خربشة قصة

القصه الخامسه

#خربشه

#قصه_حقيقيه

كيف شعورك لمن تفقد حاجه مهمه شديد ليك؟ !! 💔
شعور كعب ومؤلم ...صح! ! ؟💔

طيب كيف لو كان طفلك من لحمك ودمك فقدتو ؟!💔
....ومش يوم  او يومين ...لا.. ١٥سنه كامله ...

الام لا يأست ولا ملت وكان فيها امل كبير انو تلقاه وتحضنو زي ما كانت تعمل قبل يتخطف منها وقدام عينها ومن بين حضنها 💔

بدت القصه من ام عندها طفل كم شهر (خمسه شهور تغريبا )..ومعاه اختو اكبر منو بسنوات.

طلعت السوق عشان تشتري  ...💖

وقفتها مره بتسأل وتستفهم عن مكان معين ..
وعلي اساس انها غريبه من المكان وما تعرف حاجه اتعاطفت معاها الام  ووصفت ليها....

..المره الخاطفه دي واصلت معاها وما خلتها وبتبرر سبب المشي معاها انها عايزه تمشي بنفس مشيها عشان تشتري ...💔

وقفت الام تشتري وجنبها بتها

..والمره الخاطفه استغلت الفرصه عدم انتباه الام وهي بتشتري وخطفت الولد وجرت بيه ...💔

الام كيف تستوعب ؟!!💔

بقت تبكي وتضحك في نفس الوقت زي المجنونه 💔
بتنادي في اسمو وتقابض الناس وتسأل فيهم ...وتجري عشوائيا ما عارفه تعمل شنو💔

الناس بقت تنفر منها واعتقدو انها مجنونه وما في زول ساعدها ...💔
ما عدا مرتين قالو ليها بالاتجاه داك شفنا مره جاريه بشافع وملفلفاه 💔
جرت لمحل الوصف بس ما في اتر ليه ولا للخاطفه 💔💔

جرت لزوجها 💔
.ما شاكلها ولا نهرها ولا قال حاجه ..💖💔
بالعكس كان خايف عليها من حالتها الكانت فيها وقال ليها بلقاه ليك ما تخافي 💔

بس ما في امل ولا اتر ليه 💔
مرت ١٥سنه ...وهم مستمرين وما كلو وما ملو وبالذات الام 💔

ما قصه هنود ولا قصص افلام بس دا قلب الام 💖
..كانت بتحس انها حتشوف ولدها وخصوصا انو الولد الوحيد وسط اخواتو ...💔

اختو الكانت معاه في الحادثه كانت بتبزل كل جهدها عشان تلقاه 💔
.. تنشر في قروب الاطفال المخطوفين عنو وعن مواصفاتو 💔
وتنزل صور ليه بالعمر الاتخطف  فيه
وتوصف ليهم انو عندو وحمه في ضهرو زيهم 💔.

كانو بيضحكو عليها ويقولو ليها انتي مجنونه تفتشي واحد مفقود ليه ١٥سنه...💔..
بس ما سمعت ليهم واتوكلت وسلمت امرها لله وواصلت 💖

بالمصادفه في واحده اتصلت عليها وقالت انو شافت الطفل دا مع واحده بتقرب ليهم بس ما متأكده اذا كان هو او لا 💔
قالت كانو مقاطعنها من عمايل كانت بتعملها عشان كدا ما متأكده

   وفهمتها انو المره دي قبل ١٥سنه اختفت منهم ورجعت وبعد مده جات وقالت انها ولدت ...💔
المهم ساعدو اختو وطلبو منها تجي تشوفو لو كان هو ...💔
طبعا ١٥سنه مستحيل تتعرف علي اخوها وكانت شاكه انو يكون هو لانو نفس المشيه حقت ابوه وملامح شديده بينهم وغيرها حاجات كتيره خلتها تشك انو هو اخوها 💔

امها مشت معاها لمحلو ...كان بيشتغل ويبيع في ملاهي 💔
...ومن غير مبالغه عرفتو من بين كل الاولاد الموجودين .. قلب الام وبيحس ..واكدت انو هو ولدها  💖💔
سألوها هل تقدري تتعرفي علي المره الخاطفه لو شفتيها ..؟
قالت :مستحيل انسى وش الحرمتني من ابني ١٥سنه 💔
..وبالفعل شافتها وعرفتها وقبضو عليها ...💔
كان بيد الام تقتلها وتعمل عمايل فيها بس راعت لولدها وانو في صدمه ...

كان بيدهع تدفنها وهي حيه خصوصا انو المره الخاطفه ما كانت ندمانه ولا متأثره بالعكس 💔
...الام قالت ليها : انتي عملتي فيني شنو؟  وليه شلتي ولدي مني ؟

..بكل برود ردت الخاطفه  : عملت شنو انا ليك ؟ شلتو وربيتو ليك وهندا قدامك كويس. 💔

بعد اعترفت الخاطفه وقالت انها خطفتو ...سجنونها.💔 .
وحسب الاقوال بيقولو سجنوها لمده سنتين ..بس سنتين مده قليله جدا علي ال١٥سنه معاناه 💔
كيف يكون شعور الولد ..؟

..لمن يجي زول فجأه ويقول ليك انو امك دي ما امك ولا ابوك دا ابوك الحقيقيين؟

..كان في حاله صدمه ...بس كان وسبحان الله بميل لامو الحقيقيه

....واما الخطفتو كان شعور مضارب ..كان طول سنوات بينادي امي وفجأه يلقاها خاطفاه ومدمره حياه اسره كامله 💔
...بيحترمها ايوا بس برضو في جانب بيكرها.
؟
ابوه الحقيقي اتوفى بعد شهور بس  من رجعه ولدو  للبيت 💔💔
...كان مكتوب يشوفو قبل ما يموت ...

من القصه دي نستفيد انو الصبر ثم الصبر ثم الصبر. 💖
...والله بجازيك ويكافئك علي حسب نيتك.💖
وان بعد العسر يسر ...💖

في اليقول ليك:
انتظرت اسبوع وما شفت يسر ..وفي اليقول شهر وفي اليقول سنه وفي الخمسه ...
بس الله موجود وعالم ...بعد ١٥سنه جا اليسر ...
#صبرا_تزرع_يسرا_تحصد