🔥الصفحة 44🔥(مكتملة الجزء الاول)

part124

//الصفحة 44// حرب الأسد 🦁 و الثعبان 🐍
بقلمي أنا 🖋️ : ياسمين الوراق
💝 بارت 124

اما فالفيلا عند

الكوبل ديالنا للي صبحو خااامرين بحال الا ضاربهم الزهراوي كانت مخشية فيه بحال المشة.

وجهها مخشي فصدرو و حاطة رجليها على رجليه، و تا هو كان معنقها من خصرها مخبيها.

بدات الشمس كطلع و الاشعة ديالها كيتسلتو للبيت و ضربو فعينيها، الشيئ للي خلاها تفيق من نعاسها و تبدا تحل عويناتها بالشوية و تحكهم بظهر يديها.

مع حلاتهم و هي تصدم، فاش لقات راسها ناعسة هي و أزاد فنفس الفراش و مخشية وسط منو مكيفرقهم وااالو و تا من انفاسهم تخالطو.

تزنكات و حناكها بغاو يطرطقو بالحمورية، كيفاش واحد يالاه عرفاتو صدقات مشاركة معاه نفس الفراش و يا عالم شنو ممكن يكون دار فيها و هي ناعسة.

هزات عينيها فيه بالشوية و بلاما تحس لقات راسها ساهية فيه، كتشوف داك الشعر الكحل الرطيطب، الرموش الكبار للي كيتشابكو فاش كيسد عينيه، فمو الحمر كي الكرز و تشهاي تبقاي تبوسيه. اما اللحية خلاص، كانت مقادة بحال الا مصوبها ليه فنان تشكيلي.

بلاما تشعر مدات يديها بالشوية و حطاتها على حنكو كتلمس فيه بالشوية و كدوزها على لحيتو للي كانت قوية.

تا كتقفز  مللي بدا كيتحرك و هي تهرب يدها دغيا و تكمشات فبلاصتها باغا تنوض و لكن ما لقات كي دير.

و ما هي إلا ثواني قليلة تا قفزات على اثر يديه للي جروها من خصرها بالشوية تا ولات ملاصقة معاه و نطق بصوت ناعس و عينيه باقين مغمضين مع ابتسامة على وجهو

أزاد : كملي شنو كنتي كديري

جينا (تزنكات) : 😳

تعليقاتكم مزااال الكمالة