//الصفحة 44// حرب الأسد 🦁 و الثعبان 🐍
بقلمي أنا 🖋️ : ياسمين الوراق
💝 بارت 114
مسحات دموعها و تمات راجعة للفيلا لقاتو مزال واقف، شافت فيه باحتقار و طلعات كتجري للفوق لبيت النعاس و سدات عليها و تلاحت فوق الناموسية معنقة الخدية كتعصر فيها دموعها تا نعسات بقوة العيا.
اما هو مشا للبار كيشرب غي القاصح تا تقاال ليه الراس مزيان و خرج للجردة.
كان الظلام بدا كيطيح، و جلس فوق الكرسي كيكمل فالشراب و مقابل لا بيسين.
تا كيتحل الباب و كيبان ليه أركان داخل بطوموبيلتو و نزل و تم جاي جيهتو.
شاف فيه و عاود غمض عينيه و ترخا فوق الكرسي تا حس بيه جلس فالكرسي للي مقابل معاه، عمر لراسو تا هو كاس و نطق بهدوء
اركان : علاش جبتيها لهنا؟
أزاد (مزال مغمض عينيه) : باش عرفتيني جبتها هنا؟
اركان (ضحك باستهزاء) : جاوبني على سؤالي....(نطق كل كلمة بوحدها) لاش جبتيها؟
ازاد (تنهد و حل عينيه شاف فيه) : باش نكويها؟ عجباتك هادي؟
اركان (حرك راسو باستنكار و هز كاسو شرب منو) : شنو ناوي دير ا ازاد؟ واش ما لقيتي ما دير خطفتيها؟ (ابتسم ابتسامة جانبية) شنو دارت؟
ازاد (تعصب مللي تفكر المنظر للي شاف و هدر بين سنانو) : لحقت عليها للفيلا فين جالسة و لقيت واحد *امل معنقها و طلع كيقرا معاها و الفيلا ديالو (شاف فيه معصب) ل*حبة جالسة فدارو و انا ما سايق خبار
اركان (ضحك عليه) : هههنه اياااياي عشت و شفت أزاد كيغير و معذب. ايوا زيد؟
ازاد (رجع كيشوف قدامو) : فرشخت ديلمو و هزيتها لهنا و سديت عليها
اركان (بتساؤل) : و هي جلسات ليك زعمة؟
ازاد (عقد حجبانو و شاف فيه) : هادشي للي ما تفهمش ليا.... جا داك الكلب هو و صاحبتها باش يرجعوها معاهم و كنت غنخرج نصفيها ليه و لكن هي حبساتني و خرجات هدرات معاهم و قنعاتهم باللي جالسة هنا بخاطرها.
اركان (تحنا عندو و عقد يديه) : ما عرفتيش علاش؟...حيت بكل بساطة رسمتي ليها صوورة خايبة عليك صورة وحش مسطي كيفرض عليها راسو و هي يالاه عرفااتو هادي سيمانة.
جاتك نورمال؟ هي دارت هكا حيت خافت على صحابها منك لا غير
ازاد (زفر بعدم ارتياح و مسح وجهو) : هادشي كلو قريب يسالي.... غدا غندير الحل لهادشي كامل
اركان (شاف فيه بتساؤل) : ياكما داكشي فاش كنفكر؟ هههه را الا درتيها ديك ساعة غنتاكد بللي طار ليك الفريخ...
ازاد (ضحك بشوية) : هااااديك 😉
اركان (حرك راسو بلا حول و لا قوة إلا بالله) : انا صافي هزيييت عليك يدي
ازاد : هز تا رجليك 😉
اركان : ههه ايوا من غيرو؟؟
ازاد : ديك ل*حبة للي قلت ليها حبسي عليها الدوا لقيتها مزال كتعطيه ليها
اركان (مصدوم) : واايلي؟ و باش عرفتيها؟
ازاد (تنهد) : البارح فاش خرجت انا وياها من الاوطيل جبتها لهنا حيت بدات كتخايل شي واحد عوتاني و بقات تغوت كانت غتحماق. من بعد ما قطعت معاك ما جانيش النعاس و بقيت كنفكر فهاد التخربيق و قلت مع راسي علاش تقت فيها بللي مغتبقاش تعطيها دوا؟ و حطيت فراسي احتمال تكون هازة معاها شي بواطة احتياط و داكشي للي كان. صيفط ليها الرجال هزوها على غفلة و جابوها لديبو و لقيت البواطة فجيبها. عطيتها لطبيب قلبها و لقاها ديال الهلوسة.
أركان : بنت ل*حبة (شاف فيه بتشكيك و ضحك) واقيلا غي نقول الله يرحمها هههه
ازاد (ترخا فالكرسي و غمض عينيه) : للي دار الذنب يستاهل العقوبة
اركان (هز كاسو و حرك راسو بالايجاب) : كاااينة ا سي الكينغ
ازاد (حل عينيه و شاف فيه و هو عاقد حجبانو) : ما شفتيش راسك طولتي الجلسة 😉 خاصني تا نقول ليك نوض تقود؟
اركان (هز كاسو كملو و ناض) : هاا هو غادي (دار باش يمشي و هو يتلفت عندو) اه نسيت... نيليا دارت هاد العشية كسيدة مقودة فالباركينغ
ازاد (تصدم) : واش حالتها خطيرة؟.
اركان (بحسرة) : فالانعاش ما عارفينش ايمتا تقدر تفيق
ازاد (تردد شوية و عاد سولو ببرود) : ارسلان فراسو؟
أركان (ابتسم) : تا نتا كنتي عارفو طايح على زنافرو؟
ازاد (باستهزاء) : ما يمكنش تفوتني حاجة بحال هادي 😉
اركان (بمزاح) : ويااااه ما يحس بالمضرور غي للي مضرور اكثر منو
ازاد (خنزر فيه و يالاه جا يدوي و هو يقاطعو)
اركان : عارف عارف نقود فحالي ياك؟
فيقو معايا شوية 😴😑 البارت الجاي عن 🐍
أنت تقرأ
🔥الصفحة 44🔥(مكتملة الجزء الاول)
Açãoمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
