أرويني بدماء جحيمك [Quench me with the blood of your hell]

𝑃𝐴𝑅𝑇❀136

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀136

ليليان بمجرد ما سمعات داك السؤال حسات بدقات قلبها في تسارع، تحطات أمام الامر الواقع و الكلمة لي غادي تخرج من فمها هي لي غادي تحدد مصيرها من هنا للقدام، يا اما الانتصار للحب مقابل خسارة واليديها، يا تربح طاعتهم و تخسر فالمقابل الشخص لي نبض قلبها لأجله...

الكل كان ساكت و عيونهم عليها كي حققو فملامحها لي ظاهر عليهم التردد، حتى عاود ردد العدول نفس السؤال عاد هزات عيونها الدامعة فالعقرب لي غير شافها شافت فيه بتاسم ليها كي حاول ما أمكن يطمأن قلبها، حط يديه على يديها و نطق بنبرة هادئة...

العقرب: كلشي غايكون مزيان...ما تخافيش...

كلامو كان واضح و قدرات تفهم مغزاه، رغم رفض واليديها ليه فهو مصر على انه يخليهم يتقبلوه كزوج لبنتهم واخا يكلفو الموضوع مجهود كبير، ليليان من بعد لحظات من الصمت خدات نفس طويل و قالت مخاطبة العدول...

ليليان: موافقة...

العدول سول زين و داك الرجل واش شاهدين على زواج دوك الجوج و من بعد موافقتهم قرب الروجيستر للعقرب و عطاه الستيلو قبل ما يبدا كي سني على الوراق حتى سالا و مدو لليليان لي حتى هي سنات، من بعد سناو الشهود و علن العدول على زواجهم بموجب الشرع و قانون ايطاليا...

العدول: أسأل الله أن يبارك لكما وأن يرزقكما الذرية الصالحة وأن يرزقكما الحب والمودة، وأن يلهمكما الاستقرار والاجتماع دومًا في طاعته وعلى حبه...أسأل الله أن يجعل السكينة تملأ بيتكم وأن يديم السعادة والحب بينكم.

الكل: آمين..

قراو الفاتحة و من بعد مشا العدول و معاه حتى داك الرجل،في حين ليليان و العقرب وقفو و تقابلو مع بعضياتهم قبل ما يجرها هاد الاخير و يعنقها مزير عليها...

العقرب:أخيرا وليتي مرتي...مبروك علينا...

ليليان(بتاسمات): مبروك علينا...

ليسا(كاتصفق): الله الله على مشهد...(جبدات تيليفونها كاتصور فيهم)

ليليان(بعدات عليه و شافت فزين لي باين من وجهو بلي ماراضيش على الوضع): خويا...