Unicode
System created💜8💜
"အင်း...."
"ဟုတ်တယ် အဲ့တာသခင်မရင်မင်လန်ပဲ"လဲ့ကျီဆီက အတည်ပြုသံကြားသောအခါမှ မေနန်းဟွား ထိုမိန်းကလေးထံ ရဲရဲဝံ့ဝံ့လျှောက်သွားရဲတော့သည်။ ပထမဆုံးသော အတွေ့အကြုံမလို့ ဘာတွေဖြစ်လာမလဲ သူမသိနိုင်ပေ။ သို့အတွက် သူ့ဘက်ကလည်း သတိထားရမည်။
"ဒီက..... သခင်မရင်မင်လန်လား"
"ဟင်....."
မိန်းကလေးထံမှ အံ့သြသွားတဲ့ အသံတစ်သံထွက်ပေါ်လာပြီး သူ့ဘက်ကို ချက်ချင်းပင် လှည့်ကြည့်လာသည်။ မတိုင်ခင်က သူမသည် ထိန်ထိန်သာနေသော လမင်းကိုငေးကြည့်နေတာဖြစ်၍ မေနန်းဟွားရောက်လာတာကို သတိမထားမိဘဲ ဖြစ်နေသည်။
သူမကဂါဝန်လေးကိုမလျက် အလွန်နူးညံ့သိမ်မွေ့စွာ ထလာ၏။ အံ့သြနေသော သူမရဲ့မျက်လုံးတွေက မေနန်းဟွားကို စူးစိုက်ကာကြည့်နေဆဲ ဖြစ်လေသည်။
"ရှင်က....."
"မင်းတကယ် အသက်ရှင်သေးတာပဲ""ကျွန်မကို လာကယ်တာလား.... ယောင်း လွှတ်လိုက်တာလား"
"မိန်းကလေး စိတ်အေးအေးထားပါ... ဒီနေရာက ဘယ်နေရာလဲ မင်းသိလား""မသိဘူး..... ဒါက ယောင်းအိမ်တော်ဆိုတာ သိပေမယ့် ဒီနေရာက မတူသလိုပဲ"
"ဟုတ်တယ်.... မင်းကသေချိန်မတန်သေးဘဲ သေခဲ့လို့ မင်းဝိညာဥ်က ဝိညာဥ်လောကထဲမှာ လွင့်မျောနေတာ ပြီးတော့ မင်းကယောင်းအိမ်တော်ကို စိတ်စွဲနေလို့ မင်းရဲ့ဝိညာဥ်လောကက ယောင်းအိမ်တော်ဖြစ်နေတာ"မိန်းကလေးသည် မေနန်းဟွားဆီကို ဂါဝန်လေးမလျက် ပြေးလာပြီး
"သခင်လေး.... ဒါဆိုကျွန်မက သေသွားတာလား မသေသေးတာလား"
"မသေသေးပါဘူး.... ""တကယ်လား.... တကယ်ပေါ့နော်"
သခင်ယောင်း၏ ဇနီးဖြစ်သူ ရင်မင်လန်သည် မေနန်းဟွားထံက မိမိဟာမသေသေးဘဲ လွင့်မျောဝိညာဥ်ဖြစ်နေကြောင်း သိရသောအခါ ပျော်ရွှင်မှုကြောင့် သူမမျက်ဝန်းတွေက မျက်ရည်တွေဝဲတက်လာသည်။ သူမရှိနေခဲ့တာ ဘယ်လောက်တောင် ကြာသွားပြီလဲ။
YOU ARE READING
System created (Completed)
Historical Fictionsystem ficလေးပါ အနေအေးတဲ့ မိဘမဲ့ဂေဟာမှူးလေး ဝတ္ထုကမ္ဘာထဲ ရောက်သွားသောအခါ (own creation) system ficေလးပါ အေနေအးတဲ့ မိဘမဲ့ေဂဟာမႉးေလး ဝတၳဳကမၻာထဲ ေရာက္သြားေသာအခါ (own creation)