🔥الصفحة 44🔥(مكتملة الجزء الاول)

part38

//الصفحة 44//
📝الكاتبة ياسمين الوراق
🌷بارت 38🌷

تسنات و تسنات شحال تا سالا الاتصال ديالو و تلفت عندها و شاف فيها بكل جدية و هي حلات فمها على مصرعيه مصدومة و ما متيقاش انه هو للي جالس قدامها.
أركان : جلسي
جينا (جلسات بكل لباقة و هي مزال مصدومة حيت هو نفس الشخص للي كانو فالديسكو ) : ميغسي
أركان : مادموزيل الجوهري؟ ياك؟
جينا (بابتسامة خفيفة) : وي
أركان : اممم... واش عارفة راسك جاية معطلة و من النهار اللول؟
جينا (حشمات) : وي عارفة و كنعتذر، مي انا مزال جديدة فمراكش و عاد وقعات ليا حادثة صغيرة فباركينغ الشركة
أركان (قاطعها) : مادموزيل، اول قاعدة خاصك تعرفيها فشركة الكينغ هي الأعذار كيفما كان نوعها مكتقبلش. درتي خطأ و غتحاسبي عليه
جينا : هاااه 😲
أركان (بجدية) : هاد الوقت للي تعطلتي غادي تزيدي تخدميه اكسترا فالعشية
جينا (حركات راسها بالايجاب و بقات ساكتة)
أركان : على أي، كي قلت للمدير ديالك، غتخدمي معانا كمهندسة ديكور. كاينة كوليكشن جديدة خدامين عليها حاليا و غتكون هي البروجي ديالك. تفهمنا؟
جينا (بابتسامة) : وي داكوغ و بإذن الله غنشرفكم
أركان (مد ليها ورقة) : هادا الكونطرا د سطاج ديالك، غتنزلي دابا ل ايطاج 22 و تسولي على سيبال.. الشاف ديالك. (وقف و مد ليها يدو) :مرحبا بيك فالكينغ
جينا (بادلاتو السلام) : ميغسي
خرجات جينا من مكتب الكينغ باش تشوف فين غتخدم كي قال ليها أركان، اما هو جلس فالكرسي و شاف جيهة أزاد للي حل واحد الباب كان مور أركان و خرج لعندو من بعد ما مشات و هو و شاف كولشي فالكاميرا.
أركان(شاف فيه) : ما فهمتش علاش خليتيني ندوي معاها بلاصتك. فخبارك كيحساب ليها انا الكينغ؟ كون تشوف وجهها كي كان فاش شافتني. باينة عقلات عليا من نهار ديسكو هههه
أزاد بلاما يجاوبو بدا كيقرب حداه و عينيه مفيكسيين على جيهة وحدة. وصل حدا أركان للي كيشوف فيه باستغراب و بحركة غير متوقعة هز كاس ديال القهوة سخووون كان فوق البيرو و خواه ليه على يدو تا حرقو
أركان : ااححح (كيحك فيدو) اش هاد الضحك ديال الخرا واش مريض فكرك
أزاد (ببرووود) : حرقت اليد للي قاست يدها بلا شواري