//الصفحة 44// حرب الأسد و الثعبان
بقلمي انا 🖋️ : ياسمين الوراق
💝 بارت 155
💞💞
الحب......سيد الأحاسيس و مُروض القلوب
الحب هو أنك تلاقى واحد الشخص للي كيولي العالم بالنسبة ليك.
الحب هو ديك العلاقة للي كتبنى مع شخص غريب و كتخليه يولي احلى قريب.
الحب هو للي كيخلي سعادتك تولي متوقفة على سعادة الحبيب و منها تستمد طاقتك
الحب...... كيجي فالوقت للي عمرك تكون ضارب ليه حساب
💞💞
ابتسم ليها و بدون سابق إنذار تحنا على ركابيه و جبد بواطة من جيبو حلها باش يبان قدامها خاتم ألماس كيبري و وسطو جوهرة فالغوز و نطق بصوتو الرجولي و هو كيشوف فعينيها
ازاد : مدام جينا العراقي، تقبلي تزوجي بيا؟
جينا (واقفة مصدومة كتشوف فيه و لسانها تعقد) : هاه.. كيفاش؟؟ ما فهمتش...
ازاد (ابتسم ليها و شد يدها بكل حنية) : كي سمعتي.... واش باغا تكملي معايا بخاطرك؟..واش تبقاي مراتي بلاما تكوني خايفة مني؟
جينا : صدمتيني ما بقيت عارفة ما نقول....كلما كنقول قربت نفهمك كتزيد تلفني......قلبتي ليا حياتي بالمعقوووول ما بقيتش عارفة شكون أنا و لا شنو خاصني ندير.
نتا للي كتقرر و نتا للي كتحكم و انا غي تابعاك كي البهلة.
تزوجتيني بلا خباري، بغيتيني قبل ما نعرفك و دابا ههه الكينغ أزاد اللي كلشي كيهتز على سميتو راكع عند رجلي باش نكمل معاه حياتي. ما بقيت عارفة والو
أزاد (باسها يدها للي شاد) : خاصك تعرفي حاجة وحدة.... أنني كنبغيك
جينا : واش هادشي فنظرك كافي ؟
أزاد (بتساؤل): ما فهمتش
جينا (ابتاسمات ابتسامة خفيفة) : يعني نتا كتبغيني و ختاريتي باش نكون مراتك. و لكن نسيتي انك تسول واش انا باغاك تكون راجلي و لا واش كنبغيك.. هههه خديتي كولشي بالمقلوب و تلفتيني معاك
سكتات كترتب أفكارها و هزات راسها كتنهد بالشوية و هو جالس على ركبتو كيشوف فيها و كيتسناها تكمل و هو خايف من جوابها.
اه، خايف و لأول مرة.....حيت موالف ديما يشوف جينا السكوتية المطيعة للي غي غادا مكًدمة و للي جا يسيرها على هواه.
و لكن هاد المرة لا، مللي الموضوع وصل لحياتها وقفات و قالت سطوووب تا انا عندي كلام آخر.
بقات سااااكتة شحااال و هي معلية راسها فالسما ساااهية مخلياه كيتشوا على ناااار تقيييلة و ريني مخبعة مور واحد الخامية كطل عليهم تا هبطات جينا راسها و شافت فيه مبتسمة و نطقات بكلمة وحدة.... الكلمة للي خلات كل شعرة فيه توقف و قلبو يتهز
جينا (بصوت حنين) : قاابلة
أزاد (مصدوم) : شنو قلتي؟؟
جينا (حشمات و حناكها تزنكًو و هبطات راسها و قالت بهمس) : قلت ليك قابلة
أنت تقرأ
🔥الصفحة 44🔥(مكتملة الجزء الاول)
Açãoمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
