🔥الصفحة 44🔥(مكتملة الجزء الاول)

part152

/الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 152

هز راسو مخلي عينيه يشوفو فعينيها لقاها مرخية بين يديه كتعلن الإستسلام، و بحركة صادمة لوات يديها على عنقو و ضورات رجليها على ظهرو مخلية كسوتها طلع و سليبها يبان وسط الما ملاصق مع اسفل كرشو. قربات وجهها من وجهو بالشوية و حطات شفايفها برفق على شفايفو مخلياه يتبلوكا و عقلو يوقف فديك اللحظة اما القلب صاااافي قرب يسكت

صدماتو، دهشراتو و وضراتو بهاد الحركة الجريئة للي ما عمرو تسناها منها و لكن دغيا بعدات شفايفها و خلاتو كي المقطوع و حنات راسها حشمانة و بغات تبعد و هو يرجعها و زير عليها.

هزات فيه عينيها لقاتو كيشوف فيها بعينين ذاااايبين فيها و مبتسم ليها ابتسامة ساااحرة، حط يدو على خصرها و زير عليها و عوج راسو و حنا على شفايفها كيجر فيهم برفق.

كيجر الشفة الفوقانية و يمص فيها تا يشبع عاااد يدوز للشفة الثانية و يعطيها تا هي حقها و يرجع لتحتانية و ينزل لعنقها يمص فيه و كل شوية كيزيد فالوتيرة و البلاصة للي حط عليها فمو كيخليها حمرة كتوزوز تا دفعاتو بالشوية و نطقات و هي حشمانة

جينا : جاني البرد، خلينا نمشيو

أزاد (تنهد و نطق و هو مغدد) : عقلي على هاد القطعة للي كتقطعيها فيا، هادشي كللو غادي تخلصيه 😉

هبطات راسها حابسة الضحكة و هو يعاود يهزها فوق ظهرو و رجع جيهة اليخت كيضرب بأقصى جهدو فالما تا وصلو لليخت و عاونها باش طلع هي اللولة و هو شادها من طرمتها للي كانت كتبان من تحت لكسوة للي لصقات عليها. ضحك و شحطها فيها بالشوية تا قفزات

أزاد : راك مربية الطرف ا بنيتي

جينا (عقدات حجبانها و هي غارقة فحوايجها بالحشمة) : واش مكتعرفش تهدر فشي حاجة من غير البسالة

أزاد : انا مكنهدرش فيها انا كنديرها 😉 و لا ما طلعتيش دابا و خليتيني نلعن شيطاني نفرجك فيها

بلعات ريقها و هي مصدومة من كلامو المقزدر و طلعات كطير لليخت و هو تبعها كيضحك.

مشات كتجري هزات الفوطة كتقفقف بالبرد و تخشات فيها و هو يبان ليها طلع و جاي فجيهتها كيتمشى بشوية كيرجع شعرو اللور و ينفض كتافو العراض من الما للي و شورطو كيقطر و الما نازل مع شعر ركابيه.

بقات كتشوف فيه باعجاب تا وصل حداها و هو مزال كيمسح الما بيديه و هي تشدو من يدو و هو يهز راسو فيها مستغرب و بابتسامة خجلة حيدات الفوطة من كتافها و تجبدات على طراف صباع رجليها و ضورات الفوطة على كتافو العراض و هو غي كيشوف فيها شنو باغا دير و هي تزيدو صدمة أخرى و تخشات فيه و عنقاتو من كرشو.

لا لا هادشي بزااااف عليه، فنهار واحد و بالتوالي..... تصرفاتها نزلو على جسمو اللي كيفور بالحرارة كي الثلج و خربقو ليه فيزيبلاات المخ. و لكن من حقها، اه من حقها كيفما كيصدمها بلاما يرأف بقلبها الهشيش تا هي تصدمو و تخلي قلبو يضرب فالتسعين.