Blue Moon High (Completed)

Chapter 22: Blue Pain

Vanessa's POV

Napasinghap ako nang makitang gumalaw ang lalakeng kanina lang ay walang malay o mas tamang sabihin na paralyzed.

Nakikita ko sa peripheral vision ko na maging sina Flynn at Kiara man ay nagulat rin sa nangyari. Sino naman kasi ang hindi magugulat? Kanina lang ay paralyzed at dilat ang mata nitong lalake at ngayon gumagalaw na.

Sumulyap ako kina Max at Kezia, sa tingin ko nagulat rin sila pero kumpara sa amin nila Kiara, nabawi kaagad nila ang kanilang pagkagulat. Mukhang sanay na talaga sila sa mga bagay na katulad nito.

Lumapit si sir Loid sa isa pang lalake at ginawa 'yung kanina lang na ginawa niya sa unang lalake. Nagising narin ito.

It woke with a start and then it gasped. A long and a thrashing gasped. Kumurap kurap ito, na parang hindi siya makapaniwalang nakakagalaw na siya sa kabila ng pagkaparalyzed niya.

Tiningnan niya ang kasamang lalake na ngayon ay nakabangon na.

After those, we then settled. Bumalik kami nila Flynn at Kiara sa aming pagkakaupo. Sina Max and Kezia naman ay nakahanap ng malaking kahoy at dito umupo. Tapos si sir Loid naman ay umupo rin sa isang di gaanong malaking bato, ngunit tama lang ito sa kanya.

"Salamat." saad ng isang lalake habang hinihilot ang kaliwang braso niya. Mukhang malala talaga ang inabot nila sa kaaway.

Sir Loid just nodded then started asking."Ayos lang 'yun. Mga pre, gusto sana naming malaman ang nangyari. Nakita kasi kayo ng tatlong istudyante ko na nakahandusay dito at nalaman nilang paralyzed kayo. Kaya..."

Nagkatitigan ang dalawang lalake. About one minute siguro 'yung titigan nila. Sinusulyapan rin nila kami pero binabawi nila agad tapos nagkatitigan na naman sila.

Ewan ko ha, medyo suspicious naman kasi 'yung titigan nila. Para silang nag-uusap at 'di nila alam kung sasabihin ba nila sa amin ang totoo o hindi.

Akala ko hindi na sila magsasalita at habang buhay nalang silang magtititigan. "May nakabangga kami." biglang sabi nung isang lalake.

Again, sir just nodded. Like he was already expecting the answer.

"Bago po ang lahat magpakilala po muna tayong lahat, medyo mali naman kasi kung mag-uusap tayo pero 'di natin kilala ang isa't isa." biglang sabat ni Kezia. Kaya nagpakilala naman kaming lahat.

"My name's Gray." pagpapakilala ni Gray daw. "Ako si Dante." dagdag naman nung Dante raw. Gray? Dante? Parang 'di naman ata match if in terms sa generation.

Pero bakit ko ba pinakikialaman pati pangalan nila? Tingin ko nasa mid twenties 'tong mga 'to.

"As I was expecting, may nakabangga kayo. Ilan ba sila? Tatlo? Lima? Babae? Lalake?" sunod-sunod na tanong ni sir.

"Lalake." tumingin si Gray kay Dante bago nagpatuloy. "At nag-iisa lang siya." bahagya akong nagulat. I mean, hindi lang pala ako kaming lahat. One versus two?

Nakikita ko kasi sa itsura nila Kezia na nagulat sila. Si sir Loid naman ay parang wala lang, tumango-tango lang siya.

"Hindi na namin itatanong kung bakit napaaway kayo sa nag-iisang taong 'yun. Nasasainyo na 'yun kung sasabihin niyo sa'min. Marahil ay isang "bullshido" or a "touch of death" user ang umatake sa inyo." bahagyang nangunot ang noo ko sa narinig. Ito nanaman ang bullshido na 'yan.

"Alam ko bilang isa sa members ng spades ay 'di pa kayo ganap na tinuruan ng bullshido or "touch of death" dahil prohibited ang uri ng martial arts na 'yun." sabi ni sir kay Max kaya napatingin kaming lahat sa kanya.