🔥الصفحة 44🔥(مكتملة الجزء الاول)

part23

//الصفحة 44//

🌷بارت 23🌷

🦁🦁.........
الأسد....ملك الغابة و سيدها
الأسد.... راس العشيرة و حاميها
الأسد هو صاحب الأمر و النهي و صاحب الكلمة الأخيرة
الأسد هو المرشد و المسير و الرئيس
كيف لا و هو ذو الزئير المخيف، كيف لا و هو صاحب الفرو الكثيف
كيف لا و هو مالك قلوب اللبؤات..سيدات الغابة و ماهرات الصيد
...
....
........
كيف ما كاين أسد فالغابة و فعالم الحيوانات، كاين أسد بين البشر.
أسد للي جعل من نفسو سيد على عشيرتو و تا واحد منهم ما يقدر يعاود موراه الهدرة.
أسد للي فسن صغير قدر ياخد زمام الأمور و يتولى مسؤولية كانو كيظنو انها أكبر منو
هاد الأسد نفسو للي جرد نفسو من الأحاسيس و لبس قناع المتغطرس الجبار
واش غيبقا حياتو كاملة هاكا؟ اولا كتدخل حياتو اللبؤة للي يااما تسناها قلبو فالخفاء و خفق ليها بلا علم مالكه.

📝📝

من بعد ليلة دازت كلها فالزهو و النشاط. فاق أزاد و هو كالعادة طااالعة ليه القردة و مخزز. و لكن يمكن هاد الصباح زايدة نغزة شوية و دماااغو كيضور فالتسعين و عاامر بشلا مطارق.
من بعد ما خدا دوشو الصباحي باش يفيق شوية و يوجد راسو لهاد النهار للي ظل أعوام و هو يخطط و يرسم و يتخايلو كيفاش غيكون، مشا للدريسينغ و لبس كوستيم كحل مع قاميجة كحلة و رش شوية من ريحتو الرجولية الغالية  Clive Christian و خرج نيشان لبيت جداه فين كانت كتسناه.
حل عليها الباب مللي ما سمع تا رد للدقان ديالو. لقاها فوق سجادة الصلاة شادة تسبيحها و رافعة كفوفها للسما بالدعاء.
جلس فالفوتوي للي كاين حداها و حط رجل فوق رجل و بقا كيشوف فيها بتمعن حتا سالات و ناضت جمعات السجادة و جلسات فوق فراشها مقابلة معاه.
أزاد (بصوت هادئ) : الله يتقبل
عزيزة : آميييين ا ولدي (تنهدات) الله يرحمك ا سفيااان
أزاد (غمض عينيه و حاول يترخا فوق الفوتوي) : غيرحمو مللي يرجع حقو
عزيزة ( شافت فيه بتساؤل) : بمعنى؟ (ابتاسمات بحيث) واش نويتي صافي؟
أزاد (بلا يحل عينيه حرك راسو بالايجاب)
عزيزة (وقفات و قربات حداه بشوية) : و نقدر نعرف شنو الخطة اللي رسم حفيدي؟
أزاد (ابتسم بتهكم و هو مزال مغمض) : كولشي فوقتو زوين ا مدام... نتي عليك تفرجي
عزيزة (بعد تفكير) : اممم...... كنظن دابا بإمكاني نعطيك داكشي اللي شحال و نتا تسناه
أزاد (حل عينيه و بلاما ينطق شاف فيها و مد ليها يدو بمعنى عطيني)
عزيزة مدات ليه نفس الورقة للي كانت عندها فاش كانت مع بنتها جنى. هاد الورقة للي غي شافها أزاد و قرا محتواها النار شعلات فيه.
النااار للي كتحرق روحو.... النار اللي كتخرج الشيطان للي فيه.... النار للي كتخليه يحرق الأخضر و اليااااابس.
عزيزة : قراها و عاود قراها ا أزاد. بغيتك تعقل و تتمعن فكل كلمة مكتوبة فيها
أزاد (قاطعها و عينيه حمارو تا ولاو قطرة دم) : ما يحتاجش ا مدام... حافظها من نهار قريتها اول مرة (دار الورقة فجيبو و ناض خرج بلاما يزيد كلمة)
اما عزيزة بقات واقفة مبتسمة برضى و شادة التسبيح فيدها