#خربشه قصه
في نص رمضان جات البتاعه ديك 🙍
...بس انا طوالي بفرح وباكل كدا لمن الله يغفر لي ....😂❤❤
مش الله اداني الرخصه دي😐 ...مالي ما اكل واشرب 😐...بااااااكل وبشرب بمزااااج كمان ...😌✋✋
اول من جات جريت افتش خدره ...👌✌💗
جبتها وقعدت اورق فيها واعملها ملاح💟 ...عشان تكون وجبتي طول فتره انا فاطره دي .....😀
امي تشيل وتعاين لي بحسره 😯
...ما بخجل وقدام ابوي كمان😂😂😂 .
.عادي الفي شنو والم في شنو😇😂
..مش ما حرام؟ خلاص ...😒😒
المهم ظبطت ملاح خدوه كاااربه كدا ..👌👌✌😍
اصلا انا والخدره بنحب بعض من زمن وصلنا للعشق يااخ ...دي ملاحي المفضله ..
😍😍
المهم يوم كدا بالنهار جعت😩 ...
جبت لي من العصير العملوه للمويات وسخنت الخدره دي كدا
ودقيت شطه خدره ولخبطها مع الحمرا وعملتها بالمسحوون ياااخ منظر الشطه براااه يمطق ....👅👅
المهم جهزت اموووري✋ ..ختيت الاكل والمويه والعصير ...فتحت التلفزيون اتفرج واكل بمزااااج واقل من مهلي ...لحدي ما انتهيت ...👍
رفعت العدا كدا وديتها سمعت امي بتسلم ...😮
طاوقت اتشمر منو دا ..لقيتو الكرااااش😍😍😍😍
...ياااااخ احلى يووووم ولد عمي جا يسلم علي امي من الباب ومستعجل داير يمشي وانا عايزه احصلو سريع اسلم عليه ...😨
جريييت شلت التوب ولفيتو وجررري خفيانه ليه ...
🙌🙌
وصلت ليه وانا اتحيحي من سخانه الارض ....😅
لمن شافني ابتسم وبدا يضحك علي 😆
...وانا بدون مقدمات الهبله ضحكت ليه ...اضحك وهو يضحك ....😂😂😂
اجي يا الهناي مالو دا بيضحك كدا وانا مالي قال بضحك معاه😐😒😒
...مشيت جري لبست شبطي وجيت اتم سلامي ...😍😍😍
مديت يدي سلم علي وانا بس اعاين واتبسم زي نيران القصب 😰 .....
واتكلم ولا الخجلانه ديك ...
بعد مشا رجعت الاوضه وانا بتبسم براااي ...😍😍
امي عاينت لي وقالت : يا بت عرفناك ماكله خدره غسلي خشمك دا تتبسم براك زي الهبله ....😒😒😒
جاتني صدمات سداسيه الابعاد .😱😱😱😱😱
..جريت للمرايه ويا ريت ما عاينت اي سنه مصاحبه ليها قطعه خدره ..الليله ووووووب😱😱😱😱.
#😂_رمضان_كريم
أنت تقرأ
خربشة قصة
Short Storyكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
