📜 رواية : الصفحة 44
الفصل الثاني : حرب الأسد و الثعبان
الجزء : 166
بقلمي انا 🖋️ : ياسمين الوراق
مللي خرجو من الفيلا ركبو فالفيراري و ديمارا الطوموبيل و رجالو تبعوه من اللور و عفط فاتجاه دار نيليا و هو شاد ليها يدها كيبدل بيها السرعة و يضحك معاها تا وصلو.
أزاد (هز يدها باسها) : يالاه العمر نزلي شوفي صاحبتك و انا فالعشية نرجع ليك
جينا (ابتسمات بخجل) : واخا كون هاني (بغات تنزل و هو يشدها من دراعها و ضورها لعندو و هي تشوف فيه باستغراب)
أزاد (علا فيها حاجبو) : ما نسيتي والو؟
جينا (شافت فيه بعدم فهم)
ابتسم ابتسامة جانبية و جرها من عنقها مقربها منو و لاصق شفايفو مع شفايفها كيجر فيهم كل وحدة بوحدها و بلاما يزرب عاطي لكل وحدة حقها و يدو كداعب عنقها من اللور تا قطع فيها النفس و هي تبعد منو بالشوية و حدرات عينيها حشمانة و نطقات و هي كتحل فالباب باش تنزل
جينا : بسلامة
نزلات دغيا قبل ما يشدها و مشات كتجري قطعات لجيهة الأخرى فين كاينة دار نيليا و هو متبع ليها العين تا دقات و حلو ليها الباب عاد مشا و تبعوه الكًارد.
نجود : نعام ا بنتي
جينا (حشمانة) : كاينة نيليا ا خالتي؟
نجود : ايه كاينة ا بنتي شكون نقول ليها؟
نيليا (جات مور نجود و دفعاتها): حيدي ا نجود حيدي خليني نشوف صحيبتي (طارت لعند جينا و عنقاتها تا قجاتها) وااااع توحشتك الموصيبة هههه
جينا (معنقااها تا هي) : هههه تا انا توحشتك كي بقيتي ا صكًعة
نجود : وا زيدو دخلو بعدا و ديك ساعة هدرو مرحبا بيك ا بنتي
جينا : شكرا ا خالتي
دخلات جينا مع نيليا للصالون و نجود دخلات الكوزينة توجد ليهم اتاي.
دار نيليا كانت فحي ماجوريل المعروف بشققو الراقية و كان فيها صالون مفرش بطريقة عصرية و زوج غرف نوم كبار و كوزينة كبيرة و حمام.
جينا : كي بقيتي بعدا؟؟
نيليا : الحمد لله ها نتي كتشوفي راسي باقي مخنوق بهاد الفاصمة و هاد اليد ليمنية مزال كتعطيني الحريق من ليل ليل
جينا : مي دغيا خرجتي من لكلينيك لا؟
نيليا : ههه وا كانو باغين يشدوني مزااال شي يامات تما را انا للي درت ليهم طيارة باش خرجت و الطبيب مللي ما لقا معايا تا خل خلاني نخرج و ورا نجود كًاع داكشي للي خاص دير ليا
جينا : ههه ايوا الحمد لله على سلامتك
نيليا (ربعات رجليها فوق السداري و هزات مخدة دارتها فوقهم و تكات عليها بيدها) ايوا عاودي ليا نتي.... اش خبارك ؟ علاش قلتي ليا ما بقيتيش تمشي للشركة؟
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
