ဒုတိယအကြိမ်...လက်ထပ်ခြင်း

Ch- 4.3

အခန်း ၄ အပိုင်း ၃

ရှောင်းယိုနဥ်က ယွမ်ကော် လက်ဆေးရန် လှည့်ထွက်သွားသည်ကို မြင်လိုက်ရပြီး သူမက ရင်တွင်းမှလာသော ထိတ်လန့်တုန်လှုပ်ချောက်ချားမှုအချို့ဖြင့် မေးလိုက်သည်။ "အဲ့ဒါကို အဝေးကို လွှင့်ပစ်ခဲ့လိုက်လား? နောက်တခါ ပြန်တွားသွားလာဖို့ မဖြစ်နိုင်တော့ဘူးမလား ဟုတ်တယ်မလား?"

ယွမ်ကော်က ပြုံးလိုက်ပြီး "ဟုတ်တယ် မလာတော့ဘူး၊ ကျွန်မက သခင်မလေးရဲ့ ခြေထောက်ကို ဖက်ထားပေးမယ်၊ မကြောက်နဲ့တော့နော် ပြန်အိပ်လို့ရပါပြီ"

ထိုအချိန်တွင် ရုတ်တရက် ဘေးခန်းမှ ကျယ်လောင်စွာ ကျိန်ဆဲလိုက်သော အသံကို ကြားလိုက်ရပြီး နံရံခြားနေသော်လည်း ထိုအသံက စူးရှပြီး ကြည်လင်နေသည်။ နောက်တော့ ခြေနင်းသံများ၊ လိုက်သံများ၊ အော်သံများ၊ တစ်ခုခု ပြုတ်ကျသံများ ထွက်ပေါ်လာသည်။

ရှောင်းယိုနဥ်က တစ်ဖက်မှနံရံကို စိုက်ကြည့်နေကာ အိပ်ရေးပျက်နေပြီဖြစ်သော သူမ၏မျက်လုံးများကို မှိတ်ချထားလိုက်သည်။ "အဲဒီကြွက်က ဘေးနားကအခန်းကို ပြေးသွားတာလား?"

ယွမ်ကော်က ဆီမီးခွက်ကို ကိုင်ကာ ကုတင်ဘေးကို သယ်ဆောင်လာပြီး ဝမ်းသာအားရ ပြုံးနေရင်း "အဲဒါကို စိတ်မပူပါနဲ့၊ ဘာပဲဖြစ်ဖြစ် ကြွက်က ကျွန်မတို့ဆီကို ပြန်မလာတော့ရင်ကို ကောင်းနေပါပြီ"

ရန်သူကို ကလဲ့စားချေလိုက်ရခြင်းက ခေါင်းကနေ ခြေဖျားအထိ လုံးလုံးလျားလျား ပေါ့ပါးသွားစေတယ်။

ယဲ့ရှန်းက ကျန့်ယင်ကို အဝတ်စင် ဘက်သို့ တွန်းလွှတ်လိုက်ပြီးနောက် နောက်ဆုံးတွင် ကောင်းကင်မှ ပြုတ်ကျလာသော ကြွက်က ကျင့်ယင်၏မျက်နှာပေါ်သို့ ကျလာကာ နေရာတိုင်းကို ပြေးရန် ကြိုးစားနေသည်။ ထိုနောက် သူက ကြွက်ကို ချက်ခြင်း ဖမ်းလိုက်ပြီး ကြွက်ကို လက်ထဲတွင် မြင့်မြင့် ကိုင်ထားကာ ပြတင်းပေါက်ကို ဖွင့်ပြီး အပြင်ကို လွှင့်ပစ်လိုက်သည်။ ထို့နောက် ယဲ့ရှန်း၏ ဓားနှင့်တူသော အကြည့်အောက်တွင် ပြတင်းပေါက်ကို ပိတ်လိုက်သည်။

"သခင်လေး၊ ဒီကြွက်ကို ဘေးခန်းက လှမ်းပစ်လိုက်တာ" ကျန့်ယင်က သူ့ဓားကို တင်းတင်းဆုပ်လိုက်ပြီး ငြင်းခုံရန် လွန်စွာ သွေးစာနေသည်။