تتمة الجزء
بلاما تجاوبو ابتسمات ابتسامة خفيفة بخجل و هبطات عينيها مخلياه كيضحك عليها و مشا كيجبد داكشي للي غيحتاج باش يطيب و كيتسارا عليها تما عريان من الفوق غي بالشورط قصير و مرة مرة تخطف فيه شوفة باعجاب و ترجع تحدر عينيها باش ما يحصلهاش.
بدا كيطيب ليها باسطا بالكفتة و مرة مرة يجي يخطف بوسة صغيرة من شفايفها و هي غي متبعاه فهبالو و كتفرج حشمانة.
وجد الغدا و حط معاه مونادا و قاد الطبلة على حقها و طريقها و رجع لعندها
ازاد (بابتسامة) : ها الغدا وجد 😉 اجي تاكلي
جينا (كضور فعينيها حشمانة) : شكرا ☺️
بغات تنزل بوحدها من فوق الرخامة و هو يحبسها. شافت فيه باستغراب و هو يهزها بين يديه غادي بيها جيهة الطبلة ديال الماكلة.
لا هدا باغي يجيب اجلها قبل الوقت و باغي يسكت ليها القلب للي كيضرب فالتسعين دابا.
بقات حادرة عينيها و حناكها حمرين و يديها على صدرو كيرجفو مثلجين.
جلس فوق الكرسي و جلسها فوق رجليه و بدا كيوكلها بالشوية و راد معاها البال و عينيه عليها ما تزعزعوش و لو ثانية وحدة.
كيشوف فيها كيفاش دايرة كي الدرية الصغيرة حشمانة و كترمش بعينيها بخجل و حاس بيها كترجف بين يديه و كيوكلها بالشوية تا شبعات و نطقات بصوت خفيف
جينا : صافي باراكة (وقفات) غنمشي لبيت نبدل بغيت نخرج حدا لابيسين شوية
أزاد : اوكي ما تعطليش
حدرات راسها و طلعات بالجرا للبيت و سدات عليها الباب كتلتقط انفاسها و كتسوط على وجهها و شوية ترسمات ابتسامة خفيفة على وجهها
جينا : امممم قول نتا هاكا ا سي الكينغ... صافي طحت ليك على لبوان فيبل ديالك//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 134
جينا : امممم قول نتا هاكا ا سي الكينغ... صافي طحت ليك على لبوان فيبل ديالك و غادي نوريك شناهوا تزوج بيا بلا خباري و تقلب ليا حياتي رأسا على عقب.
لا كان عقلي ينفعني نتا ما يصلاحش معاك قصوحية الراس حيت غنجيبها غي فعظامي.
نتا الحل الوحيد معاك هو نشد ليك الخاطر و نخلي العافية تشعل فيك بالمزيااان. ياك بغيتي غي تزوج بيا و تشوفني قدامك؟ ايوا ها نتا غتشوفني مزياااان و لكن واش غتشدني و لا لا هنا فين بقات 😉
تمشات بخطوات ثقيلة و وقفات قدام المرايا كتشوف راسها بإعجاب و كتمنظر فدوك الخيرات للي عندها
جينا (مبتسمة) : ايييوا ا جينا لسانك عارفينو لاوي و تا من ذراعك على قد الحال. الحل الوحيد باش تخرجي راسك من هاد الحصلة باقل الاضرار هو تحلوني عليه و تخليه كي الخاتم فصباعك
أنت تقرأ
🔥الصفحة 44🔥(مكتملة الجزء الاول)
Azioneمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
