//الصفحة 44//
🌷بارت 13🌷
اما فمدينة طنجة، جينا و داليا على اتم استعداد من أجل الاحتفال هاد الليلة فالمدينة الحمراء و معولين على الحيحة و الزدحة تال الصباح. الا ناقصهم شي حاجة فهي زهيير اللي غيوصلهم بطوموبيلتو.
داليا لبسات صاية مقزبة فالاحمر مبينة ليها طرماحتها اللي مبومبية كي البالون ولابسة تريكو ميني فونتر بلا كمام فالكحل معري النص فصدرها و لابسة فرجليها صندالة طالون حمرة و حاطة حداها فيست فالكحل باش تلبسها فالطريق.
اما جينا، لبسات كسوة قصيرة فالكحل (الصورة) و دارت معاها ماكياج دخاني و عكر احمر جا مواتي مع بشرتها البيضاء كي الثلج، و شعرها البرتقالي الطويل صوباتو و خلاتو مموج شوية و لاحتو على الجنب الشيئ للي عطاها مظهر قتااال و باينة لليلة الطايح أكثر من النايض.
جينا (كتشوف راسها فالمرايا) : اجي ما جاتكش هاد الكسوة معيقة شوية؟
داليا (بتهكم) : لواه الزعتر.... واش شفتي راسك كي طلعتي و لا لا؟ راك جيتي سوووو سكسي بايبي... اليوم تلقاي حبيب القلب
جينا : اشمن اشمن، داكشي اللي بقا خاصني
داليا : اممممم تيقتك، لقيتيه تا تصوري معاه يشويني فيك
ترررررررررررن 🔔🔔🔔 ترررررررررررن
جينا : هادا زهير وقيلا
داليا : انا نهبط نشوفو، هزي حوايجك و تبعيني
جينا : اوكييي
خلات داليا جينا فبيتها و هبطات كتجري باش تستقبل زهير، اللي ما كانش أقل أناقة منهم. كان لابس سروال كلاص فالزرق سماوي فاااتح و قاميجة بيضة محلولة و فيست فنفس لون السروال و صباط ماغون.
زهير : هيييلو جيلرز.... واجدات ؟
داليا : يسسسس بايبي 😍
زهير (كيقلب بعينيه) : فين جينا ؟
داليا : امممم 😏 كون قلتي شي كلمة اخرى كنت غنتعجب... ما قلتي ليا تا باللي جيت زويينة
زهير (جرها من حنكها) : نتي اللي ضيعتي فرصتك ا بب 😉 ماكنتش مقنعك بوحدي عزيز عليك تنوعي(زاد فاتجاه الدروج)
داليا (بتهكم) : هاديك اللي ساكنة قلبك ما دايراكش فبالها نهااائيا
زهير (دار عندها) : خرجي منها ا داليا 😒
داليا ما جاوباتوش غي هزات ليه يدها بمعنى هانا خارجة من اللعبة 🙆♀️
جينا (هابطة فالدروج) : هانا جيييت
تلفت زهير موراه و بقا حال فمو فهاد الاميرة، هاد بياض الثلج اللي خطفات قلبو... قرب منها بشوية و هو باقي تحت تأثير الصدمة و بدا كيضور فيها و كيصفر
زهيير : ويلي ويلي على التيتييز 😍 فين كنتي مخبعة هاد شي كامل
جينا : صافي براكة حشمتيييني 🙈🙈
داليا (تقرصات) : واش غنبقاو هنا؟ يالاه را تابعنا الطريق طويييلة
زهير (عنقهم بزوج) : يالااااه الزهوووو يناديييييي
*****
شدو بثلاثة بيهم الطريق لمراكش فطوموبيل الرياضية ديال زهير للي باللون الأصفر و هو مكسيييري و البنات محيحاات و طالقين الموسيقى ديال الزدحة على الجهد. فاش قربو الدخلة لمراكش نطقات داليا
داليا : هههه يالاه ا جينا التحدي كيتسنا
جينا : لا و تقووولي 😒 هادا ما لعب ما تا وزة
زهير : ههه جينا ما تهربييش خاصك ديريه، اول طوموبيل غنختارو غادي يخصك تخرجي راسك من الشرجم و تقولي ليه التيتيز كنبغيييك 😂😂
جينا : لاواه الزعتر 😠 لا هي لا
داليا : صافي دابا الأغلبية حكمات، شوفي شوفي (نعتات ليها بيدها) ديك الشركة الكبييرة خارجة منها فيراري يا بنت العبد... صافي هادا هو الفريسة ياك ا زهير
زهير (كضحك) : صافي معاااك... هانا غنكسيري باش نوصل عليها و ديك ساعة ا طوا دو جوي ا جيجي 😉
جينا : تفوووو خارجة مع البراااهش 😒😒
من بعد ما استسلمت جينا التحدي ديال صحابها بقا زهير مكسيري تا قرب من الطوموبيل الكحلة و قال فنفس الوقت مع داليا
يالاه جينا Goooooooooo
أنت تقرأ
🔥الصفحة 44🔥(مكتملة الجزء الاول)
Actionمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
