزلوش من عليها. من بعد ناض باش يمشي و بغا يحل الباب و هو يتلفت شاف فيها.
رجع عندها و حيد ليها الماسك ديال الأوكسجين و باسها نيليا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ة طويييلة ففمها و رجع ليها الماسك و خرج
تعليقاتكم التتمة بعد قليل مع مفاجئة اليوم 😁ارسلان👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
