خربشة قصة

القصة94

#طبعا بعد خلصت قراية  الجزء دا واتكرفست مشاعري فيه😪😥 _ الله يسامحني 🥺_
جاتني فكرة شيطاني 😈😈😈 نشلب الفي القصة ، المعاي يقيف الصف نخطط😈😈🤫🤫🤫

#خربشة_قصة

_ القالوا كدا كتار ، أنا بعرف واحد رفض مرتو تكمل الجامعة وكان فضل ليها شهر بس وتتخرج ، تخيلي !

اتصدمت لمن قالت لي كدا مرة جيرانا ، خفت الصراحة فسألتها

_ وهي عملت شنو ؟ واهلها

_ تعمل شنو يعني ما خلاص دا راجلا ، وهي تزعل شوية لمن ينتهي الموضوع ، ترجع .

_ بس " سفيان " وعدني ، حتي في خطوبتنا بساعدني و...

_ يا أريج ما اقشك ، في البداية كدا ، وأول من يجي الوقت الجد يقلبوا ويحلفوا ما تكمل .

بقت أيامي كلها تفكير في الموضوع دا ، وخايفة فعلا " سفيان " يمنعني

وخصوصا فضل لي سنة وأخلص .

أمي قالت لي هو  أدى لابوك كلمة ولو راجل ما بيتراجع عنها ، بس برضو جواي شك كبير .

إتصيدنا فترة إجازتي للعرس 

_ الله ! مالك يا أريج متمحنة كدا ، عشان ما حتعملي الزفاف الدايراه ولا شنو ؟

سألتني امي بس هزيت راسي

_ لا ما كدا ، الشاغلني اكتر موضوع القراية  وفي نفس الوقت ما نقدر نأجل لبعض اخلص جامعة .

_ اريج اتوكلي واحتسبي امرك لله .

اتنهدت وعملت بكلام امي ، في اليوم التاني رسل لي رسالة

" اختي جاية ليك ، البسي حتمشي معاها "

رسلت ليه

"وين ؟ انت ملاحظ انو عرسنا فضل ليه يومين بس ،  يعني ما بقدر اطلع "

" مستأذن من والدتك "

وفعلا جات اختو ومشيت معاها بالاتس ، اتفاجئت انو دا محل اجار فساتين زفاف ، دمعت من فرحتي ونططت .

ضحكت علي وسلمتني التلفون 

_ هاك "سفيان " الم داير يصبر دا  ، عايز يكلمك .

رديت ليه ببسمة

_ تعرف لو كنا عاقدين كنت حضنتك

ضحك

_ ما مشكلة ، دي وقبلها كتار محفوظين في دفتر  ، والمفاجئة دي بالذات ليها اتنين بدل واحد .

_ شكرا ليك والله يا "سفيان "علي الفرحة البتدخلا لي

_   عشان اضوق حلاوتو حاخلي ردي  لمن تبقي حلالي واتغزل فيك  زي ما عايز .

ابتسمت وحمدت الله ، اتكلم

_ المهم الفستان دا لي انا ، يعني ما عشان نعمل حفلة الغاشي والماشي يشوفك فيهم ،  معليش انا  ما زي الناس بغير عليكِ فحتلبسيه لي ، كويس