🔥الصفحة 44🔥(مكتملة الجزء الاول)

part161

//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 161

🍂🍂 العشق بحال أي احساس كيجمع زوج د الناس فعلاقة إنسانية كيدوز من بزاااف ديال المراحل.

يقدر يبدا بصدفة، لقاء مدبر و لا تا عداوة.... و لكن الأهم أنه مع الوقت كيولي استلطاف، ثم إعجاب ثم انجذاب ثم المرحلة الأخيرة و الخطيرة للي هي الحب.

المرحلة للي كيولي فيها وجود الطرف الثاني حداك هو الأوكسجين، صوتو الرنة للي تبغي تسمعها فكل لحظة و عينيه هوما اللوحة للي تبغي تشوفها فكل ثانية.

الحب ما عمرو ما يتحسب بالورقة و القلم، الحب اصلا مكيتحسبش..... الحب كيتعاش 🍂🍂

من بعد ما قطعات جينا التلفون مع أزاد عاد حسات براسها رتاحت و تفتحات ليها الشهية على الماكلة.

نزلات كتجري عند أزهار و طلبات منها توجد ليها ما تاكل و ساطت فالماكلة بحال الجيعانة تقول عمرها ذاقت النعمة و ما قاطعها غي صوت التلفون للي صونا. هزاتو و هي تلقاها نيليا جاوباتها فالبلاصة

جينا (بفرحة) : الو فليفلة

نيليا (بالغوات) : فلفلة تحك ليك فالزك يا بنت الحرام

بغيت ليك دعوة السابق و اللاحق و شعكاكة با جدي توقف ليك فالمنام

سيري يا جينا يا خايبة السيفة يا للي وجهك يفيق الجيفة
بغيت ليك الحكة و قلة الضفر و الزملة و قلة الزبوبة

دوي يا القووووحبة، هادو هوما فعايلك؟؟؟ ما تسولي ما تسقسي غبرتي غبرة المش نهار العيد؟؟؟

جينا (تفركًعات بالضحك) : اويلي اش هاد قاموس المعيور للي لحتي ليا فالوجه؟؟؟

نيليا (عاقدة حجبانها و هدرات بتهكم) : و مزاااال ما شفتي والو. هادي هي الصحبة يا بنت الحرام ندير كسيدة و ما تسولي فيا؟؟؟

جينا (شهقات و حطات يدها على فمها) : اويلي على كسيدة؟؟؟ ايمتا هادشي ؟؟؟

نيليا (عوجات شفايفها) : امممم زعما ما فراسك ما يتعاود

جينا : و الله يا ختي ما فراسي شي حاجة، أنا أصلا مدة ما مشيت للشركة و تلفوني كنت طافياه لشي ظروف

نيليا : ايوا يا لالة لا ما كانتش فراسك نهار الاجتماع المنحوس ديالك هبطت للباركينغ باش نقود فحالي لداري و هو يجي واحد زامل خبطني بطموبيلتو خلاني نطلع نسلم على السحاب و نرجع عندكم. ايييوا و تا انا ما كنتش من العاكًزين دخلت لديلمهم غيبوبة قلت ليهم لا كنتو رجال فيقوني

جينا (كضحك) : هههه واااااا مي كرشي، بغيت غي نتعاطف معاك المصيبة ما خليتينيش. كتعاودي على الكسيدة بحال شي نكتة

نيليا : تا نتي الدنيا كلها نكتة (غوتات بالجهد) وااا ينعل بوو العالاااااام ههههه

جينا : هههه وااااع وا سكتي يا المسخوطة سكتي هههههه