//الصفحة 44//
🌷بارت 9🌷
نعمة (كتدهن لحمها بالكريم) : انا ما داخلاش ليا لراسي هاد عيد الميلاد بين البنات و فدار داليا.... علاش ما يتجمعوش هنا نحتفلو مجموعين و يهنيونا؟؟
ياسر (كيقرا فجورنال) : الله يهديك خلي البنات يديرو ما بغاو راهم ماشي صغارات هادا هو لاج. هه نسيتي نتي شنو كنتي مدوزة ا الشيويطينة فاش كنتي قدها ما شديتي معايا الطريق تا شيبتيني
نعمة (ضحكة انثوية) : هاهاهاها عارف راسك بعدا شايب و شارف ا حبيبي اما انا مزااال صغيرة و مزااال نشيبك
ياسر (حط جورنال و ناض كيلمس فكتافها بحنية و هي كتبتسم ليه من المرايا) : ايييه شااايب و لكن مزال نقد عليك و نخليك فايقة لليل كامل (غمزها)
نعمة (تزنكات) : حشم شوية بان ليا ما بقاوش عندك الفرانات
ياسر (غفلها و هزها بين يديه) : علاش نحشم و انا عندي تيتيز(كيتفحصها بعينيه).... الزين و لاطاي كولشي كاين.. (ابتسم بخبث) اجي ما بانش ليك خاصنا نجيبو للي يونس جينا (غمزها)
نعمة (دارت يدها مور عنقو و ابتسمت ليه) : ما كرهتش و لكن سي طخووطاغ بور طوا ا شيغي الشيباني
ياسر : هادي ثاني مرة تقولي ليا شيباني لمك اوا اجي لهنا
نعمة (بالغوات) : لا ياسر طلقني لااا ههههه
******
فيين انا؟؟؟ اش هاد البلاصة و مالها بيضا و بااردة هاكا؟؟ (بصوت مرتفع) واش كاين شي واحد هنا؟؟؟ واش شي حد كيسمعني؟؟
(صوت جاي من بعيد و كيتسمع الصدا ديالو) : جيييناااااا.... جيناااا
بقات جينا كتقلب على مصدر الصوت اللي كيعيط ليها و كل شوية صاحبة الصوت كتقرب حتا بانت ليها نعمة و معاها امرأة أخرى
جينا (بابتسامة) :اووف مزيان اللي جيتي ا ماما... يالاه نمشيو من هنا هاد البلاصة معجباتنيش
نعمة (بصوت ناعم) : اجي... قربي
قربات جينا من نعمة ببطا حتا وصلات حداها و هي تشد ليها يدها و حطاتها فيد المرأة اللي معاها و ابتسمت ليهم و عطاتهم بالظهر و تمت غادة حتا عيطات ليها جينا
جينا : مامااا.... اجي فين غادا و مخلياني؟ و شكون هاد المرأة؟؟
نعمة (بابتسامة) : غي شدي فيها... غتعاونك
جينا (بصدمة) : و لكن... (شافت فالمراة) : مكنعرفهااش... ماما (تلفتات لنعمة لقاتها غبرات) : ماماااا 😭😭 مامااا فييييييينك اهي اهي مااااااااماااااااا (فاقت قافزة) : هييييييه بسم الله الرحمن الرحيم بسم الله الرحمن الرحيم 😥😥😥 (كتمسح العرق من عنقها) ا ربي اش هاد شي كيطرا ليا اش هاد الأحلام ديال العجب عوتاني اوووف
ناضت جينا من بلاصتها بتثاقل و خرجات لبالكون ديالها فين دايرة كرسي معلق على شكل ارجوحة (الصورة) و بقات كتلتقط أنفاسها من هاد الحلم.
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
