Blue Moon High (Completed)

Chapter 36: Training Room

Chapter 36: Training Room

Ella's Point of View

Pag labas ko, sumalubong sa akin ang mga nag-aalalang mukha ni Flynn at Vanessa.

"Okay ka lang?" tinitigan ko ang nag-aalala niyang mga mata saka ako tumango.

"Buhay ka pa Ella?" nagtatakang tanong ni Vanessa at sumilip sa loob. "At in fairness mahimbing nang natutulog ang tatlong lalake na 'yan."

"Oo, Ness sa kasamaang palad buhay pa nga ako," pabirong sagot ko sa kanya at nagtawanan nalang kami.

"Pero wait, dinamay mo 'yong lalake sa counter kanina. Bakit? 'Di ka nakuntento?"

"Siya si Edward Arguelles, nagtatago sa pangalang Blake Dizon. May natanggap akong report na may traydor sa loob ng opisinang ito. And yes, that's him," saad ni sir bilang sagot kay Vanessa. Kararating niya lang kasama si Kiara, Kezia at Kyle.

Tumakbo si Kiara patungo sa akin. "Ella okay ka lang ba? Halos atakihin na kami sa puso sa pag-aalala sa'yo," bungad niya sa akin. Ngumiti ako nang marahan at sinabing okay lang ako.

May apat na pulis ang dumating at dinampot ang tatlong lalake na nakalaban ko. Binatukan pa ni Vanessa ang traydor.

Binigyan ako nang makahulugang tingin ni sir Loid. "Good job everyone! Magaling talaga ang team ninyo. Lalo na sa'yo Ella. Hindi talaga ako nagkamali sa'yo." Nakaramdam ako ng hiya dahil sa papuri ni sir kaya nagpasalamat nalang ako.

"Sir, wala po ba kaming prize? You know, sa accomplishment ng mission na 'to," nakataas na kamay na tanong ni Vanessa. Nagsimula na kaming maglakad palabas.

"At ano namang klaseng prize ang gusto mo Vanessa?" tanong ni sir.

"Uhm. Pwede kiss niyo po sir?" nangunot ang noo ni sir sa narinig. "Joke lang naman po!"

Nagtawanan na lamang kami dahil sa ingay ni Vanessa. At ang sarap lang talaga sa pakiramdam na naging matagumpay kami sa mission namin.

------

Alas-tres na ng hapon at kakauwi lang namin galing sa simpleng celebration sa tagumpay ng mission. Nagpunta agad ako nang kwarto ni kuya Charles. Pinindot ko ang password at bumukas ang pinto na tila isang elevator.

Sa pagbukas ng pinto, nakita ko si kuya Charles. Nakaupo siya sa malambot na higaan habang nagbabasa ng libro. Hindi ko na lamang siya pinansin at pumasok na.

Tumalikod ako at pinindot ang close button. Umikot ako at sa pagharap ko ay halos lumuwa ang mata ko nang may lumilipad na kutsilyo papalapit sa akin.

I sidestepped and barely dodged the knife. Nakita ko kung paano ito bumaon sa pinto.

Magkasalubong na kilay kong sinulyapan si kuya Charles. Nagbabasa parin siya ng librong may title na 'The Adventures of Sherlock Holmes' na parang walang nangyari. Nakasuot siya ng short at jersey shirt.

Padabog kong binitawan ang bag pack ko para ipahayag sa kanya na galit ako. Pero patuloy parin siya sa pagbabasa at hindi ako pinansin.

Pakiramdam ko umusok ang ilong ko dahil sa inaasal ng kuya ko. "HOY! GUSTO MO BA TALAGA AKONG PATAYIN?!"

Tumingin siya sa akin saglit at mahinang tumawa. "Aba't tumatawa ka pa?!"

"Nagbibiro lang naman," nakangiti niyang saad at bumalik ulit sa pagbabasa.

"Nagbibiro pala, ha." Inis na bulong ko sa sarili saka ko hinugot ang nakabaong kutsilyo. Habang nagbabasa siya ay tinapon ko sa kanya ang kutsilyo.