مجددا
رواية ❄️الصفحة 44 ❄️
على شاشة مختلف اللهجات و بقلم ياسمين الوراق
بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
دارين (عفسات عليه برجلها بالجهد تا غوت و طلق منها) : انا ماشي مولات الدار....انا اللي غتكويك يا عبد الجبار...(دارت يدها على جنابها) كي جيتك فهادي فرعتك ياك؟ ههه
الشيفور (طلع ليه الدم) : واااا و ديني و ما اعبد تا نخلي دار باباك
دارين (حطات يدها على فمها) : هيييه جبدتي ليا بابا يا المصنن يا الخوينز؟ سير الله يهزو و يحطو على طواسل باباك نتا نيت
اركان (جرها من يدها و غوت عليها) : صاااافي براكة اش هاد البسالة.... تحركي قدامي يالاه
اركان (همس ليها فودنها و كيهدر بين سنانو) : عرفتي لا كملتيها غنوكل ملتك واحد الطريح قدام امة محمد
الشيفور (صعر) : منين خرجتو ليا نتوما على النبوري ؟؟ يحساب ليك غتفلتي منها البرهوشة (قرب منها و هو ناوي يضربها) بربي تا نخلي عشتك باش ترباي
اركان (جرها موراه و وقف كيشوف فيه و مخنزر) : عرفتي ديك اليد للي بغيتي تحط عليها غنهرسها ليك و نطلعها معاك من طرمتك 😉
الشيفور (بلع ريقو) : واش ما شفتيش شنو قالت ليا؟ شبعات فيا سبان و بيتيني نسكت ليها؟ راها برهوشة
اركان (قرب منو و همس ليه فودنيه و دارين مخبعة موراه كي المشة باغا تسمع) : برهووووشة... و الا قربتي منها *لاويك نفكًسهم ليك (دفعو بيدو بالشوية) الخير للي غندير فيك هو نخليك تمشي بلا تعويضات على الطوموبيل للي خسرتي
دارين : هاااه..... تا كيفاش بلا تعويض؟ طوموبيلتي تعجنات و تقول ليا يمشي بلا تعويض؟. الله يهديك ا سميتك
أركان (بلاما يهدر، تلفت عندها و ضرب فيها تخنزيرة خلاتها تكمش و تهبط عينيها لتحت و رجع شاف فمول الطاكسي) : يالاه غبر نتا
الشيفور (حرك راسو) : واخا واخا
اركان (ضار عندها و شدها من يديها) : اجي معايا
دارين : هااه... و طوموبيلتي؟ 🙄
اركان : سديها و انا غنصيفطهم يديوها تصاوب
دارين : اوكي ☺️ (مترددة و كدوز يدها على عنقها) امممم و فين غنمشيو؟
أركان (بابتسامة ساحرة) : غنمشيو نشربو شي حاجة 😉
دارين (تزنكات) : اممم واخا 😍 (يالاه بغات تزيد و هي توقف عاقدة حجبانها)
أركان (باستغراب) : مالك عوتاني؟
دارين (علات فيه حاجبها) : اممم... عقلتي فاش عرضت عليك داك النهار؟ 😏 طلعتي للسما و جلستي فوق السحاب
