أرويني بدماء جحيمك [Quench me with the blood of your hell]

𝑃𝐴𝑅𝑇❀131

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀131

أليس بتاسمات ملي عرفات راسها وصلات لشنو بغات، ليلة جامحة مع حب حياتها هو حلم لطالما حلمات بين و ها هو أخيراً غادي يتحقق، عضات شفايفها بإثارة و هي كاتناظر ملامحو الباردة لحظات و زادت وسعات ابتسامتها اكثر ملي حط يديه على عنقها كي تحسس بشرتها ، لكن من بعد ثواني قليلة بدات ديك الابتسامة كاتلاشى ملي لمحات علامات الغضب على وجهو، شوية و هي توسع عيونها ملي خنـ ـقها بيديه مزير عليها حتى شهقات بصدمة...

أليس(بكلمات متقطعة قالت): دياڤولو...

ساجد(بلكنة غاضبة قال): بنت القحـ ــبة...فرحانة...عند بالك وصلتي لشنو بغيتي...

أليس(مدات يديها شدات فالتريكو ديالو): غانتخـ ـنق...

ساجد(زير عليها اكثر و العروق من جبينو بارزين من شدة غضبه): هادشي لاش فارعة ليا كـ ري بشرب معايا؟(هز اليد الثانية و جمع معاها للحنك حتى تأوهات بألم)دايرا كـ رك ما عارفانيش مزوج...

أليس(قالت و وجهها مزنگ كأنه محقون بالد.م): سـ سمح ليا...

ساجد(بإمتعاض نطق من تحت سنانو): شحال من مرة وصيتك ما ترجعيش لعندي؟(زير عليها اكثر حتى رجعو عيونها حمرين)

أليس إستسلمت لواقعها و حدرات يديها كاتسنا فروحها تفارق جسدها، ترخات كليا و الدموع من عيونها سيالة، العيون لي بقات مركزاهم على عيونو الغاضبة و هو خا نقها بقوة ما ناويش يرحم روحها، فالأصل من اللحظة لي شاف حوايجها لي بدلاتهم و الطبلة لي جهزاتها كان فاهم شنو خطتها و قرر يسايرها فيها حتى يتأكد من شكوكه لي طلعو صحاح...

بقا هاكداك مزير عليها حتى هاجماتو ديك الذكرى لي فيها كانت حياتو على محك و هي بدون تردد ضحات براسها على قبلو و نقذات روحو من المو ت، هنا فك ملامحه و ازال الغضب عن قلبه، طلق منها و ناض من فوقها في حين هي بمجرد ما حيد يديه من على عنقها شهقات شهقة عميقة و تگعدات فجلستها كاتكحب و تتنفس بهيستيرية...

ساجد(دوز على وجهو بيديه كي حاول يهدن راسو و نطق بنبرة آمرة رافضة للنقاش): تهزي قو دي فحالك...

أليس جلسات للأرض كاتشهق و تبكي بحرقة حاسة بالحگرة و الظلم من طرف الشخص لي عطاتو قلبها و فلحظة قرر يقتـ  لها كأن شيئاً لم يكن، في حين هو غير سمع صوت بكاءها خنزر فيها و قرب ليها شدها من دراعها وقفها...