//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 157
فجهة أخرى كان أرسلان داخل لواحد الكافي راقي فكًيليز كيضور فعينيه و يقلب على المدعو الثعبان تا بان ليه شي واحد كيشير ليه بيدو.
كان رجل أسمر بكوستيم رمادي داير نضارات كحلة على عينيه و حاط رجل على رجل.
تقدم لعندو بخطوات ثابتة تا وصل عندو و نطق
أرسلان : أمجاد ؟
أمجاد (ابتسم ابتسامة جانبية و وقف ماد ليه يدو) : وي هو انا.... (صافحو) تفضل أرسلان جلس
أرسلان (جلس) : هانا جيت، نقدر نعرف فاش بغيتيني؟
أمجاد (ضحك) : ههه ما عزيزش عليك ضيع الوقت ياك؟؟ شنو تشرب بعدا؟
أرسلان : نو ماشي مشكل، دخل فالموضوع نيشان و ديك ساعة نشربو و ناكلو كًاع 😉
أمجاد : اهاه ما قلتي عيب.... (ربع يديه فوق الطبلة) مهيم ا سي أرسلان، أنا بيزنيس مان معروف فميريكان و عندي بزااف ديال التجارات منهم تجارة الأسلحة. و مؤخرا فكرت مع راسي و قلت علاش ما ندخلش ندير بروجي فالمغرب و نكلف بيه شي واحد نتشارك انا وياه و ديك ساعة هو يتكلف بيه و انا نرجع لميريكان حيت ما يمكنش نبقا هنا ديما.
صراحة درت بزااف ديال البحوث و قلبت على رجال الأعمال فالمغرب واحد واحد و عرفت عليهم الصغيرة و الكبيرة و نتا من الأسماء للي تارو انتباهي و كنظن نقدرو بزوج نديرو خدمة نقية
أرسلان (رجع اللور و تكا فالكرسي كيدقدق فالطبلة بصباعو) : اممم......هادشي للي قلتي كللو مزيان و لكن شنو نوع الشركة للي باغي دير؟.
أمجاد : كنفكر ندير مجموعة من الاوطيلات بما ان السياحة طالعة هاد الايام فالمغرب.. راك ولد الميدان يعني ما نحتاجش نوريك. و بما انك عندك خبرة فالديكور فغادي نخلي ليك الحرية فتصميم الديكور الداخلي للاوطيلات. شنو بان ليك ؟
أرسلان (عقد حجبانو) : نعاود نسولك ا سي أمجاد، علاش بالضبط هدرتي معايا انا؟ علاش ما ختاريتيش الكينغ ؟
أمجاد : ههههه نعاود نجاوبك ا سي أرسلان، أنا ما بغيتش أزاد العراقي فهاد البروجي بغيت أرسلان السليماني
أرسلان : اوكي.... عطيني مهلة نفكر و ديك الساعة نرد عليك
امجاد (ابتسم ليه) : خد وقتك كاااامل.... انا مزال جالس هنا فالمغرب عندي فيه بزااااف ما يتقضى
أرسلان (وقف) : اوكي....تسنى مني خبر (مد ليه يدو) بسلامة
أمجاد (صافحو) : بسلامة
خرج أرسلان من الكافي و بقى أمجاد جالس فبلاصتو متبع ليه العين و كيضحك بوحدو
أمجاد : هههه الطرح عاااد غيزيااان ا ولاد العراقي هههه (هز تلفونو كيعيط) ويليام
أنت تقرأ
🔥الصفحة 44🔥(مكتملة الجزء الاول)
حركة (أكشن)مجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
