Unicode
System created💜12💜
လဲ့ကျီက ဂရုမစိုက်သည့်ဟန်ဖြင့် မြင်း၏လည်ပင်းကိုသာ အသာပွတ်သပ်ပေးနေ၏။ လီချူး၏ ထပ်တွေ့ရမယ်ဟူသော စကားကို မေနန်းဟွား နားမလည်လိုက်ပေ။ သူ့မျက်နှာကိုကြည့်ကာ လီချူးက သဘောပေါက်သည့်ဟန်ဖြင့်။
"အာ နန်းဟွားမကြားသေးဘူး ထင်တယ်.... လေးနှစ်တစ်ကြိမ် ကျင်းပတဲ့ ဂိုဏ်းပေါင်းစုံ အစည်းအဝေးကြီး ရောက်လာတော့မှာလေ... ကိုယ်တို့က အဲ့ဒီပွဲအတွက် ပြင်ဆင်စရာတွေရှိလို့ လာကြတာ"
"အော် ဟုတ်ကဲ့ ""ကောင်းပါပြီ ဒါဆိုနောက်မှတွေ့မယ်နော်"
မေနန်းဟွားက ခေါင်းအသာညိတ်ပြလိုက်သည်။ လဲ့ကျီမှာတော့ မနက်ကတည်းက စကားစိပ်နေသော မေနန်းဟွားကို စိတ်ဆိုးချင်လာသည်။ ယောင်းအိမ်တော်ကနေ စထွက်ပြီး တည်းခိုခန်းဝင်၊ မြို့အပြင်ကို ရောက်လာတဲ့အထိ သူ့ကိုကျစကားမပြောဘူးလေ။
လီချူးနဲ့ကျ စကားတွေပြောနေသည်တဲ့။ သူစိတ်ဆိုးချင်သော်လည်း မေနန်းဟွား သူ့ကိုအလိုမရှိတော့မှာ ပိုကြောက်မိတာကြောင့် သူစိတ်ဆိုးနေတာတွေကို သူ့ဘာသာပဲ ဖြေသိမ့်လိုက်ရသည်။
သူက မြင်းပေါ်လွှားခနဲ ခုန်တက်လိုက်သည်။ အရင်အတိုင်း မေနန်းဟွားကို သူ့ရှေ့တွင် တင်၍ မြင်းကိုမနှေးမမြန်လွန်းသော အရှိန်ဖြင့် စတင်ထွက်ခွာခဲ့သည်။
("လဲ့ကျီ အသံတိတ်နေပါလား")
အမြဲစကားများနေတတ်တဲ့ လဲ့ကျီက ဒီနေ့သူ့ကို စကားမပြောဘူးလေ။
["ဇာတ်လိုက် စိတ်ဆိုးနေပါသည်"]
("ဟင်.... သူစိတ်ဆိုးတာ systemက ဘာကိစ္စနဲ့ သတိပေးနေတာလဲ")["ဇာတ်လိုက် စိတ်ကျေနပ်လျှင် လူကြီးမင်း၏ပွိုင့်များ ရရှိနိုင်ပါသည်"]
မေနန်းဟွား တွေးလိုက်သည်။
("ငါသူ့ကို စိတ်ကျေနပ်အောင် နေပေးရင်....သူ့ရဲ့နှစ်သက်မှုကိုရမယ် အဲ့တာဆိုရင် ငါ့ပွိုင့်တွေ တိုးလာမယ်ပေါ့")
သို့နှင့် သူ့ဘက်ကပဲ လဲ့ကျီကို စကားစပြောရန် စဥ်းစားလိုက်သည်။
YOU ARE READING
System created (Completed)
Historical Fictionsystem ficလေးပါ အနေအေးတဲ့ မိဘမဲ့ဂေဟာမှူးလေး ဝတ္ထုကမ္ဘာထဲ ရောက်သွားသောအခါ (own creation) system ficေလးပါ အေနေအးတဲ့ မိဘမဲ့ေဂဟာမႉးေလး ဝတၳဳကမၻာထဲ ေရာက္သြားေသာအခါ (own creation)