#خربشه قصه
في يوم طلعت السوق ....🏃
بعد زن وهرش طويل عريض من امي عشان اجيب ليها حاجات ...😣😣
من ضمن الحاجات دي ادتني تلفونها عشان اصلحو ليها ...😷😷
لبست عبايه وانا شايله هم من الشمس الحتصقع فيني دي 🌞☀😐
كنت متأكده من ناحيه اني حارجع فحم اسود.😤😤😩
المهم اتوكلت واستشهدت قبل اطلع ومشيت ....😩😪
علي زهجتي حقت الطلعه الم عايزاها دي .😣 والشمس الفي نص الراس 🌞
القروش نقصت الا تميت من عندي ما كان فاضل لي الا ابكي يااخ ..😭😭😭
زهجاانه وصلت محل التلفونات عشان اصلح تلفون امي ...😤😤
فتشتو في الشنطه وما لقيتو ...😱😱
بقيت اقول واااي التلفون دا هسي كان معاي مشا وين ..😨😨؟ . الليله سجمي حتقتلني امي....😱😱
شلت تلفوني واتصلت في رقم امي ..دخل معاي ...😵
الجرس الاول ..التاني رد لي ولد وقال لي التلفون معاي تعالي الحته الفلانيه ..😀
مشيت وفعلا لقيتو معاه .😃
.
مد لي التلفون وقال لي : دا تلفونك ...
في لحظه قربت ازغرت خطفتو خطف ..😍😍
.حسيت عيوني بدت تطلع قلوب قلوب لمن لقيت التلفون ...😍😍
لمن عاينت للولد تنحت ياخ وقلت ليه شكررا يااخ ..😊😄
قال لي العفو ..شفتو وقع منك لمن كنتي بتحاسبي هناك 😊
عدت الايامات واتصل علي لانو شال رقمي لمن اتصلت في رقم امي ...😒
المهم كنت رافضه فكره اتواصل معاه 😒😒
لكن مع مرور الوقت بقيت اتواصل معاه ..لحدي ما بقينا اصحاب ...😁
اتصاحبنا وكان ظريف ومحترم معاي وكان بيقول لي انتي زي اختي واكتر 😍😍😚
..بكدا وبكلمو دا 😍خلاني استمر معاه 😍
بس مع مرور الوقت حبيتو. 🙊🙈
وما كنت عارفه شعورو تجاهي كيف ...😔
في يوم هو كمان اعترف لي بحبو 😍😍😍
..فرحت شديييد وورينو اني انا كمان بحبو ..🙊🙈🙈
كان دايما يسمعني كلامات غزل وحب ...🙊🙈
وفي الاونه الاخيره بقى يتصل لي نص الليل ويتكلم كلام فارغ 😠
للحظات كتيره اقول ليه انت شارب حاجه ولا شنو؟ 😡😡
يقول شارب من بحر هواك وبعدين انتي حبيبتي يعني عادي اقول ليك كدا ..😤😠
اقول ليه ما عادي ...😡😠
انا ما عايزه كلامان زي دي تاني 😠
..يقول لي حاضر ..واليوم التاني يعيد نفس الكلام واكعب ...😤😤
في الاخير طلب يقابلني فرحت ومشيت كان في مكان عام ...😃
بدا يقول لي كلامات كتيره وحاول كم مره يلمسني ...😡😡
هجت فيه وكوركت وقلت : قلت ليك انا ما بحب الحركات الرخيصه دي ...😡😡😠
قال لي : انتي ما بتحبيني لو بتحبيني كان اتجاوبتي معاي وما رفضتي طلب بسبط زي دا ..الظاهر غلطت لمن اخترتك ..😱😱😱
قلت ليه : انا الخساره الحبيت واحد زيك ...😠
انت ما حبيتني ولا حاجه ...😭
لو صحي حبيتني كان اديتني قيمه وحافظت علي لحدي ما نعرس بس للاسف ...😭😭
طلعت خليتو ومشيت زعلاانه 😤😤
لمن رجعت لقيتو حاظرني من كل حته مكالمات وفيس واتس. ..😭😭
بكيييت علي الحب الاديتو ليه 😭😭
.بكيت بحرقه علي ثقتي ليه ...😭😭😭
تلاته يوم وانا مصدومه فيه ..لا قادره اكل ولا اشرب .😭😭
مرت علي قصتي دي سنه ...اتقدم لي ولد خالتي واتزوجني ...😴😪
ما كنت بحبو ..بس قسمه نقول ...😪
لمن تم العقد اتصل لي وقال : اخيرا 😍😍
..تعرفي انا كنت بحبك من متين ؟!!😍😍
من كنا صغار ...بس قلت الحب دا لو عايز الله يوفقني ليه لازم يكون بالحلال. 😍😍
شقيت عشانك واجتهدت وهندا عرستك وخليت حبي يشهد عليه الناس ...😍😍
بكيت اليوم داك من فرحتي بيه 😭😭😭
وحسيت بالجد انو الله عوضني باليعرف يحميني ويصوني 😍😍
.. بالحب اليخاف علي من نفسو ....الله عوضني بواحد خاف علي من نفسو 😍😍😍
#كسره
كونو انك تحب دا ما معناه انك تشطح في وتتجاوز مع البتحبو الخطوط الحمرا.. ..💔
واذا حصل كدا فدا معناه ما حب اصلا 💔💔
ومجرد لعبه للتسليه واي يوم ممكن تتجدع عشان اللعبه الجديده.. او كمان تبقى اسبير واحتياطي 💔
اذا كنت بتحبها بالجد...بالجد .. حافظ عليها ..ما عشان زول. !! 💔
عشانك انت الوثقت فيك وادتك الامان ..💔
وانتي ما تتعبي نفسك وتحاولي ترضيه بحاجه ما ترضي ربك او نفسك ...💔
ويهددك بانو ما بتحبيه ...دا كذّاب ما بحبك ..احسن تبعدي وتشوفي دربك 💖.
أنت تقرأ
خربشة قصة
Short Storyكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
