🔥الصفحة 44🔥(مكتملة الجزء الاول)

part42

//الصفحة 44//
📝الكاتبة ياسمين الوراق
🌷بارت 42🌷

جينا : هااه 😮 فواكه البحر؟؟؟
نيليا (باستغراب) : جينا ؟ كاين شي مشكل؟
جينا (شافت فيها) : انا عندي حساسية من فواكه البحر، نسيت ما قلتها ليك.
نيليا : هاا ويييلي وحدي كنتي غتموتي ليا هنا و يلصقوك فيا يا الخانزة. علاش ما قلتيهاش؟
جينا (حركات كتافها بلا مبالاة) : نسيت و صافي. ما طاحتش فبالي
نيليا : اوا مللي حطيت الطبسيل قدامك ما تعرفيش تشمي؟
جينا : ههه صافي ما وقع والو
البنت : مهيم ا مادموزيل شنو تبغي نجيب ليك فبلاصتو؟
جينا : اي حاجة من غير فواكه البحر
البنت (بابتسامة) : واخا مادموزيل (بغات تمشي و هي توقفها نيليا)
نيليا (مخنزرة) : اجي اجي بلاتي، و نتي بسلامة باش عرفتي عندها حساسية؟ ياكما نتي قارئة فنجان و انا ما فراسيش 🤨
البنت : انا غي عيطو ليا من الفوق و قالو ليا البنت للي لابسة الحمر عندها حساسية من فواكه البحر و طلبو مني نقول ليها تحبس الماكلة قبل ما توقع ليها شي حاجة. راك عارفة أوامر الإدارة ا مدام.
نيليا (كتفكر) : امممم صافي سيري شوفي خدمتك
جينا (ابتاسمات ليها) : شكرا ا ختي بزاف
البنت (ابتاسمات بدورها) : العفو هادا واجب (مشات)
جينا : نيليا، ما فهمت والو من هاد تخربيق. كيفاش عرفات باللي عندي حساسية و شكون للي طلب منها تنبهني؟ هادشي فشكل
نيليا : نو نو عادي، راك فشركة الكينغ. يعني قبل ما تجي كيعرفو قصة حياتك كاملة. يمكن طلبو الملف الطبي من مدرستك و لا شي حاجة. و الشركة كلها كاميرات يعني يقدر يكون قالها ليها شي واحد من RH
جينا (كمشات شفايفها) : ممكن

من بعد الغدا، رجعات جينا لخدمتها هي و نيليا و دوزو العشية خدامات فجو كل ضحك و تقشاب و دغيا انسجمو مع بعضياتهم و ما حسوش بالوقت كي داز تا وصل وقت الخروج و كل وحدة فيهم مشات لدارها.

🍂🍂 واش عمرك لقيتي راسك كتحاور مع ناس لا وجود لهم في أرض الواقع؟
واش عمرك جربتي احساس تكون ففراشك فالليل و تحس بللي كاين شي واحد حداك....ناعس حداك و انفاسو كضرب فوجهك؟  واش عمرك حسيتي بللي شي واحد كيراقبك و نتا كدوش و كيتفحص جسمك شبر شبر؟
هاد الاحساس هو نفسو للي غتحس بيه فاش غتولي تشوف أحداث كيوقعو قدامك و ما كاين تا واحد للي مصدقك حيت ببساطة داكشي كاين غي فدماغك.
هاذ الاحساس هو نفسو للي غتحس فيه فاش غتولي غي خايف و هربان، حيت خايف من شي واحد يقتلك و نتا متأكد باللي هو تابعك.
هاد الاحساس عندو كلمة وحدة و هي الهلوسة، و نتيجتها كتكون ديما وحدة و هي الانتحار. حيت داكشي للي كيعيشو الإنسان المصاب بالهلوسات كيكون فووق طاقة الإنسان العادي و خصوصا انه كيضطر يعيشو و يتحارب معاه بوحدو لأن تا واحد ممصدقو🍂🍂
من بعد ما رجعات من الخدمة، جلسات جينا شوية مع داليا كتعاود على الكينغ للي هدر معاها، و على نيليا اللي تصاحبات هي وياها و تا على سيبال للي شبعو عليه ضحك.
من بعد تعشات و شربت دواها للي عطاتها يامنة و طلعات لبيتها نعسات باش ترتاح مور هاد النهار الطويل.

🌚🌚🌚🌚

عااااااافاااااك طلق مني طلق منييييي (بالغوات) ماااااااااااماااااااااااا
صرخات قوية مقدرتش دافع بيها على نفسها و لا تفك راسها من هاد المغتصب للي كيشوف قدامو هدف واحد و هو أنه يفترس جسدها كي شي حيوان و يفض بكارتها.
بقات واقفة كتشوف فذاك المنظر و هي مصدومة من هادشي للي كيوقع و وجهها غيطرطق بالصهد. تا بدات كتسمع أصوات كثيييرة جاية من بعيييييد و كتقول بأعلى وصت
جيييييييييييينا هربيييييييييي
جينا (فاقت قافزة) : هيييييه 😫 لااااا لااااا هادشي بزاااف عليا.. بزاااااف
ناضت من بلاصتها و مشات هزات كاس ديال الما باش دوز بيه الدوا. خوات الما فالكاس و لكن ما جات فين تصرط بيه الفانيدة للي ففمها تا بان ليها نفس الشخص اللي شافت  فالحلم. واقف فالقنت و مربع يديه و هي كيبان ليها غي انعكاسو فالمرايا.
بدا كيقرب منها و بنظرة حيوانية و شراااانية للي كانو كافيين باش يخليو الخلعة تزيييد تركبها تا طيحات الكاس من يذها
جينا (كترعد) : شش شششكووون نتا؟ شنو بغيتي مني
سؤالها ما لقا منو تا رد الشيئ للي خلاها تزيد تركبها الخلعة و قلبها يولي يضرب كي الناقوس
جينا (غمضات عينيها) : اوووف اوووف، أنا غي كنحلم ياك؟ بحال ديما غنفيق و مغنلقا وااالو
حلات عينيها و هي تصدم و قلبها قرب يوقف مللي شافت نفس البنت ديال الحلم طااايحة فالأرض و حوايجها غارقين دم و باينة تعرضات للاغتصاب و ما حسات براسها تا صرخات بالجهههههههد و طاحت مغمى عليها

ََ