🔥الصفحة 44🔥(مكتملة الجزء الاول)

part24

//الصفحة 44//

🌷بارت 24🌷

🌺🌺🌺🌺فالكولوار ديال نفس الطابق

دارين (ساخطة) : وا عافاااك ا ماما غي ليلة وحدة عافااااك
مهيرة : نو هي مووو ا دارين.... و اصلا انا ما عنديش الحق تقرر. سيري جربي قوليها لجداك و خوك و الا بغاو مغاديش نحبسك
دارين (تعصبات) : يخخخخ تفووووو على مرض.. واش باش نسهر مع صحباتي خاصني نتشاور مع داك الجحش ديال ولدك و مدام هتلر؟ را عندي 19 عام ا ماما
مهيرة (بصرامة) : دارييين را قلت ليك شنو كاين و نتي ادرى بقانون هاد الدار... سو كالم داااون 😉
دارين : اوووووف 😠 (زادت و خلاتها)
مهيرة : ههه غي سيري يا بنيتي طيري تا تعياي و فاللخر يجي أزاد يقزب طاسيلتك. الله يرضي عليه.
أزاد (داز من حدها) : ياك لاباس؟
مهيرة : هههه لا والو والو... غي كنضحك على دارين
أزاد (هز حاجبو فيها) : مالها؟
مهيرة : والو غي قالت ليك صحاباتها دايرين شي سهرة و بغات تمشي معاهم. و مللي قلت ليها نتا مغتبغيش بقا فيها الحال.
أزاد (بصوت حاد) : هاد شي مكيعجبنيش ا مدام. خللي بنتك تنقص من هاد الطيران للي فيها و الا ميعجبها حال (زاد و خلاها واقفة مصمرة)
مهيرة : اويييلي على الولد كي ولا يهدر معايا، تقول انا وحدة من الموظفين ديالو... اييييه ا الايام فاش كنتي تخبا مني بالساعات حيت خايف نضربها ليك بشي سلخة فاعلة تاركة.
*************
نرجعو شوية لمدينة طنجة و نشوفو لالاهم جينا فين وصلات.
كانت جالسة كتخطط فشي وراق فالكافيتيريا و زهير قبالتها كيبقشش فالتلفون.
زهير: جينا... واش لقيتي فين دوزي سطاج و لا مزال؟
جينا : صراحة مزال... مع الامتحانات مشااات من بالي... و نتا؟
زهير (هز كتافو بلا مبالاة) : ما عندي سووق، غندوز غي فالشركة ديال الواليد...اصلا خاصني نشدها فبلاصتو مللي نتخرج (فكر شوية و نطق) اجي، علاش ما دوزيش تا نتي سطاج معايا؟
جينا : هااه... امممم فكرة علاش لا؟
داليا (وقفات عليهم) : ما نظنش غتحتاجي دووزي سطاج مع زهير
زهير (خنزر فيه) : و علاش زعما؟
داليا (تجاهلاتو و شافت فجينا) : واش فراسكم باللي جينا اختارها المدير بينا حنا كاملين باش دوز سطاج فشركة الكينغ؟
جينا (بعدم فهم) : الكينغ؟ 🙄
زهير (تصدم) : نووو واااي.... هههه اش هاد الزهر كامل ا جينا
جينا : وا توما شرحو ليا هاد العجب عاوتاني.... اشمن سطاج و شكون هاد الكينغ؟
داليا (جلسات قدامها) : ويلي يا زين كاين شي واحد فالضومين ديالنا ميعرفش الكينغ؟ هادا يا لالة صاحب أكبر شركة ديكور فافريقيا و هو طووووب ديال طووووب فهاد الضومين. السيد ما مخلي تا حد يفوتو و عندو بزاااف ديال المنافسين للي بغاو غي يتفكو منو
زهير : بصح الواليد ديييما كيتشكا ليا منو.... واخا شركة الواليد خدامة مزيان و لكن ما واصلاش للنيفو ديال هاد الكينغ.
داليا : و الكينغ داير شي اتفاق مع مدرستنا باش كل عام يهز خمسة ديال طلاب للي قربو يتخرجو باش يديرو عندو سطاج و للي بين على حنة يديه كيبقا فشركتو بصفة دائمة. و لكن للي ما فهمتش انا هو انهم كاتبين باللي الشركة بغاتك غي نتي بوحدك هاد العام.
جينا (بصدمة) : كيفااااش ؟ و علاش زعما؟
داليا (هزات كتافها) : الله و اعلم اختي
زهير : خاصك تمشي دابا تسولي فالادارة ا جينا

  📝 عودة إلى مدينة مراااااكش 🌴🌴🌴

معلقينو بالمقلوب، رجليه مقلشين فالسما و يديه لتحت... وجهو للي ما بقاو فيه تا ملامح بقوة الضرب كل شوية يهبطوه ليه ف البرميل ديال لما سخوووون للي كاين تحت منو.
صوت غوااااتو و المو واااصل لااااااااخر الدنيا و لكن يا حسرة ما كاين تا واحد اللي يسمعو.
و فعز الألم، قرب منو بخطوات بطييييئة و هو جامع كمام قاميجتو و ما حس الا و هو نازل عليه بآلة بحال السيف و قطع ليه يدو تا خلاه غوت لربي للي خلقو
هادي للي قستي بيها حاجة كتخصني ياك؟