أرويني بدماء جحيمك [Quench me with the blood of your hell]

𝑃𝐴𝑅𝑇❀132

🩸أࢪوينـــــــي بدمــــ♡ـــاءِ جحيـــــــمكَ🩸

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀132

••قبل ساعة••

العقرب من بعد ما كمل مكالمتو مع لمياء، حط تيليفونو فالكوسان لي جنبو و ديمارا الاوطو راجع للڤيلا ديالو، و يالاه تحرك امتار قليلة و هو يجيه اتصال خلاه يهز التيلي و يشوف شكون المتصل، و غير قرا اسمو جاوب فالبلاصة ناطق بإنفعال...

العقرب: اش باغي؟

زياد(بفضول): قضيتو الغرض؟

العقرب: الغرض تقضى

زياد(بحيرة): اجي واش داك الز ا م ل د دياڤلو غابر غا هنا نيت فروما؟

العقرب: ما نعرف ياك تما فين وقفات الطوموبيل؟

زياد: ايييه...غا هو راه ما كايناش ساعة د الطريق..

العقرب(عقد حواجبو): شنو زعما؟

زياد: راه انا لي كانسولك..

العقرب: ما عرفت ا ز بي...حيد فحالك نشوف البلان...

قطع عليه و فالبلاصة قلب الڤولون متوجه للعنوان لي صيفط للمياء.

أما فالوقت الحالي، كانت هاد الأخيرة واقفة فبلاصتها جامدة و غير عيونها لي كي تحركو و هما كي دورو على دوك الرجال لي محاوطينها من كل مكان، حسبات عدد دوك لي قدامها كانو خمسة، في حين الاخرين لي وراها حسباتهم غير من خلال الضل ديالهم لي على الارض و لي تعكس من خلال ضوء القمر ، كانو حتى هما خمسة و فالمجموع كانو عشرة رجال...

عددهم الكبير خلاها تزير على يديها بحسرة و ندم من بعد ما تفكرات بلي سلاحها خلاتو فالطوموبيل، و باش تواجه هاد العدد كامل و بدون اي سلاح فراه شبه مستحيل خاصة انها حاملة...

باغا تقا تل على قبل الأجنة ديالها لكن فكرة الاستسلام بدات كاتبادر لذهنها، في حين دوك الرجال بقاو واقفين فبلايصهم هازين عليها الفرادة و كي تسناو فالأمر يتعطى ليهم من طرف شخص اخر كان فمكان بعيد عليهم...

{الحوار بالايطالية}

واحد من الرجال ضغط على السماعات لي فوذنو و نطق بتساؤل: شنو نديرو؟