[Completed] The Breakers Corazon Sociedad Series Batch 1 Book 5: Raffy Choi

Chapter 20.3

ILANG linggo ang lumipas…
Hindi umaalis si Arrhea sa tabi ni Raffy ng matagal – umaalis lang siya kapag uuwi siya sa apartment niya para magpalit ng damit. Binitawan niya na rin ang role niya sa drama. Hindi niya na kaya pang patuloy na magtrabaho habang hindi pa rin nagkakamalay si Raffy.
Napatingin siya kay Matthew nang pumasok ito para palitan ang dextrose ni Raffy. Bahagya siya nitong tinanguhan bago tumuloy sa ginagawa.
“Magigising din siya,” wika nito pagkatapos. “His vitals are doing well these past few days. Patuloy mo lang siyang kausapin.”
Ngumiti siya at nagpasalamat dito. Muli niyang tinitigan si Raffy. Alam niyang lalaban ito para sa kanya. Hindi siya nito iiwan ng ganon-ganon na lang.