🔥الصفحة 44🔥(مكتملة الجزء الاول)

part7

//الصفحة 44//

🌷بارت 7🌷

ملامح بين بيضاء و قمحية، شعر اسود رطب و لحية كحلة قصيرة و لكن كثيفة عاطياه رونق رجولي خطيييير. أما العينين فهوما كبار و مشفرين لونهم رمادي غامق مواتي مع شعرو و لحيتو السوداء.
داخل كالعادة هاز خنافرو للسما و عينيه مخبعهم بنظاراتو الشمسية و مكيشوف فتا واحد. و علاش يشوف فيهم و هو نظرة منو تخلي الشركة تمشي على قدم و ساق و يا ويل اللي يتحرك عكس تيار الكينغ أزاد. بالسيف راه يقدر يغبر عليهم لاشهر و الشركة كتبقى خدامة بحال الماكينة و ما كاينش بلاصة للناس اللي كيغلطو اللي غلط يودي.
فطريقو تلاقى أرسلان اللي تبادل هو وياه نظرات حاااارقة قبل ما يطلع فالاسانسور الخاص بيه و اللي وقف بيه فالطابق المخصص ليه.
الطابق اللي اول مكتحط فيه رجليك كتحس بواحد الرهبة و واحد الهيبة فشكل. واش عمركم تسائلتو على شخصية شي انسان غير من المكان الخاص بيه؟؟ هاد السؤال هو اللي كيطيح فبال الناس القلال المحظوظين اللي سنحات ليهم الفرصة انهم يكتشفو واحد من عوالم الكينغ الا و هو مكان العمل الخاص بيه.
هاد الطابق (الصورة) اللي فيه ممر طويييل و عريض ارضيتو بنية مغلوقة اما سقفو فهو شكلو غرييب لانه هابط مايل مع الحيط من جهة اليسار بحال الا مشروكين و لونهم فالاسود و الرمادي و كيشعلو فيه أضواء خفيفة كتخليك تحس ب السكينة و الغرابة فنفس الوقت من هاد المكان. كتسآل هاد الشخص اللي يفكر فديكور بحال هادا، كيفاش ايكون كيفكر فالداخل ديالو؟؟؟ و فعلا هو هاكا... أزاد عمرو يعطي رأس الخيط لشي واحد و لا يعطيه حتا فرصة باش يتحاور معاه فامورو الشخصية. من ديما عازل امورو حتا على عائلتو اللي ما عارفينش الربع من أسرار الكينغ.
و علاش يعطيك فرصة و يتناقش معاك؟ باشمن صفة و مكانة تطلب من وقت الكينغ و تخليه ينزل لمستواك؟؟ هادي هي شخصية أزاد و تفكير... شخصية كينغ و ملك بكل معنى.
وصل ازاد لآخر مكان فالممر و اللي هو المكتب ديالو و بطبيعة الحال لا يقل مثالية على أي حاجة كيملكها الكينغ.
باب كبييير من أجود انواع الخشب الأسود منقوش بالذهب و وسطو تمثال رأس أسد صغير و منقوش فوق منو حرف A. اه،هادي طبيعة فازاد اي حاجة كيملكها كيبغي يخلي فيها الطابع ديالو. من حوايجو تال صبابطو، بيروه و حتا الجناح ديالو فالقصر... أي حاجة يملكها كتكون معلمة سواء برمز الأسد، حرف A و لا بكلمة الكينغ للي هو اللقب ديالو فالسوق.//الصفحة 44//

🌷بارت 7🌷

ملامح بين بيضاء و قمحية، شعر اسود رطب و لحية كحلة قصيرة و لكن كثيفة عاطياه رونق رجولي خطيييير. أما العينين فهوما كبار و مشفرين لونهم رمادي غامق مواتي مع شعرو و لحيتو السوداء.
داخل كالعادة هاز خنافرو للسما و عينيه مخبعهم بنظاراتو الشمسية و مكيشوف فتا واحد. و علاش يشوف فيهم و هو نظرة منو تخلي الشركة تمشي على قدم و ساق و يا ويل اللي يتحرك عكس تيار الكينغ أزاد. بالسيف راه يقدر يغبر عليهم لاشهر و الشركة كتبقى خدامة بحال الماكينة و ما كاينش بلاصة للناس اللي كيغلطو اللي غلط يودي.
فطريقو تلاقى أرسلان اللي تبادل هو وياه نظرات حاااارقة قبل ما يطلع فالاسانسور الخاص بيه و اللي وقف بيه فالطابق المخصص ليه.
الطابق اللي اول مكتحط فيه رجليك كتحس بواحد الرهبة و واحد الهيبة فشكل. واش عمركم تسائلتو على شخصية شي انسان غير من المكان الخاص بيه؟؟ هاد السؤال هو اللي كيطيح فبال الناس القلال المحظوظين اللي سنحات ليهم الفرصة انهم يكتشفو واحد من عوالم الكينغ الا و هو مكان العمل الخاص بيه.
هاد الطابق (الصورة) اللي فيه ممر طويييل و عريض ارضيتو بنية مغلوقة اما سقفو فهو شكلو غرييب لانه هابط مايل مع الحيط من جهة اليسار بحال الا مشروكين و لونهم فالاسود و الرمادي و كيشعلو فيه أضواء خفيفة كتخليك تحس ب السكينة و الغرابة فنفس الوقت من هاد المكان. كتسآل هاد الشخص اللي يفكر فديكور بحال هادا، كيفاش ايكون كيفكر فالداخل ديالو؟؟؟ و فعلا هو هاكا... أزاد عمرو يعطي رأس الخيط لشي واحد و لا يعطيه حتا فرصة باش يتحاور معاه فامورو الشخصية. من ديما عازل امورو حتا على عائلتو اللي ما عارفينش الربع من أسرار الكينغ.
و علاش يعطيك فرصة و يتناقش معاك؟ باشمن صفة و مكانة تطلب من وقت الكينغ و تخليه ينزل لمستواك؟؟ هادي هي شخصية أزاد و تفكير... شخصية كينغ و ملك بكل معنى.
وصل ازاد لآخر مكان فالممر و اللي هو المكتب ديالو و بطبيعة الحال لا يقل مثالية على أي حاجة كيملكها الكينغ.
باب كبييير من أجود انواع الخشب الأسود منقوش بالذهب و وسطو تمثال رأس أسد صغير و منقوش فوق منو حرف A. اه،هادي طبيعة فازاد اي حاجة كيملكها كيبغي يخلي فيها الطابع ديالو. من حوايجو تال صبابطو، بيروه و حتا الجناح ديالو فالقصر... أي حاجة يملكها كتكون معلمة سواء برمز الأسد، حرف A و لا بكلمة الكينغ للي هو اللقب ديالو فالسوق.