🔥الصفحة 44🔥(مكتملة الجزء الاول)

part151

//الصفحة 44// حرب الأسد و الثعبان
بقلمي انا 🖋️: ياسمين الوراق
💝 بارت 151

🍂🍂 بِعز شوقكِ احترقت

و في غمرة عشقكِ انتشيت

و على رنين صوت انتهيت 🍂🍂

دخلات نجود على غفلة من بعد ما حلات الباب بلاما دق و هي توقف مصدومة كتشوف فيهم مقاربين مكتفصلهم غي مسافة قليلة و غي سمعو صوتها و هوما يقفزو.

نيليا (نطقات بصوت مرعود) : خالتي !!! شفتك دغيا رجعتي

نجود (تمشات جيهة الفوتوي و حطات فيه ساشياات للي كانت هازة حابسة الضحكة) : هذا هو الوقت، ياكما كان خاصني نتعطل ههه

أرسلان (صونا ليه تلفون و جاتو من الجنة و الناس) : احم... غنخرج نهدر فتيلي و نرجع

نيليا (ابتسمات ليه) : اوكي

ابتسم ليها بدورو و خرج بالزربة بلاما يشوف فنجود للي كانت كضحك عليهم و سد موراه الباب

نجود (ناضت لعند نيليا و جلسات حداها معلية حاجبها) : هاي هاي على فليفلة ما بقات تحشم... ههه و لاخر تا هو الفقيه للي تسنينا بركتو دخل علينا الجامع ببلغتو

نيليا (عقدات حجبانها) : وا صافي هنينا..... و تعلمي هاد المرة دقي قبل ما دخلي مدرمة

نجود (حلات فمها مصدومة) : يااااااك ا البرهوشة ؟ و الله الا تقلبات الاية... عوض تحشمي مني كتخرجي فعينيك

نيليا (هزات خنافرها للسما و ربعات يديها) : ايوا هادشي للي عطا الله ا نجووود

نجود : هههه ايوا ا ختي على هاد تصنديلة هاااا بونجوغ ديالك شااااابو

****

اما أرسلان من بعد ما خرج من البيت هز تلفونو يشوف شكون المتصل لقاه رقم امريكي و ما مقيدش عندو. عقد حجبانو مستغرب من المتصل و جاوب دغيا باش يعرف شكون

أرسلان : الو

أمجاد (بابتسامة جانبية على وجهو) : أرسلان السليماني هدا؟

أرسلان : وي هو انا... شكون معايا؟

أمجاد (مورك على الحروف) : الثعباااان

أرسلان (باستغراب) : ثعبان ؟؟؟

أمجاد (ضحك) : ههه تقدر تقول هدا هو اللقب ديالي، سميتي أمجاد

أرسلان : ايوا؟ و شنو بغيتي مني؟

أمجاد (رخا راسو على كرسيه) : كل خير ان شاء الله..... انا رجل أعمال فميريكان و عاد رجعت و قررت نستثمر فالمغرب.

و من بين اسماء رجال الأعمال للي شكروهم ليا المعارف ديالي كاين نتا داكشي علاش ما كرهتش نتلاقاو و نتناقشو فشحال من حاجة

أرسلان : اه، و لكن علاش انا بالضبط؟ شركة العراقي عندها الرئيس ديالها للي هو الكينغ

أمجاد (ابتسم بتهكم) : تو تو...... نو هاد لبيزنيس ما عندو علاقة بالكينغ. كيخصنا غي انا و نتا