//الصفحة 44//
📝الكاتبة ياسمين الوراق
🌷بارت 78🌷
الحب و الأحاسيس هادشي كللو زوين (علات فيه عينيها و نطقات بكل خبث) غير هو مللي تكون تمعشق نتا وياها تفكر شنو دار باها فختك 😉
أزاد (تعصب و عينيه حمارو) : ااااااخر مرة تعاودي تخرجي هاد الهدرة من فمك... خليني مزيان معاك ا مدام
عزيزة (ابتاسمات بتهكم) : الهدرة للي ما باغيش تسمع هي الحقيقة. الهدرة للي ما باغيش تسمع هي الشمتة للي غتبقا طلع و تهبط فينا تال يوم الدين لا انا لا نتا
أزاد (ضرب يدو مع بيروها) : صااافي بااااراكة.... راك وليتي تخربقي.
ياك جينا حفيدتك بحال حفصة و دارين؟ علاش باغاني ندخلها فهاد الوسخ علاش؟
عزيزة (تنهدات) : حساب ليا راك كينغ ديال بصح. حساب ليا ربيت سبع ساعا خبشووك ليا القطوط
أزاد (بالغوات) : ما كاين لا قطوط لا قرودة انا كنقول ليك للي كاين (هز يديه) أشنو دارت هاد البنت تا ندخلوها فهادشي. ياك داك الكلب هو للي داها و وهمنا بللي ماتت؟؟؟
عزيزة (وقفات و تمشات جيهتو و حطات يدها على كتفو) : ايييه هادشي للي قلتي كللو عندك فيه الصح... و لكن (همسات ليه فودنو) واش فنظرك الا خرجتيها من الانتقام و عوضتيها على كولشي غادي تسمح ليك على العذاب للي عيشتها فيه؟ واش فنظرك غتسمح ليك على الدوا للي كتعطيها تا كنتي غتحمقها؟ (ضحكات باستهزاء) خلي هادشي كللو على جنب... واش فنظرك غتخلي باها المجرم للي فضلاتو على كولشي و تختارك نتا؟؟ فيييق ا ولدي فييييق و ما تخليش احاسيسك يتحكمو فيك. القلب ما عندو باش ينفعك خدم هادا للي ينفعك (شارت لراسو)
من بعد ما عمرات ليه راسو و بخات فيه سمها مرة أخرى... خرجات و خلاتو فالمكتب كي البركان اللي قريب ينفاجر.
كان بحال الا مخدر، مكيحس بتا واحد حداه و عينيه مفيكسيين فجيهة وحدة و حمرين كي قطرة ديال الدم
🔙🔙🔙
نازل فالدروج بحوايج د نعاس و كيحك فعينيه و غادي فاتجاه الكوزينة باش يشرب.
يالاه وصل التحت و هو يسمع صوت التقرقيب جاي من جيهة الصالون. خرج بالزربة يشوف اش كاين و هي تبان ليه ببيجامتها الصيفية شادة مونيكتها فيد و شادة باليد الأخرى فياسر
أزاد (غوت عليها) : جيييينا؟ فين غادة؟؟ (خنزر فياسر) غنقولها لبابا ياك قال ليك ما تبقاش تجي
جينا (غوبشات و غوتات عليه) : ما تغوتش على باااااابااااااا 😠😠
🔚🔚🔚
ازاد (كارز على سنانو) : حمااااار.... هي من ديما كتفضلو عليك من دييييييما
باقا غنزيدكم.. الا تعطلت شوية را غي كنكون نقدي شي حاجة 👊 خليو تعليقاتكم
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
