🔥الصفحة 44🔥(مكتملة الجزء الاول)

part159

//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 159

دارين غي سمعات صوت أزاد فودنها كانت غطيح على وقفتها و فنفس الوقت كدعي فخاطرها باش تكون غي كتخايل و ازاد ما كاينش هنا و ما حصلهاش هاد الحصلة ديال الكلاب.

زادت زيراات على جناب كسوتها بيديها و بدات كتحل فعينيها بالشوية و هي كتحس بقلبها كيضرب فحلقها و فعلا لقات أزاد قدامها مربع يديه و معلي فيها حاجبو و كيشوف فيها شوفة كتعرفها هي مزيااااان.... شوفة كتعني يا تقولي اش كاين يا نخلي دار بوك

بلعات ريقها و هي كتحس بحلقها نااااشف بالخلعة و ضورات عينيها بالشوية كيبان ليها أركان واقف حدا بيروه و صفر كتر منها بقات فيه و ما لقا كي يدير ليها كيشوف فيها شوفة ديال ما لقيت ليك جهد.

أزاد (غوت عليها تا قفزها) : را معاك داوي ا بنادمة واش صمكة لديلمك؟؟

دارين (كتفتف و دخل و تخرج فالهدرة) : هاااه 😲 انا... ازاد و دابا شفتي أركان راه... ايمتا جيتي

أزاد (هز يدو بحال الا غيصرفقها) : وا دوي يا بنت القحبة را غدي نهرس لديلمك الوجه

أركان (جا كيجري و شدو من يدو) : تهدن ا صاحبي واش جنونك تخرجهم فالدرية و هي ما دايرة والو

دارين (مدرقة وجهها كتنخصص) : وا قولها ليه راني ما درت والو و باغي يضربني 😭

أزاد (دفع أركان و شدها من ودنها تا قصحها) : مزال كدوي يا الكلبة هاااا

أركان (غوت عليه) : وا صاحبي عيقتي راك قصحتيها

أزاد (خنزر فيه) : دخل سوق كرك حسن ليك (شاف فيها و زاد زير على ودنها تا حمارت و حسات بيها غطرطق بين يديه) دويييي را غادي نهرس ديلمك..... لاش جاية لهنا فهاد الوقت؟؟؟ و لاش دايرة ليا دخلة ديال جوق العميين؟؟

دارين (كتشهق) : واااااع وا طلق مني ما درت ليك وااالو.... احمباك طلق مني و نقول ليك كولشي احمبااااك

أزاد (طلق منها) : يالاه هانا خليتك، هدري و لكن تكذبي نخلي دار بوك راك عارفاني

أركان : وا عيقتي واخا ما عرفت شنو غتكون دارت هاد البنت كًاع ا صاحبي خليها غي تهدر تقول شي كلمة (شاف فدارين و حرك ليها راسو بمعنى اش هادشي ا زغبية أما هي بقات كترمش فعويناتها بحال شي مشة عارفة راسها زبلاتها)

دارين (بلعات ريقها) : دابا انا غنقول ليك صراحة ياك (حطات يدها على جبهتها كتمسح العرق) هادي سيمانة كنت موصية أركان على شي روايات إسبانية عييت نقلب عليهم و ما لقيتهمش و هو قال ليا غيوصي ليا عليهم من برا و يجيبهم ليا ياك... ايوا كنت دايزة من هنا و قلت مع راسي ندوز نسولو واش جابهم و لا مزال (شافت فاركان) ياك هادشي للي كاين؟

أركان : هااا (شاف فأزاد للي معلي فيه حاجبو) ايه ايه هادشي للي كاين مي كون عيطتي ليا كنت غنقول ليك بللي باقي ما وصلو علاش عذبتي راسك