// الصفحة 44 //
🌷بارت 12🌷
🌺🌺 اه يا دنيا و شنو مخبعة لينا.... شحال بكيينا و قاسينا
.................
🌺🌺 شحال صبرنا و تسنينا و نتي ما قابلة تفرحينا و لا تهنينا
.................
🌺🌺 نظلو ملهوفين على خيط النجا...و قلوبنا عامرة رجا
.................
🌺🌺 مرة هادي تفرح و مرة هادي تصدم....و انا نهز يدي نقول ا مولا نوبا
🌺🌺 زهرنا و كحلتي...........قلوبنا و كسرتي....... ضحكتنا و خطفتي
🌺🌺 بلاتي تسناي.......انفاسنا لا تقطعي و لا تزيدي تتعناااي 😔💔
................
و فصباح ما بحالو صباح، فاقت جينا على لمسات حنينة فوجهها استحلاتها و ابتاسمات تلقائيا بلاما تحل عينيها على الصوت للي كيغني ليها بشكل طريف.
ياسر (كيغني داير طربوش على راسو) : سنة حلوووة يا جميييل.... سنة حلوة يا جمييل 🎉🎉🎉 سنة حلوووة يا احلى واجمل جينا فالعاااالم
جينا (ناضت عنقاتو) : نتا اللي احسن اب و صديق فالعاااالم..(باستو) الله يخليك ليا
نعمة (كضحك عليهم) : كان يحساب ليا عندي مراهقة وحدة ساعا صدقو زوج هههه
ياسر : امممم جينا، كتشمي ريحة الحراق ياك هه (غمزها)
جينا :بحااال داكشي...حسدوووونا ا الحب
نعمة : ياااك ا بنت الهم 😒😒
ياسر (جرها عنقها من الجهة الثانية) : اجي تا نتي يا المغيارة ديالي اجي ههه
جينا (بابتسامة) : الله يخليكم ليا ياااا ربي.. (هزات راسها فياسر) اجي بعدا، فيناهوا الكادو ديالي 🤔 ياكما نسيتي باش واعدتيني
ياسر (شاف فنعمة و رجع شاف فيها بابتسامة) : و انا نقدر (جبد سوارت من جيبو و وراهم ليها) طلي عليها راها كتسناك من قبيلة
جينا (عينيها خرجو) : واااااااع و الله تا جبتيها 😃 نتا احسن اب فهاد العالم هههه 😋😘
اتجهات جينا لبالكون ديال بيتها و هي تخرج عينيها فالطوموبيل اللي شرا ليها ياسر...طوموبيل من نوع مازيراتي بيضة كي كانت طالباه عليها... هبطات حفيانة بالبيجامة ديال النعاس و هي كتنقز و تغوت تا خلات كاع الخدم كيشوفو فيها و يضحكو. بقات تلمس فيها شحااال تا ما خلات فيها تا شبر. و من بعد ركبات فيها و بقات تقلب فيها كي الهبيلة
جينا (كتنقز) : هههه واااع ديالي و لله الا دييييالي وااااو
ياسر (لحق عليها) :ا غي بشوية عليك ا زين، راها ديالك تا حيد ما ياخدها ليك 😉
جينا (بترجي) : نمشي بيها عند داليا اليوم 😁
ياسر (صدمها) : نو نو اووبلي (نساي) ☝️يالاه جات اليوم و مزال خاصني نقاد ليك فيها شي مسائل. و اصلا نتي غادا غي لدار صاحبتك يعني ما يستاهلش
جينا (خافت تحصل) : وااخا صافي 🤦♀️
ياسر : يالاه ردي بالك و عيد ميلاد سعيد (باسها فراسها) هانا مشيت
جينا : 😘 باااي
بقات جينا فطموبيلتها كتشبع عويناتها منها و من بعد وجدات راسها باش تمشي للمعهد و هزات معاها حوايج السهرة بلاما تشوفها نعمة.
**********
شركة العراقي 🏢
أركان : ارسلان واخا تسيني ليا الكونطرا ديال البروجي الجديد؟
أرسلان (بجدية) : اوكي خليه ليا نقراه و نرجعو ليك
أركان : واخا (مدو ليه) هاك
أرسلان خدا الكونطرا و بغا يكمل طريقو بلاما يزيد تا كلمة و لكن أركان وقفو
أركان : أرسلان....تال ايمتا غتبقا واخد مني موقف؟
ارسلان (خنزر فيه) : ما حدك تابع زامل ديال ازاد غنبقا واخد منك موقف
اركان (بنبرة حزينة) : ارسلان، أزاد صاحبي و مستحيل نقلب عليه وجهي و حتا نتا
أرسلان (قاطعو) :بلاما تكملها.... انا و داك ولد القحبة سالينا من شحال هادي و نتا عارف علاش
أركان (بنبرة جدية) : ما نصحكش تولي عدو لازاد.. راك عارفو علاش قاد
أرسلان (بعصبية) : هههه شنو كتخلعني بصاحبك 😒 سيرو تقوودوو نتا وياه و سير قول ليه أرسلان مكيخاف من تا قواد اللي عندو عندي... و يمكن أكبر منو 😉
زاد أرسلان جوج خطوات و عاود رجع و شار بصبعو لاركان بطريقة تحذيرية
أرسلان : اه نسيت... انا حاس باللي نتا و داك رومبو ديالك موراكم شي روينة و مغنرتاح تا نعرفها و الا لقيت عليكم غلطة وحدة غتشوفو ديك ساعة شكون أرسلان
زاد أرسلان و خلا أركان واقف فحيرة.... حيرة فهاد ولاد العراقي اللي حطوه وسط ناريين و كل واحد فيهم مصيبة أكثر من لاخر.
🌿
🌿🌿
🌿🌿🌿
أنت تقرأ
🔥الصفحة 44🔥(مكتملة الجزء الاول)
Açãoمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
