အခန်း ၆၀
ဝေလမင်းသားက ပြင်ပလူတစ်ဦးဖြစ်သောကြောင့် ရှောင်းယိုနဥ်က သူ့ထံသွားရန် မလိုအပ်ပေ။ ဒါပေမယ့် ကံမကောင်းစွာပဲနဲ့ သူက တိုင်းတပါးမှ မင်းသားတစ်ပါးဖြစ်ပြီး သူတို့ကနိုင်ငံများအကြား သံတမန်ဆက်ဆံရေးထူထောင်ရန် ကြိုးပမ်းဖို့ ရောက်လာခဲ့ခြင်း ဖြစ်သည်။ သူ၏ဝိသေသလက္ခဏာသည် မှူးမတ် ၏သမီးဖြစ်သော သူမ၏ဝိသေသလက္ခဏာထက် ပိုအရေးကြီးသည်။ အကယ်၍ သူမက သူ့ကို သွားပြီး မနှုတ်ဆက်ပါက မှူးမတ်အိမ်တော်က ဂုဏ်ထူးဆောင် ဧည့်သည်တစ်ဦးကို ရှုတ်ချလိုက်သည်ဟု အခြားသူများက ပြောမည်ဖြစ်ကာ ဝေလအရှင်မင်းမြတ်ကို နှိမ့်ချသည်ဟု ကောလဟာလများ ထွက်လာပေလိမ့်မည်။
ဒါကြောင့် ရှောင်းယိုနဥ်က သွားရမှာပင်။
ယဲ့ရှန်းက သူမ၏အခက်အခဲကို နားလည်လိုက်သည်။ သူက သူမလက်ကိုဆွဲကာ ရှေ့သို့ တွန်းပို့လိုက်သည်။ "ဒါက အဆင်ပြေသွားမှာပါ၊ အဲဒါက ဝေလက မင်းသားတစ်ပါးပါပဲ၊ သူ့ကို အသိအမှတ်ပြုဖို့ ခဲယဉ်းပေမယ့် ဧည့်သည်တွေရှိတဲ့အခါ မင်းက မှန်ကန်တဲ့ ကျင့်ဝတ်တွေကို လိုက်နာသင့်တယ်လေ၊ အဲ့လိုမှ မဟုတ်ရင် ကိုယ်တို့ရဲ့လူ့အဖွဲ့အစည်းက ဘယ်လိုအလုပ်လုပ်တယ်ဆိုတာကို သူတို့က နားမလည်ဘဲနဲ့ မကြာခင် သူတို့က လူရိုင်းတွေလို ဖြစ်သွားလိမ့်မယ်၊ ကိုယ် မင်းနဲ့လိုက်ခဲ့ပေးမယ်"
"ကိုယ် မင်းနဲ့လိုက်ခဲ့ပေးမယ်" ဆိုတဲ့စကားက ရှောင်းယိုနဥ်ကို သက်တောင့်သက်သာ ဖြစ်သွားစေသည်။ သူမ သူ့နောက်မှ လိုက်နေပြီး ဧည့်ခန်းမဆီသို့ ဖြည်းညှင်းစွာ လျှောက်လာခဲ့သည်။
ဆောင်းဦးပွဲတော်ရောက်ဖို့ ခုနစ်ရက်သာလိုတော့တာကြောင့် မှူးမတ်အိမ်တော်၏ကျေးကျွန်များသည် ဥယျာဉ်ကို အလှဆင်နေကြပြီ ဖြစ်သည်။ နေအိမ်ရှိ အချို့ပန်းများနှင့် အပင်ကိုင်းကို ဖြတ်တောက်ထားကြသည်။ ညှိုးနွမ်းနေသော အဝါရောင် အရွက်များအားလုံးကို ဖယ်ရှားထားသည်။ ရှုခင်းက နွေရာသီကဲ့သို့ စိမ်းလန်းနေပြီး ဆောင်းဦး၏ အရိပ်အယောင်ကို နေအိမ်တလုံးတွင် ရှာမတွေ့ရပေ။
ရှောင်းယိုနဥ်နှင့် ယဲ့ရှန်းတို့က စင်္ကြံတစ်လျှောက် လျှောက်လာခဲ့ကြသည်။ သူမက စိမ်းလန်းသော နေရာကို အေးအေးဆေးဆေး ကြည့်နေသည်။ သူမက ဤအရာကို ဖန်တီးရန် အစေခံများအား သူမ မည်ကဲ့သို့ ညွှန်ကြားထားသည်ကို ယဲ့ရှန်းအား ပြောပြနေသည်။
YOU ARE READING
ဒုတိယအကြိမ်...လက်ထပ်ခြင်း
Historical FictionMyanmar Translation of China Web-Novel "Second Marriage" English Title : Second Marriage Original Authors : 喵蓝 English Translators : https://www.novelupdates.com/group/wordrain/ Episode : 66...
