#خربشة_قصة
_ بعشق الروايات وقراية القصص
_ أكتر مني ؟!!
ضحكت علي سؤالو ، بس رفضت أرد
_ يعنى ما عايزة تقولي ؟!
_ لمن يتقفل علينا بيت واحد وقتها بقول ليك
_ وعقدنا دا شنو يعني ...
_ خلاص يا أشرف ، الله ! وبعدين شنو صوت الهوا الجنبك دا
_ خايفة علي ؟!
سألني بصوت حسيت بيه بيضحك ، ضحكت على كلامو وقبل ما أرد
_ سلمي ممكن ما تضحك عليك الله
_ ليه ؟!
_ كفاي شوقي ليك ، بتزيدي الطين بلة
ضحكت قصبا عندي فاتنهد وقال
_ تاااني
_ خلاص امشي شوف ليك شغلة..
_ سلمي ... أفتحي الباب
_ نعم !!
_ الباب الممكن أكسرو هسي وأختطف البوراه من شوقي ليها ، عشان كدا أفتحي عشان ما أقلب بطل هندي
ببجماتي وشعري المنكوش جريت علي الباب مصدومة ، هو يعني جا صحي وواقف جنب بيتنا ولا بكذب علي
فتحت الباب والتلفون لسا في اضاني وهو بضحك ، فقلت لمن شفتو وأشر لي بيدو
_ والله مجنون ...
_ طيب بحلاوتك دي الزول ما يجن ، يبقي إلا ما بشر ...
فجأة إختفت بسمتو وعاين حولينو
_ سلمى أدخلي البيت سرعة ...
قال جملتو وقفل الخط داير ينزل من العربية ، وقتها عاينت لنفسي واتراجعت لجوة البيت
_ في شنو يا سلمى
سألتني امي لمن شافتني واقفةجنب الباب
_ احم ... دا أشرف
أمي كمان رحبت بيه ترحيب كبير ، بتحبو أكتر مني زاتو حسيت بيها .
جريت لبست توبي الهزاز داك بعد ما قعدت فترة بسيطة كدا جنب المراية عشان اعدل نكشة شعري
أمي مشت المطبخ تعمل العصير وأنا قعدت قصادو علي السرير
فجا قعد جنبي
_ أشرف بطّل حركاتك دي أول ، وبعدين ....
قطعت جملتي لمن حسيت بيه نزل التوب من راسي
_ أنا ما خطيبك ، أنا راجلك علي فكرة
_ احم احم ... انت ما نصيح مش ؟
هز راسو مبتسم بمعنى أيوا
_ طيب يا الم نصيح زح قبل ما أمي تجي وتفهمك غلط
أنت تقرأ
خربشة قصة
Cerita Pendekكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
