အခန်း ၁၂ အပိုင်း ၂
စားပွဲသို့ ရောက်သောအခါ ရှောင်းဒုတိယသခင်ကြီး၏ အပြုံးက ပိုမိုတင်းမာလာသည်။ တကယ်ဆို သူ့ကိုယ်သူ ဓားနဲ့ထိုးသလို ခံစားရဖို့ သူ ဒီစကားတွေကို နားထောင်ဖို့ မလိုအပ်ဘူး။ သူ့ရင်ဘတ်တွင် မသက်မသာမှုက ကြီးထွားလာကာ ပျက်စီးဆုံးရှုံးမှုအတွက် ဇနီးဖြစ်သူအား တိတ်တဆိတ် ကျိန်ဆဲနေခဲ့သည်။
သူက ရှောင်းယိုနဥ်ကို တထုံသို့ အမှန်တကယ် စိတ်ရင်းမှန်ဖြင့် ပို့ပေးချင်ခဲ့သည်။ ရှောင်းမိသားစု၏ ပင်မအိမ်တော်နှင့် မည်သည့် အခြေအနေပင်ရှိစေကာမူ သူ့ဂုဏ်သိက္ခာအတွက် အရာရာကို လုပ်ဆောင်ခဲ့သည်။ သို့သော် ထိုမိုက်မဲသော အမျိုးသမီး၏ အမြင်ကျဉ်းမြောင်းမှုသည်... သူ့ကိစ္စများကို ပျက်ပြားစေခဲ့သည်။
ဒါကို အပြစ်မတင်ဘဲ သာမန်လူတွေက ကြိမ်းမောင်းတာကို ခနနဲ့ ရပ်တန့်စေပြီး သူ့ကို အပြစ်မတင်ဖို့ လိုသည်။
ယခု ရှောင်းယိုနဥ်၏ ကဲ့ရဲ့ရှုံ့ချမှုကို ရင်ဆိုင်ရသောအခါတွင် သူ့တွင် ရွေးချယ်စရာမရှိတော့ပေ။
ရှောင်းဒုတိယသခင်ကြီးက အရာရှိတစ်ဦးဖြစ်နေဆဲပင်။ ကလေးမလေးရဲ့ ဒီလိုစကားမတွေမဆိုထားနဲ့ သူက ဘယ်လိုကြမ်းတမ်းမှုမျိုးကိုမှ မကြုံတွေ့ခဲ့ဖူးဘူး။ သူက သူ့ဂုဏ်သတင်းအတွက်သာ ဒီကိုရောက်လာပြီး သူ့ကိုယ်သူ ကယ်တင်ဖို့ ဘာလုပ်ရမယ်ဆိုတာ သူ အတိအကျသိသည်။ တင်းမာနေသော သူ့မျက်နှာက သာယာသော အပြုံးအဖြစ်သို့ ချက်ချင်း ပြောင်းလဲသွားသည်။
"ယိုနဥ်၊ ဒုတိယဦးလေးက မင်း တထုံကို ခရီးရှည်သွားရင် ဒီအချိန်က မလုံခြုံဘူးလို့ တွေးမိတယ်။ အခု မသွားရင်လဲ အရေးမကြီးပါဘူး။ ဒုတိယဦးလေးက မင်းအတွက် ခြံဝန်းကျယ်ကြီး တစ်ခု ပြင်ဆင်ထားပေးတယ်။ မင်းအဲဒီမှာ အရင်နေနိုင်ပြီး ဒုတိယဦးလေးက မင်းအဖေနဲ့အစ်ကိုအကြောင်း ဆက်စုံစမ်းပေးမယ်"
ရှောင်းယိုနဥ်ရှေ့ရှိ ရှောင်းဒုတိယသခင်ကြီးက နူးညံ့တဲ့လေသံနဲ့ ပြောနေပြီး သူ့အကြည့်တွေမှာ ချစ်ခင်မှုတွေနဲ့ ပြည့်နေသည်။
ရှောင်းယိုနဥ်သည် ခပ်ဖျော့ဖျော့ ပြုံးကာ နားထောင်နေသည်။ အရှက်အကြောက်မရှိတဲ့လူတွေက အတုအယောင် စွမ်းဆောင်မှုတွေကို အမှန်တရားအဖြစ် ပြောင်းလဲနိုင်တယ်လို့ သူမ ခံစားခဲ့ရသည်။
YOU ARE READING
ဒုတိယအကြိမ်...လက်ထပ်ခြင်း
Historical FictionMyanmar Translation of China Web-Novel "Second Marriage" English Title : Second Marriage Original Authors : 喵蓝 English Translators : https://www.novelupdates.com/group/wordrain/ Episode : 66...