🔥الصفحة 44🔥(مكتملة الجزء الاول)

part40

//الصفحة 44//
📝الكاتبة ياسمين الوراق
🌷بارت 40🌷

عطاها بالظهر و تم غادي و هي تابعاه و كتشوف فيه كيفاش كيلوي ديك مسعودة للي عندو و كيتدلع فالمشية ديالو أكثر منها هي للي بنت تا وصل لواحد البيرو و جلس و هي بقات واقفة.
سيبال (بتهكم) : كاتسناي العراضة ؟ جلسي
جينا جلسات و هي حابسة الضحكة ديالها على تصرفات سيبال حيت اول مرة تلاقا مع مثلي فاص ا فاص و تشوف تصرفاتهم كي كتكون.
سيبال : امممم قلتي ليا سطاجير جديدة ياك؟ (كيشوف فالبيسي) سميتك جينا؟
جينا (حركات راسها بمعنى اه)
سيبال : اممم سمية اوغيجينال عجباتني. مهيم كنظن بما انك وصلتي عندي هنا الا و راك دزتي قبل لايطاج ديال الكينغ. 
جينا : وي كنت عندو و هدرت معاه. ضريف صراحة
سيبال (بصدمة) : معامن هدرتي يا الحبيبة؟ هههه الكينغ
جينا (ما فهمت والو) : 😕
سيبال (ضحك بالجهد تا صدمها) : ههههه واااااع هههههههه عجبني خيالك الواسع. غينفعنا فالخدمة بزاااف. زوينة عندك هاد هدرت معاه و الله تا زوينة.
بقات جينا كتشوف فسيبال ما فاهماش علاش كيهدر و لا علاش كيضحك. أما هو فبقا كيضحك و يفركل تما تا دمعو ليه عينيه
سيبال : اووف هههه الله يعطيك الخير أ زين فرحتيني فهاد النهار (هز تلفون و عيط لشي حد) اجي عندي البيرو دابا (قطع)
ما دازت عشرة ثواني تا دخلات عليهم واحد البنت قصيرة معليها غي طالون للي لابسة مع بودي ميني فالغوز و كاط فالغوز مع سروال بيض (الصورة). كانو ملامحها طفولييين و رقيقة  و بشرتها سمرة شوية مع شعر ذهبي طويييل جامعاه ديل الحصان بشكل جميل.
نيليا: الحب عيطتي عليا؟ (باستو فحنكو) لهاد الدرجة توحشتيني
سيبال(بتهكم) :اممم بقاي تصبغي فيا بقاي، يحساب ليك غنسا ليك داك الفطور اللي فطرتي هاد صباح مع داك المهندس للي كيعجبني
نيليا (عنقاتو) : وااايلي غرتي ا شعيبية غرتي. ما ديرش فبالك كلهم غي ولاد طيط نخاف عليك منهم ا بب لا يكويوك ليا 😉
سيبال (تزنك) : حشمي ا ديك المقزدرة (كيقاد حوايجو و نطق بميوعة) جينا نبغي نعرفك على الحب و التيتيزة ديالي نيليا برادة مهندسة ديكور و نائبة شاف المهندسين اللي هو انا 😋 و نيليا، نبغي نعرفك على الكتكوتة الجديدة للي غتخدم معانا، جينا
نيليا (مدات ليها يدها و هي مبتسمة) : مرحبا بيك معانا
جينا (ابتاسمات ليها بدورها) : ميغسي
سيبال : مهيم، نخليك اليوم تكلفي بيها ا زين و توريها شنو دير. و ابتداءا من غدا غدخل معانا لاجتماع باش تبدا معايا الخدمة على الكوليكشين الجديدة.
نيليا : اوووكي بووص. يالاه الحب اجي معايا
ناضت جينا من بلاصتها و هي محافظة على ابتسامتها الراقية و خرجات هي و لينيا مخليين سيبال مقابل خدمتو (ولا خدمتها 😂)
نيليا : اوا ا جينا عرفيني عليك شوية أكثر
جينا (ترنكات) : ههه ما كاين تا حاجة سبيسيال سميتي جينا الجوهري عندي 21 عام و كنقرا هندسة ديكور فطنجة و جيت ندوز سطاج هنا فمراكش
نيليا : اممم مزيان، و جالسة هنا بوحدك؟
جينا : لا، جيت انا و صاحبتي
نيليا : و الصاحب؟ فيناهوا؟ (غمزاتها)
جينا : هاااه 😕
نيليا (ضرباتها فكتفها) : مال موك كنهدر بالشينوية؟ الصاحب يعني بوركابي و لا بو*لاوي... عرفتيها دابا
جينا (تزيرات) : احم احم.... لا لا ما عنديش
نيليا : حسن ليك... كولشي ولاد الكلاب. مهيم ا تيتيز، أنا سميتي نيليا، و عندي 24 عام خدامة هنا هادي تلت سنين يعني دخلت  فنفس السن ديالك ههههه. كيعيطو ليا هنا فليفلة حيت عندي غي شن طن، دخلتي لخاطري را نضحك معاك، ما حملتكش غادي نلوحها ليك فالوجه بلاما نضرب الحساب لتا شي ولد المرأة. و نتي دخلتي ليا لخاطري من اول ما شفتك.
جينا (ابتاسمات ليها) : شكرا بزاف و حتا نتي باينة فيك ضريفة و غنتفاهمو انا وياك
نيليا : مهيم، ها هو البيرو ديالي و نتي غتجلسي هنا حدايا باش تبقاي قريبة ليا. انا غنمشي نجيب قهوة و نرجع ليك.
جينا : اوكيي
مشات نيليا كتقرقب بطالونها للي كون تحيدو موحال تبقا تبان.
تا وصلات لماشين ديال كافي و بدات كتعمر كاسها تا سمعات موراها الصوت للي كيركب فيها الأعصاب.
أرسلان (بتهكم) : مغتنقصيش شوية من هاد للباس المفضوح؟
نيليا (تلفتات و نطقت بسخرية) : حوايجي هادو و لحمي هادا، و للي عطاني مو يزيدني لالاه 😉
أرسلان (شدها من يدها و زير عليها) : نتي راك ضسرتي و تعديتي حدودك.
نيليا (نترات يدها منو) : شوف نتا شكون الي تعدا حدودو ا موسيو أرسلان 😉 منظنش لباسي داخل فاطار صلاحياتك. و من تدخل فيما لا يعنيه سمع ما لا يرضيه (ضربات فيه و زادت)
أرسلان (متبعها بعينيه) : غي بقاي مقصحة راسك، قد ما بقيتي غتكوني ليا فاللخر

**مزال كنكتب تفااااعلو مع هادشي للي حطيت و خليو ارائكم