🔥الصفحة 44🔥(مكتملة الجزء الاول)

part86

//الصفحة 44//
📝الكاتبة ياسمين الوراق
🌷بارت 85🌷

الشفار ما بقاوش عندو رجلين باش يوقف و دوك الفيدورات و تقول واش بغاو يطلقو منو هلكوه تباوط و بونيات و خلاو دمو يشرشر فالأرض و الجوقة تجمعات و بنادم كيصور و الطريق تحبسات و صوت الكلاكسون و صداع غادي و كيعلا.

بقات كتفرج فيهم من بعيد و خايفة تقرب تا كيبان ليها الباب لوراني ديال طوموبيل للي بسبابو طاح الشفار، تحل و تنزل منو شاب طويييل و زعر لابس جاطيك ديال الجلد فالخزي مغلوق تحت منها تيشورت كحل و سروال كحل و سبرديلة.

شاف فرجالو و عطاهم إشارة باش يهزو الشفار و يديوه فين يتربى و خدا من عندهم صاك و تم غادي عندها و هي متبعة ليه العين تا وقف عليها

**** (شاف فيها شوفة غريبة و مد ليها صاكها بابتسامة جانبية): صاااكك ميس (miss)

جينا (خداتو من عندو) : شكرا بزاف... بلا بيك ما كنت نقدر ندير والو

**** : no problem 😉 (ماشي مشكل)

***** (مد ليها يدو) : مغاديش تعرفيني عليك

جينا (صافحاتو و هي حشمانة) : انا جينا

**** : و انا أمجد 😉 أمجد

جينا : كنشكرك بزاااف امجد على هادشي للي درتي معايا و الله

أمجد (ابتسم ليها) : را قلت ليك ما درت والو....anyway ها لكارط ديالي فيه نامبر بريفي ديالي الا حتاجيتيني شي نهار عيطي ليا

جينا : اوكي ميغسي

ركبات فطوموبيلتها و زادت باش تخوي الطريق للي تبلوكات للناس و تا هو رجع لطوموبيلتو و ركب

أمجد (متكي على الكرسي) : عطيتوه فلوسو ؟

الكارد : وي مستر أمجد عطيناه فلوس صحاح على القتلة للي كلا

أمجد (ابتسم ابتسامة جانبية) : امممم بان ليا غادي نحط بزاااف الفلوس على قبل هاد البريهيشة (تنهد) و لكن ماشي خسارة فيها حيت بلا بيها مغنوصلش لشنو باغي

*** فجهة اخرى كانت عزيزة نازلة من طوموبيلتها من بعد ما حل ليها كاظم الباب و تمات غادة بالزربة فجيهة ديك الدار و كتسمع صوت غواتو واصل لفين و فين

عزيزة (هدرات مع الكارد) : اش وقع؟. مالو كيغوت؟

الكارد (حاني راسو) : بحال ديما الحاجة بغا يخرج و مللي حبسوه الدراري بدا كيهرس و يغوت. حاولنا نكالميوه و لكن ما قدرناش داكشي علاش عيطنا لسي كاظم

عزيزة (تنهدات) : واخا واخا انا غندخل نشوفو... حل ليا الباب

دخلات للدار من بعد ما حل ليها لكارد الباب و لقاتو نيييت كيف قالو ليها مجرتل و موسخ محيح على لكارد للي باغين يشدوه و لكن هو كان شاد موس كبير كيهددهم بيه

***** (بالغوات) : واااا بربي و يقرب ليا شي ولد ل*حبة فيكم تا نحر ديلمو واااااع بغييييت نخرررررج

عزيزة (بالغوات) : خرجو كااااااملين

دارو داكشي للي قالت ليهم و هي تزيد عندو و هو كيشوف فيها تا غفلاتو بطرشة قااصحة للوجه و دفلات عليه

عزيزة : تفوووو.... الدودة لي فيك عمرها تبرا 😠 اااااخر مرة نلقاك داير هاد الحالة مغاديش نبقا كل مرة ضاربة طريق من مراكش على قبلك فهمتي؟؟؟

**** (كيحك نيفو بكمام يديه الموسخين) : خرجيني من هنا و ما تبقايش تسمعي صداعي

عزيزة (تنهدات) : شحال خاصني نعاود الهدرة من مرة؟ غتخرج و لكن ماشي دابا صبر شوية صبر (سكتات و عاود كملات و هي كتشوف فيه بتمعن) أمجد رجع للمغرب

**** (بصدمة) : رجع؟؟؟ (بلهفة) بغيت نشوفو

عزيزة (غوتات عليه) : تشوفو؟ واش نتا مريض؟؟؟؟ (بتهديد) امجد واخا تبوس ليا قاع رجلي و الله لا خليتك وصلتيه سمعتي؟ يالاه رجع تكمش فبلاصتك

قبل ما تسناه يجاوبها خرجات و خلات معاه كاظم حاضيه تا تخشا فبلاصتو و تأكد بللي مغاديش ينوض ليهم الروينة عاد لحق عليها و مشاو فحالهم

اما فشركة العراقي كانت جينا يالاه وصلات و واقفة كتسنا فالاسانسور مع الموظفين تا كيبان ليها أزاد داخل.

ضورات وجهها ما بغاتش تشوف فيه و تا هو داز من حداها و طل عليها غي بنص عين الشيئ للي خلاها تحل عينيها على قدهم مللي شمات ريحتو إللي طعنات فالمكان.

بلاما تحس لقات راسها غادا موراه تا وقف قدام للاسانسور ديالو و حس بشي واحد موراه.

غي تلفت و هو يتصدم مللي قربات منو بزاااف و بدات كتشم جيهة عنقو و خلاتو هو و الموظفين فحالة صدمة

خليو جيماتكم و تعليقاتكم ما تسناوش اتفاقنا