🔥الصفحة 44🔥(مكتملة الجزء الاول)

part39

//الصفحة 44//
📝الكاتبة ياسمين الوراق
🌷بارت 39🌷

💐💐اغااااااار عليها
💐💐 اغار عليها من فم المتكلم
💐💐اغار عليها من ثيابها إذا لبستها فوق جسم منعم
💐💐اغار عليها من أبيها وامها إذا حذثاها بالكلام المغمغم
💐💐وأحسد كاسات تقبل ثغرها إذا وضعتها موضع اللثم بالفم

أركان (كيضحك و ساخط فنفس الوقت) : ههه و الله ما عرفت نضحك على راسي و لا نضحك عليك. (بتهكم) قال ليك باغي ينتاقم منها. شو غي مللي سلمت عليها اش طرا ليك (شاف فعينيه نيشان و متعمد يستفزو) عرفتي هادشي للي واقع ليك شنو سميتو؟ الغييييرة
أزاد (جلس فكرسيه و دار ابتسامة استهزاء) : الغيرة؟ و علامن؟ ديك البرهوشة؟ راك كتحلم. انا حرقتك حيت هاديك كلبة ديالي انا. غتكون عبدة عندي انا و بس، عند أزاد العراقي للي من غيرو تا واحد ما يقدر يقيسها. ديك اليد خاصها تبقا نقية تا نعذبها و نخليها تشنق راسها بيها.
أركان (مربع يديه و كيشوف فيه) : امممم ازاد،  تقدر ضحك على كوووولشي الا عشيرك. فييق، را هادشي للي نتا فيه ماشي حالة واحد باغي ينتقم. هادا للي فيك حب، عشق، هوس ضاربك كي الجن الكحل و ما سايق ليه خبار. و الا علاش خليتيني نحطها فالايكيب ديال سيبال و ماشي شي حد آخر. انا نقول ليك، حيت بكل بساطة مستحيل تخايلها مع راجل آخر قدامك.
أزاد (خنزر فيه) : نتا بان ليا ماشي خاصك إلى يحرقك، خاص للي يهرس ليك داك الوجه (شار ليه جيهة الباب) يالاه شرييه حسن ليك.
أركان (ضحك عليه) : هااا هوا غادي ا سي الكينغ
خرج أركان و خلا أزاد جالس كيفكر فهاد الحالة للي وصلاتو ليها. كيحاول و يتقاتل باش يخرجها من دماغو و لكن صورتها ديييما قدام عينيه. شعرها البرتقالي للي كي الحرير، عينيها الزرقين الكبار للي كيخليوه تاااالف فيهم، و لا شفايفها الممتلئين و الحمرين كي حبة كرز كتخليه يتشهى يكونو ليه بوحدو. شكلها، شخصيتها، تصرفاتها الصبيانية، كولشي كيخليه يحني الراس و يعلن الهزيمة بلا ما يحس.
و لكن واش صافي؟ الحرب سالات؟ هه لا لا مزااال.
حيت إذا كانت هي فولاذ فهو النار
و الا كانت هي اللبؤة فهو الأسد ملك الغابة و صااااحب القرار.
من جهة أخرى، دارت جينا داكشي للي قال ليها أركان و نزلات لطبقة فين كيخدمو مهندسي الديكور.
كان طابق مختلف على للي سبق ليها شافتهم، هدا كانت صباغتو فيها الألوان الصاخبة مخلطة مع بعضياتها و عاطية رونق شبابي زوين مع الرسومات الكبيرة و التصاور للي معلقين فالحيوط. و  البيروات كانو open space يعني مفتوحين على بعضياتهم و شي جالس حدا شي و الحركة نااايضة ها اللي غادي ها اللي جاي ها للي كيهدر فتلفون ها للي داير اجتماع صغير و ها للي كيرسم و يخطط.
بقات واقفة وسطهم تالفة تا بان ليها واحد الولد كيهدر بالغوات و باينة كيعطي الأوامر.
قربات منو بشوية و هي كتحاول تأكد واش ولد فعلا ولا بنت مع داك الشعر الطويل المصبوغ بالموف و الحلقات فالودنين و الحويج للي لاصقين عليه تا كيبينو طرمتو للي كيلوز بيها و هو كيهدر.
وصلت حداه و نطقات كالعادة بنبرتها الراقية
جينا : احم... بونجوغ
(تلفت و نطق بعجرفة انثوية) : وي، بونجوغ. شكون نتي ؟
جينا : احم. انا سطاجير جديدة. واش تقدر تقول ليا فين نلقا مدام سيبال؟
(ضحك بالجهد) هههه شناااااهوا.... مدام سيبال؟ شوفي الحبيبة فهاد شركة كاين سيبال وحدة (غمزها) و للي هيا، انا شاف المهندسين سيبال سميث
جينا : هاااااه 😳😳 نتي؟ سمحلي بغيت نقول نتا؟
سيبال (خنزر فيها) : وي انا. شنوو؟ معجبتكش؟؟؟
جينا : هاه.... احم لا لا
سيبال : اممم مزيان 😏 تبعيني