🔥الصفحة 44🔥(مكتملة الجزء الاول)

part41

//الصفحة 44//
📝الكاتبة ياسمين الوراق
🌷بارت 41🌷

🍂🍂🍂🍂 ازدواجية المشاعر هي حالة اضطراب نفسي كتخلي للي كيعاني منها يشعر باحاسيس متضاربة و متناقضة سواء تجاه الغير أو تجاه نفسه.
يعني مثلا، يمكن لينا نبغيو الواحد أو نكرهوه. او نكونو مفتاخرين بنفسنا ولا ما راضيينش عليها.
و لكن واش يمكن لواحد يبغي و يكره فنفس الوقت؟ واش يمكن ليه يكون المنقذ و الجلاد؟ واش يمكن ليه يكون الماء و النار فآن واحد؟
اه يمكن، و هاد الحالة كتسمى ازدواجية المشاعر للي كتخليه تعيش الحاجة و نقيضتها. هاد الحالة ما عندها تا علاقة بازدواجية الشخصية او ما يسمى الانفصام، و لا هي حالة من حالات الجنون.
و لكن خطورتها كتكمن فانها كتخلي الإنسان يولي عصبي لأقصى الحدود. و علاش لا ؟ و هي كتقلب مشاعرو سفاهم اعلاهم، كتخليه ياذي الناس للي كيبغي بدم باااارد و ما يحس بالندم تا يكون فاااات الفوت🍂🍂🍂🍂
جينا (بتردد) : نيليا
نيليا (شافت فيها) : وي
جينا : واش نقدر نسولك؟ و ما تفهمينيش غلط
نيليا (شافت فيها بنظرة شيطانية) : اممم بغيتي تسولي على سيبال.. ياك ؟
جينا (تصدمات) : هااا 😮
نيليا : هههه ما تصدميش حيت عرفت. هادا كان سؤال متوقع للي حتا انا سولتو فاش يالاه جيت لهنا
جينا ما قدرتش تشوف فيها مزال و حنات راسها و الحشمة غطرطق ليها من حناكها. شافت فيها نيليا و ضحكات عليها و كملات
نيليا : سيبال كي غتكوني لاحظتي ماشي تا لهيه. يعني gay و سميتو الحقيقية سينان و لكن واخد سيبال اسم شهرة.
هو تركي و عاش أكثر من نص حياتو فالمغرب داكشي علاش كيهدر الدارجة بطلاقة. اوا هادا ما كان ازين 😉 نتمنا نكون رضيت فضولك
جينا : هههه وي و بزاااف كاع 😁
16
بقاو للبنات بزوج خدامين و نيليا كتوري جينا شنو خاصها دير و كيفاش تا ضربات طناش و نص و جراتها معاها باش يتغذاو فالمطعم ديال الشركة.
نيليا : اوا يا لالة جينا، شنو باغا تاكلي
جينا (بقات كتخمم و حشمانة) : ما عرفتش
نيليا : وا تي غي دوي مالي مخلصاه عليك من جيبي 😑
جينا : ههه صافي جيبي ليا للي غتجيبي لراسك
نيليا (دارت يدها على جنبها) : اممم خلاوها ماليها، قحبة و الدفال من عندي 🙄 نتسخرو ليك و نختارو ليك ما تخشى فوجهك. و لكن هااانيا ضيافة النبي تلت ايام ههههه
مشات نيليا تجيب الغذا و خلات جينا جالسة كتمنظر فالموظفين للي جالسين كيتغداو و يتبادلو أطراف الحديث تا رجعات عندها و حطات زوج طباسل ديال لي باط بصوص طوماط. يالاه هزات فورشيطة و بغات تخشي اول لقمة ففمها و هي توقف عليها بنت من للي خدامين فالمطعم
البنت : حبسي حبسي، هاد لي باط فيهم فواكه البحر

❌❌نزيدكم و لا بغيتو تنعسو؟ و خليو ارائكم البناااات 😢