//الصفحة 44//
🌷بارت 21🌷
🌺🌺🌺 اعذرييني.... اعذرييني بحق رب السماء
🌺🌺🌺اعذرييني فالقرار لم يكن قراري..و ما كان عندي حل غير الفرار
🌺🌺🌺اعذريني يا من تمسك بها عقلي و نفرها قلبي
🌺🌺🌺اعذريني فالقلب يصيح ألما عن فراق محبوبته و العقل ينهره و يرشده إلى رفيقته
🌺🌺🌺 اعذريني و الله ما كان بوسعي غير الاختيار
صباح جديد فقصر العراقي.... صباح اللي يمكن ما يكونش مغاير على الصباحات للي فاتوه. فاقت فيه جنى مامات أرسلان بحال كل صباح، الحزن و الياس طاغي على ملامحها الجميلة.
وجهها للي ولا صفر بقلة الماكلة و النعاس، شعرها البرتقالي المميز للي جامعاه بطريقة مهملة. و حتا من حوايجها أكثر من عاديين بالنسبة لجنى العراقي ديفا الموضة و اللي كانت شحال هادي رمز من رموز الأناقة و كانو البنات و العيالات كيتعلمو منها كيفاش يلبسو.
و لكن رغم هاد شي كامل، كيقول ليك الا مشا الزين كيبقاو حروفو. اوا هادشي اللي واقع مع جنى العراقي، رغم اهمالها لحياتها و اناقتها بسبب ظروف غنعرفوها من بعد الا انها باقا جذاااابة.
جالسة فكرسي مقابل مع البالكون و شادة ألبوم ديال تصاور كتفرج فيه و دموعها نازلين بلا توقف. ما حسات الا بيدين حنان تحطو فوق كتفها و طبطبو عليها
مراد : تال ايمتا غتبقاي دايرة فراسك هاد الحالة ا جنى؟
جنى (كتشهق) : حتا نموووت
مراد : شووو الله ينجيك...جنى واش حماقتي؟
جنى : اااه حماقيت.. حماقيت من نهار حرموني منها. حماقيت من نهار خداو مني النوارة اللي كانت مضوية عليا فوقت كنت غارقة فيه فالظلام
مراد (طبطب عليها) : الله يهديك على راسك ا جنى، حاولي تنساي الماضي و شوفي حياتك معايا. حني عليا واخا غي شوية و شوفي الراجل اللي كيتسناك
جنى (ناضت و خنزرات فيه) : نتا ااااخر واحد يعطيني نصائح سمعتي؟؟؟ اصلا كون ما نتا كون ما عمرنا َ وصلنا لهادشي كللو. و دير فبالك بللي عمري بغيتك و عمري نبغيك كتسمع !!
مراد (تعصب) : ياااك ا بنت الناس... هدا هو جزائي؟ وليت انا هو ولد الحرام دابا
جنى (ربعات يديها) : فهمها كي بغيتي
مراد : ههه سري و الله تا سري للي لاصق فوحدة هبيلة، عقلها مع واحد خلاها و فرفر عند للي كيبغيها و خلاك معلقة.
كون كان عندك غرام ديال العقل عمرك تفكري فيه و هو السبب باش ماتت بنتك. الله يهنيك ا بنت الناس
خرج مراد من بعد ما زدح الباب بجهد و خلا جنى طايحة فالأرض و الهدرة اللي قال ليها جابت ليها شلل كلي... خلاتها مصدومة و ودنيها كيصفرو. أما العقل طااار و مشا بعيييد
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
