🔥الصفحة 44🔥(مكتملة الجزء الاول)

part46

//الصفحة 44//
📝الكاتبة ياسمين الوراق
🌷بارت 46🌷

💎💎 اصبحنا و أصبحتم على واقع جميل.... واقع يحمل في طياته أجمل الهدايا و المفاجآت
واقع يغير من ماضينا الكثير أو القليل و نأمل فيه السعادة و راحة البال.
واقع تتغير معه الأحوال و تنذثر فيه الأحزان
واقع يكون بعون الله أجمل البدايات 💎💎

فاقت جينا من النعاس و هي حاسة براسها كيعطيها الحريق و عظامها كلهم كيضروها و عنقها معنز عليها، أما نفسيتها فكانت سيئة للغاية من بعد العذاب اللي داز عليها و من بعد شنو شافت البارح و للي لحد الان مزال ما عارفاش واش كان واقع ام سراب.

لقات راسها ناعسة فوق ركبة داليا ناعسة جالسة على الزربية و مسندة راسها على الفوتوي و حاطة يدها فوق راس جينا. بقات كتشوف فيها شحااال. ناضت جينا من بعد ما حيدات يد داليا من فوق راسها الشيئ للي خلاها تفيق.

داليا (كتحك فعينيه) : ايمتا فقتي ؟
جينا : يالاه دابا. َواش نعسنا فالأرض؟
داليا (كتدلك عنقها) : واياااه غي سكتي عظامي كلهم مدكدكين عليا
جينا بقات ساكتة و داليا قدرات تقرا التردد للي كان فعينيها و باينة بللي باغا تسول على شي حاجة. 
داليا (كتشوف فيها بتمعن) : هضري، خوي شنو عندك
جينا : داليا.. دابا البارح. داكشي زعمة للي وقع واش غادي يبقا ديما يوقع ليا؟ (بحزن) واش غادي نحماق؟
داليا : وا شفتي دابا هانتي غتسخطيني على الصباح و انا ما شابعة تا نعاس. سمعيني مزيان داكشي للي وقع البارح خاصك تنسايه. را كلما بقيتي دايرة بالك مع الحاجة كلما غادي تبقاي تشوفيها غي هي. داكشي علاش بغيتك تنسااااي تماما داك تخربيق و تركزي فخدمتك. تفاهمنا؟
جينا (ارتاحت لهدرتها) : اوكي تفاهمنا (شافت فالساعة) هادي سبعة و نص نوض نوجد راسي يالاه نوصل للشركة فالوقت.
داليا : واخا صافي (وقفات و بدات متحرك فيديها) اييي عظامي كلاو الدق غنمشي نكمل نعاسي فبيتي يالاه بون كوغاج
جينا : ميغسي
ناضت جينا فاتجاه الدوش و وقفات قدام المرايا كتشوف فراسها كي صفارت و بان فيها التعب و الخلعة ديال البارح.
غسلات وجهها مزيان بالما بارد و نشفاتو بالفوطة و بدات كتطلع النفس و تهبطها و كتحاول تزرع فراسها شوية ديال القوة.

القوة باش تقدر تحمل المرض للي هي ما عندها عليه تا علم و القوة باش تقنع راسها باللي هادشي مؤقت و غيدوز.

من بعد ما سالات روتينها الصباحي مشات كتقلب شنو تلبس و طاح اختيارها على قاميجة حريرية كحلة و مرسومين فيها الوريدات و سروال كحل و جمعات شعرها ذيل الحصان مع حلقات طوال فوذنيها و ماكياج خفيف ركزات فيه على عينيها (الصورة) و اتجاهات لشركة الكينغ فين مخبيين ليها شلا مفاجآت.