Blue Moon High (Completed)

Chapter 26: An Attempt of Murder

Ella the Queen of BLACKOUT. LOL! Hahaha!

Natutuwa talaga ako pag nababasa ko ang comments niyo. So here's an update!

Love you all!

Enjoy!

Chapter 26: An Attempt of Murder

Ella's Point of View

Ginamit ko ang peripheral vision ko para humanap ng kung ano mang pwedeng gamiting panlaban sa kanya.

Ngunit wala akong nakita.

Mahigpit akong napahawak sa kumot.

“Sino ka ba?” kapansin-pansin ang takot na namumuo sa boses ko.

Para lang siyang bingi. Ngumiti siya na parang walang narinig.

Nakahood siya at ang tanging nakikita ko lang ay ang kanyang ngiti. Tumindig ang balahibo ko sa batok.

Itinaas niya ang kanyang kutsilyo na tila naghahandang itarak ito sa akin.

Agad kong itinapon sa kanya ang puting kumot ko.

Saktong bumalot sa kanyang katawan ang kumot, pati ang mukha niya ay natakpan.

Hindi ko na sinayang ang oportunidad kaya agad ko na siyang sinipa sa sikmura.

Dahil hindi pa gaanong bumabalik ang lakas ko, alam kong hindi gaanong malakas iyon.

Napaatras siya sa ginawa kong pagsipa.

Pinilit kong bumangon at bumaba sa hinihigaan ko. Ginamit ko ang natitira ko pang lakas para maglakad patungo sa bintana.

Noong narating ko ang bintana, agad ko itong binuksan. Sumalubong sa akin ang malamig na pagaspas ng simoy ng hangin.

Masyadong mataas kung tatalon ako.

Sa oras na lumingon ako sa likod ko, sumalubong sa akin ang kanyang kamao. Bago pa ito tumama sa akin, agad na akong umilag at sinuntok siya sa mukha.

I felt how hard my fist connected to his face. Masyadong sumakit ang kamay ko sa tigas ng mukha niya.

He lashed his knife but I manage to avoid it.

Sinuntok ko pa siya, ngunit wala paring epekto ito sa kanya.

Napaatras ako, halos mabingi na ako sa sobrang lakas ng tibok ng puso ko.

Nagpalipad siya ng suntok. Agad akong yumuko kaya tumama ang kanyang kamao sa glass ng bintana. Ouch! Masakit 'yon!

Narinig ko pa ang konting pag crack ng bintana. Kung natamaan ako nun, siguradong basag ang mukha ko.

Tinadjakan ko siya sa tuhod, napahawak siya dito. Sinipa ko rin siya sa sikmura kaya siya napaatras.

I got a free time to run. Tumakbo ako. Ngunit ilang hakbang ko lang ay agad niyang inabot ang buhok ko at sinabunutan ito.

Napangiwi ako at sumigaw sa sobrang sakit ng pagkakasabunot niya.

Napahawak pa ko sa kanyang kamay para tanggalin ito.

He whispered in my ear. I can feel the heat of his breath against my neck. Mas lalo lang akong kinilabutan.