ဒုတိယအကြိမ်...လက်ထပ်ခြင်း

Ch- 19

အခန်း ၁၉

သူမပြောလိုက်တာတွေက အံ့သြစရာပါပဲ။ ယဲ့ရှန်းက သူက လူသတ်မှု သို့မဟုတ် မီးရှို့မှုကဲ့သို့ တစ်စုံတစ်ရာကို ပြုလုပ်ပြီး ဖော်ထုတ်ခံရလျှင်ပင် သူက တည်ငြိမ်နေနိုင်ပြီး မျက်တောင်မခတ်မိအောင်ထိန်းထားနိုင်ဆဲဖြစ်သည်။ ဒါပေမယ့် ဒီနေ့မှာတော့ သူ့လုပ်ရပ်တွေကို ကလေးမငယ်လေးက ထုတ်ဖော်ပြောကြားနိုင်ခဲ့ပြီး သူကို အရည်အချင်းမပြည့်ဝတော့ဘူးလို့ ခံစားရစေသည်။

သူ့ခံစားချက်တွေကို သူဘယ်လိုမှ ရှင်းမပြနိုင်တော့ဘဲ သူမ မျက်နှာတည့်တည့်ကိုသာ စိုက်ပြီး ကြည့်နေလိုက်သည်။

ရှောင်းယိုနဥ်က ခေါင်းမော့ပြီး သူ့အဖြေကို အကြာကြီးစောင့်နေခဲ့သည်။ သူမက သူ့ မျက်လုံးထဲက တစ်စက္ကန့်လောက် တောက်ပသွားတဲ့ အံ့အားသင့်မှုကို ဖမ်းမိလိုက်ပြီး သူမရဲ့နူးညံ့တဲ့ နှလုံးသားထဲက အစိတ်အပိုင်းသေးသေးလေးတစ်ခုကို တင်းတင်းကျပ်ကျပ် ဆုပ်ကိုင်လိုက်သလို ခံစားလိုက်ရသည်။

ကြည့်ပါဦး၊ ဒီတာအိုဘုန်းကြီးက အပြင်မှာ အေးစက်ပြီး အတွင်းထဲမှာ နွေးတဲ့ လူမျိုးပဲ။ သူမ တကယ်ကို မှန်ကန်စွာ မှန်းဆနိုင်ခဲ့တယ်။

ချန်လီက အဲ့အချိန်အတိုင်းအတာလောက်နဲ့ ဝန်ခံစကားတွေထွက်လာဖို့အတွက် ကောင်းမွန်တဲ့ အလုပ်တစ်ခုပြုလုပ်ဖို့ မဖြစ်နိုင်ပါဘူး။ တစ်ယောက်ယောက်က သူ့ကို ကူညီပေးပြီး အဲ့တာကို ဖုံးကွယ်ခိုင်းထားခဲ့သည်။ သူမ၏ လက်ရှိအခြေအနေတွင်၊ တာအိုဘုန်းကြီးမှလွဲ၍ သူမကို ကူညီနိုင်မည့်သူ မရှိပေ။

ထို့ကြောင့် သူမက ထိုအရာကို လျင်မြန်စွာ ဖော်ထုတ်နိုင်ခဲ့ပြီး သူ့ကို ပြောရန် အဆင်သင့်ဖြစ်နေခဲ့သည်။

ရှောင်းယိုနဥ်က သူ့မျက်နှာကို တချိန်လုံး မော့ကြည့်နေပြီး သူမရဲ့လည်ပင်းတောင် အနည်းငယ်နာလာသည်။ အဲ့အတွက်ကြောင့် ယဲ့ရှန်းက အနည်းငယ် အရပ်ရှည်ကြောင်း သူမကို နားလည်လာစေသည်။

သူက အမြဲတမ်း ရိုးရိုးရှင်းရှင်း ၀တ်စုံကို ၀တ်ဆင်ထားပြီး သူ့ပုံစံက ပေါ့ပါးနေပုံရသည်။ သူ၏ သွယ်လျသောရုပ်သွင်က အလွန်ပါးလွှာသောအသွင်ကို ဖြစ်ပေါ်စေသဖြင့် သူမက သူ၏ အရပ်အမှန်ကို လျစ်လျူရှုထားမိသည်။