الصفحة 44الحرب بين الثعبان و الأسد
بقلمي انا:ياسمين الوراق
Part118
عودة للفيلا ديال أزاد
بقا جالس شحااال فالجردة من بعد ما مشا أركان، ساااهي فالسما كيفكر فعلاقتو هو وياها.
ها هي معاه تحت سقف واحد.. و لكن واش لخاطرها ؟ لا...الخوف للي خلاها تجلس بزز منها
واش ممكن يغير شي نهار النظرة للي خلاها ترسم عليه؟ عاد البارح خلاها تشوفو ملااااك فوق الارض..و اليوم فرمشة عين خلاها تشوفو شيطااان ما فقلبو رحمة.
اخخخ كيفاش قدر يشويها كيفاش قدر يآذيها؟؟ هاد اليد للي تحطات عليها كان خاصها تقطع.
ناض بالشوية من بلاصتو و راسو ثقاااال بالمزيان بسبب الشراب و دخل للفيلا.
مشا للكوزينة وجد ليها صالاد و سندويش مع عصير و دار كلشي فبلاطو و تم طالع فجيهة بيتها.
حل الباب بشوية و طل عليها لقا ناااعسة معنقة الخدية و باقا بالكسوة للي كانت لابسة فالصباح.
زفر بعدم ارتياح و دخل، نزل داكشي للي فيدو فوق الطبلة و اتجه جيهتها.
طل عليها لقاها مكمشة بحال الدرية الصغيرة، مزيرة على الخدية للي فزكات بدموعها و حناكها حمرييين. طلق تنهيدة طويييلة و سخوونة كيتحسر على الحالة للي وصلها ليها و هو كيشوف دموعها للي خلاهم يهبطو.
قرب منها و رجع ليها شعرها مور دونها كيتامل وجهها الملائكي، و سرح بيدو جيهة الكتف فين حرقها و بغا يعريه و هي تفيق قافزة و جلسات كتشوف فيه مرعوبة.
جينا : شنو كدير ؟ شنو بغيتي؟
بلاما يجاوبها بقا غي كيتامل ملامح وجهها البيضاء و عينيها الزرقاوتين للي كترمش بيهم بالزربة.
عاود شاف الحرقة للي فكتفها بحسرة و فاجئها مللي تحنا لعندها وشد ليها يدها بكل حنية و طبع حنيييينة على كتفها جيهة الحرقة خلاتها ترتعش و لكن ما تصدماتش فيه حيت صافي بدات كتولف فيه طابع التناقض.
هز راسو فيها بعينيه المثملة و حطو يدو على حنكها بكل حنية و بدا كيقرب منها بالشوية و عينيه على شفايفها تا بقات فارقاهم غي مسافة قلييييلة و هي تنتفض مللي جات بين عينيها صورة المراة للي تقتلات.
جينا (بعدات منو و غوتات) : بعد مني..... ما تبقاااش تقرب ليا
🍂🍂
قلب مريض أصابه رمح عشقكِ
روح غير مكتملة انهكها بُعدكِ و أرهقها جحودكِ
بالله عليكي كيف يهون الفراق..... على من يقول للهواء ارحل
فعطر حبيبتي يكفيني، جسدها يدفيني و ابتسامتها تُغنيني
🍂🍂🍂
أزاد (كيشوف فيها باستغراب كيفاش خايفة) : علاش كتهربي مني؟؟؟ (قرب منها و حط يدو على عنقها كيتلمس فيه و همس ليها فودنها) علاش كتبعدي فالوقت للي أنا كنقرب؟ (نزل بيدو الباااردة كيدوزها على كتفها بحنية و نيفو كيتحاك مع حكنها و همس ليها بصوت خفييف جاب ليها رعشة) بُعدك عذاااب و قُربك ناااار كتحرقني
جينا (تلفات و نطقات بصوت ضئيل) : لشنو باغي توصل؟ علاش مجلسني هنا؟
أزاد (بعد منها و شاف فيها بعينين مثملة و تنهد) : مجلسك باش هدا (حط يدها جيهة قلبو) ما يبقاش يتعذب.... (حط يدها على عينيه) و باش هادو يشبعو منك
جينا (كلامو خدرها و خلاها تالفة) : شكون نتا؟ منين خرجتي ليا منييين 😭 (نزلو دموعها)
أزاد تنهد و قرب منها بالشوية و شد وجهها بين كفوف يديه مخليها حالة فيه عويناتها المدمعين و طبع قبلة خفبييفة على حنكها و هو طالع تال عينيها كيمسح دمعتها بشفايفو مخليها ترخااا بين يدو و بلاما تحس لقات راسها ناعسة فوق الناموسية و هو فوق منها و طبع قبلة سخووونة على عينيها مخليها تحس براحة غريييبة بين يديه.
أزاد (كيدوز يدو بشوية على حنكها) : عينيك ما نبغيش نشوف فيهم الدموع. دموعك عااافية كتحرق قلبي
جينا (بلعات ريقها و نطقات بصوت ناااعم) : مغاديش تأذيني ؟؟
أزاد (ابتسم ليها و نطق باستسلام) : نو... ما نقدرش نآذي روحي. ما نقدرش نآذيك يا نصفي الثاني
هزات عينيها فيه مصدومة و حشمانة كتشوف كيفاش كيتفحصها بنظرات عاااشق متيم غااارق فبحور عينيها.
واش هادا طاح فيها غي فسيمانة؟ واش هاد الوقت القصير كان كافي باش يولي مهووس بيها بحال هاكا؟
مسكينة ما عارفاش بللي عشقو فات حدود الزمان و المكان. و حبها تكتب فقدرو قبل ما تزاد هي فهاد العالم.
بحال كل مرة، كلامو المعسول خلاها ترخا بين يديه و كانها كتعطيه إشارة باش يتقدم اكثر و أكثر.
حنا عليها بشويييية و هو ميل راسو و حال فمو كيطبع بوسات خفاااف و متابعين على شفاايفها قبل ما يجر شفتها التحتانية كيمص فيها و يعض بالشوية بسنانو و يديه باقين شادينها من حناكها و داز لشفتها الفوقانية تا هي كيعطيها حقها من المصان و العضان بطريقة احترافية خلاتها تحل فمها بلاما تشعر و ضورات يديها على عنقو و تا هي بدات كتجاوب معاه مخلياه يستمتع بطعم شفايفها و يجر لسانها يلعب بيه بين شفايفو و يسف من ريقها ألذ شهد.
بعد منها لقاها مرخيية بين يديه و حنا على عنقها كيبووس فيه بالشوية كتبورش و كتبغي تبعدو ، و بدا كيمص فيه تا كيتحبس فيه الدم و البلاصة للي قرب ليها كيخلي فيها طبعة حمرة.
و نزل كيطبع قبل متفرقة فالشقة للي بين صدرها خلاتها كتلوا تحت منو و فنفس الوقت يديه كيهبطو ليها الكسوة من جيهة الكتاف تا قرب ينزلها و يبان صدرها قدامو و هي دفعو مخلياه مصدوم و كيشوف فيها كيفاش تجمعات فواحد القنت و كتبكي.
جينا (كتشهق) : ما بغيتكش تقرب ليا 😭😭😭 ما بغييييتش.... كنكرهك و كنعيف منك
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
