//الصفحة 44//
📝الكاتبة ياسمين الوراق
🌷بارت 77🌷
🍂🍂🍂 أصبحنا و أصبح الملك لله 🍂🍂🍂
نازل من طيارتو الخاصة للي حطات ليه بمطار مراكش، و يديه على عينيه كيدرق بيهم الشمس.
هبط فالدروج بخطوات تقال و هو هاز خنافرو للسما و كيحل فصدايف المونطو الكحل للي لابس و موراه المساعد ديالو.
تاجه جيهة طوموبيل كاط كاط فين حلو ليه رجالو الباب و يالاه جا يركب و هو يسمع صوت موراه للي خلاه يبتسم بلاما يضور
كاظم : الحمد لله على سلامتك موسيو أمجد
أمجد (تلفت عندو و نطق بتهكم) : كنت عارفك غادي تشمشم عليا اول ما نحط رجلي فالمغرب
كاظم : الحاجة باغا تشوفك و هي للي صيفطاتني عندك
امجد (بنبرة جدية) : امممممم.... غتمشي تقول للحاجة ديالك امجد ما غادي يشوف تا واحد من ديك العائلة
كاظم (حنا راسو) : سمح ليا ا سيدي و لكن أوامر الحاجة
أمجد (قاطعو بالغوات) : أوامر الحاجة زيدهم فكرك 😉 قول ليها تفوت عليها جرتي حسن ليها (دار ليها إشارة بصبعو) يالاه غبر
من بعد ما مشا كاظم ركب أمجد فطوموبيلتو و معاه المساعد ديالو و شد الطريق للاوطيل فين غيجلس و رجالو تابعينو اللور.
⛪ عودة إلى قصر العراقي ⛪
عزيزة غادا جاية فبيروها و الأعصاب غيطرطقو ليها آخر عرق بقا فراسها. أما هو كان جالس فالفوتوي و مربع يديه كيشوف فيها
عزيزة (تلفتات و شافت فيه و هي كتحرك راسها باستنكار) : باقا ما ممتيقاش شنو سمعت.... كون حساب ليا غنفيق على خبار بحال هادا كون طلبت ربي ياخدني عندو
أزاد (و هو محافظ على الهدوء ديالو) : الله يطول فعمرك ا مدام
عزيزة (قربات منو) : ما فهمتكش و الله... ما بقيت فاهمة فيك والو
أزاد (وقف و شاف فيها) : شنو للي بغيتي تفهمي أكثر (ورك على الحروف) انا قلت ليك جينا غتخرج من الانتقام و صافي
عزيزة (تعصبات) : واش عارف شنو كتقول؟ (غوتات) واااش نسيتي شنو وقع لباباك و ختك؟؟؟؟
أزاد : ما نسيتش ا مدام... و للي دار شي حاجة غيتعاقب عليها (غمزها) للي دااار.. ماشي انسانة تا هي كانت ضحية
عزيزة (حركات راسها باستنكار) باقي كتبغيها ياك؟......واش ما بغيتيش تلقا دوا للجروح للي فقلبك هادي سنين؟
أزاد (تنهد) : هي دوايا
عزيزة : ههه هي ما عاقلة عليك تا شكون نتا.... عقلها نسااااك
أزاد : قلبي غيفكرو
عزيزة (بخبث) : غتكرهك على داكشي للي درتي فيها
أزاد (ابتسم) : حبي ليها كافي باش يطفي الكره للي فقلبها
عزيزة (جلسات و كضور تسبيحها فيدها) : اييه مزيان.... لا لا مزيان.
الحب و الأحاسيس هادشي كللو زوين (علات فيه عينيها و نطقات بكل خبث) غير هو مللي تكون تمعشق نتا وياها تفكر شنو دار باها فختك 😉
هناتك تتمة خليو تعليقاتكم 👊
أنت تقرأ
🔥الصفحة 44🔥(مكتملة الجزء الاول)
حركة (أكشن)مجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
