🔥الصفحة 44🔥(مكتملة الجزء الاول)

part140

//الصفحة 44// حرب الأسد و الثعبان
بقلمي أنا 🖋️ : ياسمين الوراق
💝 بارت 140

🍂🍂 هل تسائلنا و لو مرة واحدة عن سبب تواجد الناس في حياتنا؟ هل تسائلنا لماذا التقينا شخصا معينا على متن قطار الحياة؟

لكل شيئ سبب، و لكل لقاء سبب.... هناك اشخاص يدخلون حياتنا لزرع السعادة، آخرون يدخلونها كي يتركو جروح السنين التي لا تشفى و لا تحمى و يعطوننا في الحياة اهم الدروس.

العديد و العديد من الأسباب تكون وراء لقائنا مع العديد من البشر. و لكن هناك نوع خاص ليس له مثيل و لا منافس.

ذلك الانسان الذي يدخل حياتنا كالملاك....الملاك المنقذ الذي يشفي جروح الماضي و يعيد البسمة الممحية التي وضعناها على رف السنين 🍂🍂

فمراكش كانت 8 ديال الصباح و نجود يالاه حطها الطاكسي قدام لكلينيك و دخلات باش تمشي طل على نيليا كي بقات.

طلعات فاتجاه بيتها و حلات الباب بالشوية و دخلات مسبقة راسها كيبان ليها ارسلان ناعس فالكرسي و حاط راسو على الحيط و يدو شادة فيدها.

ابتسمات تلقائيا و حمدات الله على هاد ولد الناس للي جا فطريق نيليا و تمنات يكمل عليهم الله و يكون من نصيبها.

تمشات بالشوية بلاما دير الحس باش ما تفيقوش و جلسات فالفوتوي كتفرج فيهم مبتسمة.

❄️❄️ في عاااالم الأحلام

كانت جالسة تا كدخل عليها خالتها هازة فيدها تربية صغير مغطياه بغطى زرقة. شافت فيها باستغراب و ناضت عندها بالشوية سولاتها

نيليا (عقدات حجبانها) : شكون هاد الولد؟

نجود (باست الوليد و شافت فيها مبتسمة) : هادا هدية

نيليا (باستغراب) : كيفاش هدية؟ ما فهمتش

نيليا : كيف سمعتي، هدا للي غادي يشغل وقتك و يريح بالك. هذا تعويض سنين العذاب للي شفتي (مداتو ليها) هاكي هزيه

نيليا (مدات يديها متوترة) : و لكن انا عمرني شديت دراري صغار؟ خفت نطيحو

نجود (حطاتو ليها بين يديها) : غي زعمي و ما تخافيش.... مغاديش تكوني بوحدك

شدات الولد الصغير بين يديها و هي كترعد و ما عارفاش كيفاش تعامل معاه. بقات كتشوف فيه و كتامل ملامحو شعرو البني و عينيه الزرقين كي الكريستال و بشرتو البيضا كي الحليب.

بلاما تحس لقات راسها كتبتسم فاش شافتو كيفاش كيلعب بصبيعاتو و كيدوزهم على نيفو كيتخبى منها حشمان و يطلل عليها بنص عين تا حسات بشي يدين حاوطوها من اللور و همس ليها شي واحد فودنيها

ارسلان : ما تخافيش غادي نكبروه بزوج

تلفتات دغيا مللي سمعات صوتو لقاتو مبتسم ليها و كيشوف فيها إعجاب

❄️❄️❄️ نهاااية الحلم

كان أرسلان غااارق فالنعاس حيت يومين و هو واقف بلاما يغمض عينيه و لو شوية و حلف ما يرتاح تا يشوفها مزيانة و تجاوزات مرحلة الخطر تا حس بيديها زيرات على يدو و هو ينوض قافز و قفز معاه نجود للي ناضت عندو طايرة

نجود : اش واقع؟؟؟

ارسلان (بفرحة) : كتفييييق.... شووووفي كيفاش كارزة على يديتتمة الجزء

نجود (حاطة يدها على فمها) : واش بصح؟؟ واش غادي تفيق

ارسلان : ها حنا غادي نشوفو... عيطي على الطبيب ديالها دغياا

نجود : واخا واخا

خرجات نجود تجري باش تعيط على الطبيب و ارسلان بقى حدا نيليا للي باقا كااارزة على يدو و كيتامل انها تفيق و ما تكونش هادي غي اشارة خاطئة تا سمعها كتنيين و كتهمس بكلمات غير مفهومة

نيليا : اننن..... اننن

أرسلان (كيدوز يدو على شعرها برفق) : نيييليا كتسمعيني ؟ نيليا فيقي بلييييز فييقي راك حرقتي قلبي و عذبتيني معاك

فيقي ا حبيبتي مزاال خاصنا نعيشو بزوج و نعوضك على كًاع داكشي للي داز عليك

نيليا (بصوت متقطع) : ا ر سلااا ن

أرسلان (ابتسم و حنا عليها باسها فجبتها) : ها انا حدااااك و غنبقى ديييما حداك غي فيقي ليا ا فليفلة خلاص

تحل الباب و دخل الطبيب كيجري هو و نجود و نطق

الطبيب : مدام نجود قالت ليا شنو وقع، لا سمحتي موسيو أرسلان خليني نشوفها

أرسلان (حرك ليه راسو بالايجاب و طلق من يدها بالشوية و ناض وقف حدا نجود مربع يديه)

الطبيب (كيضرب على وجهها بالشوية) : نيليا.... نيليا كتسمعيني ؟ (شد ليها فيدها) لا كنتي كتسمعيني زيري على يدي..... زيري على يدي ا نيليا

ضغطات على يدو و هو يتلفت لعند نجود و أرسلان للي كانو متبعين معاه بتركيز و كيتسناوها تنوض

الطبيب (ابتسم) : مزياااان....دابا نتي كتسمعيني ا نيليا. دابا غتحلي عينيك غيييي بالشوية بالشوية..... سمعتيني ؟ حلي عينيك بالشوية ا نيليا

بقا شاد ليها فيدها و كيتسنا شحاااال تا بدا كيفقد الأمل تا بدات كتحل عينيها بالشوية و بدات كضور فيهم تالفة

الطبيب : على السلامة

نيليا (لسانها ثقيل) : فين انا؟ شنو وقع؟

الطبيب : غي حادث بسيط... ما تخافيش. تقدري تقولي ليا شنو سميتك؟

نيليا : نيييليا

الطبيب : مزياااان (شار ليها لنجود) و هادي ؟ كتعرفيها؟

نيليا (حركات راسها بنعم و هدرات بتعب) : خالتي

الطبيب : اممم برافو.... و هذا؟

نيليا هزات عينيها فارسلان للي كان واقف مبتسم غيطير بالفرحة بشوفتها فايقة و رجعات ليه تا قال خسرها. بقاات كتشوف فيه شحال و فاللخر نطقات الجواب للي صدمو

نيليا : لا... ما كنعرفوش