//الصفحة 44// حرب الأسد و الثعبان
بقلمي أنا 🖋️ : ياسمين الوراق
💝 بارت 125
🍂 هي زوجتي 🍂
طفلتي الحلوة التي أحبها القلب قبل العين
حبيبتي المراهقة التي اشتاقت إليها الروح
رفيقة دربي التي انتظرها العقل كي نلتحق بقطار الحياة
زوجتي....... نعم هي صارت زوجتي و شريكة العمر
أمام الملأ و بين بيننا....هي زوجتي 🍂🍂
أزاد (سمع الصوت على برا) : قطع تا نعاود نعيط ليك
أركان : اوكي
قطع معاه التلفون و خرج باش يشوف شنو للي طاح، تا كيلقاها واقفة مصدومة كترجف و عينيها مدمعين و تلفونها مشخشخ فالارض.
أزاد (معلي فيها حاجبو) : مالك؟..
جينا (كترعد و كتفرك صبعانها) : نتاا... سمعتك
أزاد (تصدم و كيدعي ما يكونش للي فبالو بصح و تقدم لعندها) : شنو سمعتي؟؟
جينا (كترجع باللور مبعدة عليه) : قلتي ليه العقد، قلت ليه بللي انا مراتك (تزدحات مع الحيط و وقفات) جاوبني عافاك را قلبي غيسكت
أزاد (قرب منها و بغا يشدها) : تهدني باش نعرف نهدر معاك
جينا (حيدات ليه يديه و غوتات عليه) : ما تقربش ليااااا...جاوب على سؤالي 😭 كيفاش أنا مراتك؟؟ (كتمسح عينيها) كنتي كتفلا و باغي غي تخلعني ياك؟؟
أزاد (تنهد و مسح ليها دموعها) : شووووو.... شحال من مرة كنقول ليك هاد العوينات ما نشوفش فيهم الدموع؟
جينا (عصبها) : و نتا مالك نبكي و لا نموت؟؟ فين كتعرفني أصلا؟؟ عرفتك غي سيمانة قلبتي ليا حياتي. كون حسابليا غنجي لمراكش و نتلاقاك كون فضلت نموت و لا نجي
أزاد (صعر و شدها من عنقها) : عمرك تجبدي الموت على فمك سمعتي؟؟ (شافها حمارت و عينيها تغرغرو و طلق منها) كنبغي نبقى معاك مزيان و لكن كتخرجيني على طوعي ا جينا (طلقها)
جينا (طاحت للارض كتحرك راسها باستنكار) : واش نتا طبيعي؟؟ غي جاوبني عافاك حيت غادي نحماق
أزاد (هبط لعندها و همس ليها فودنها) : الا كان عشقك مرض فانا مريييض... الا كان هوسي بيك غير طبيعي فأنا ماشي طبيعي (بعد و شاف ليها فعينيها) نتي ديالي.... من نهارك ديالي و للي يفكر يهز فيك عينيه نحيه
جينا (جامعة رجليها و كتشهق) : كنخاف منك بزاف
أزاد (كلامها جرحو و حاول ما يبينش و نطق بصوت حنين) : علاش تخافي مني؟
جينا (شافت ليه فعينيه) : كيفاش أنا مراتك؟؟ اشمن عقد كنتي كتهدر عليه؟
أزاد (تنهد و جرها من يدها بالشوية) : نوضي من الأرض بعدا و نتفاهمو...(بقات جالسة و هو يهدر بتعب) كوني تسمعي الهدرة ا جينا
نوضها من الأرض و جرها معاه تال ناموسية جلسها فالقنت و جلس هو جلسة القرفصاء عند رجليها و حط يديه على ركابيها
أزاد (شاف ليها فعينيها) : احم... عقلتي نهار جيتي للشركة أول مرة؟
جينا (حركات راسها بالايجاب)
أزاد (تنهد) : داك النهار تلاقيتي اركان المساعد ديالي و عطاك واحد الكونطرا و طلب منك تهبطيه لسيبال
🔙🔙🔙
من بعد ما هبطات جينا خرج اركان من البيرو كيحك الحرقة للي دار ليه ازاد و كيضحك عليه. جبد التلفون من جيبو و عيط لسيبال
سيبال (بميوعة) : الووووو
اركان : سيبال.. البنت هابطة عندك و غتعطيك الكونطرا. بغيتك قبل ما تسينيه تخشي وسطو الورقة للي عطيتك بلاما تعيق.
عنداااك تخليها تشوفها مللي تكون كتسيني
سيبال : نو نو كون هااااني
أركان : عرفتي ا سيبال الا عاقت بيك و لا مشيتي عاودتي هادشي ل شي واحد غي ترحم على راسك راك عارف شنو يتسناك بلاما نقول ليك
سيبال (باستهزاء) : على اساس انا عرفت نقرا دوك الطلاميس للي عطيتيني 😒 الورقة كلها بالعربية ما عرفت نقرا فيه تا حرف
اركان (ضحك) : هههه داكشي علاش اختاريك لهاد المهمة 😉 يالاه تلاح (قطع عليه)
***** بعد نصف سااااعة ****
أنت تقرأ
🔥الصفحة 44🔥(مكتملة الجزء الاول)
Acciónمجددا رواية ❄️الصفحة 44 ❄️ على شاشة مختلف اللهجات و بقلم ياسمين الوراق بدون تقديمات مطولة و شعارات فارغة لانه القصة صدى ديالها وصل للي قراوها وو للي ما قراوهاش و قررت نزلها مجددا باش تكون فرصة يتعرفو عليها البنات كاملين قبل ما ينزل ال...
